གསུང་མགུར 114
114
ཐར་གྲོལ་གྱི་གཞས།
1ཨིསི་རཱཨེལ་གྱི་མི་ཚོས་ཨི་ཇིབ་ཡུལ་དེ་སྤངས་སྐབས།
ཡ་ཀོབ་རིགས་བརྒྱུད་ཕྱི་ཡུལ་དེ་ལས་ཕྱིར་ཐོན་སྐབས།
2ཡ་ཧུ་ད་ནི་གཙོ་བོའི་དམ་པའི་མི་འབངས་སུ་འགྱུར། ཨིསི་རཱཨེལ་ནི་རང་གི་བདག་དབང་འགྱུར།
3དེ་ཚོ་མཐོང་ནས་རྒྱ་མཚོ་དམར་པོ་བྲོས། ཡོར་དན་གཙང་པོ་རྒྱུག་རྒྱུ་འགག།
4རི་བོ་རྣམས་ནི་ར་ལྟར་ཡར་ལ་འཕགས། རི་ཕྲན་རྣམས་ལུ་གུ་ལྟར་ཡར་ལ་མཆོང་བ་དང་།
5རྒྱ་མཚོ་ཁྱོད་ནི་བྲོས་འགྲོ་རྒྱུ་ཅི་བྱུང་ངམ། ཀྱེ་ཡོར་དན་ཁྱོད་ནི་ཅི་ལ་རྒྱུག་རྒྱུ་འགག།
6ཁྱོད་རི་བོ་རྣམས་ནི་ར་ལྟར་ཅི་ལ་འཕགས། ཁྱོད་རི་ཕྲན་རྣམས་ཁྱོད་ཚོ་ལུ་གུ་ལྟར་ཅི་ལ་མཆོང་།
7ས་གཞི་ཁྱོད་ནི་གཙོ་བོ་ཕེབས་པའི་དུས། ཡ་ཀོབ་དཀོན་མཆོག་དྲུང་དུ་ཁྱོད་འདར་ཞིག།
8ཁོང་གིས་བྲག་རྣམས་ཆུ་རྫིང་དུ་འགྱུར་གནང་ཞིང་།
བྲག་ངོས་གཟར་པོ་དེ་ཚོ་རྒྱུག་བཞིན་པའི་ཆུ་མིག་ཏུ་བསྒྱུར་མཛད༎
Currently Selected:
གསུང་མགུར 114: TOT11
Highlight
Share
Copy
Want to have your highlights saved across all your devices? Sign up or sign in
Tibetan Old Testament © Bible Society of Nepal, 2011.