གསུང་མགུར 116
116
འཆི་བ་ནས་ཐར་པའི་མིས་དཀོན་མཆོག་ལ་བསྟོད་པ།
1ང་ནི་གཙོ་བོ་དཀོན་མཆོག་ཁོང་ལ་བྱམས་ཀྱི་ཡོད། གང་ལགས་ཟེར་ན་ཁོང་གིས་ང་ལ་གསན་པ་དང་།
ཁོང་གིས་ང་ཡི་སྨོན་ལམ་གསན།
2ང་ཡི་ཇི་ཙམ་འབོད་ཀྱང་ཁོང་གིས་གསན།
3ཕྱོགས་བཞིར་ང་ལ་འཆི་བའི་ཉེན་ཁ་ཡོད། འཆི་བའི་དངངས་སྐྲག་གི་ང་ལ་འགེབས།
ང་ལ་འཇིག་སྣང་དང་སེམས་འཁྲལ་གང་ཡོད་དོ།
4དེ་ནས་ང་ཡིས་གཙོ་བོ་དཀོན་མཆོག་ཁོང་ལ་འབོད།
ཐུགས་རྗེས་གཟིགས་གཙོ་བོ་དཀོན་མཆོག་ང་ལ་སྐྱོབ་རོགས་གནང།
5གཙོ་བོ་དཀོན་མཆོག་བཀའ་དྲིན་ཅན་དང་བཟང་པོ་ཡིན། ང་ཚོའི་དཀོན་མཆོག་སྙིང་རྗེ་ཅན་ཡིན་ནོ།
6གཙོ་བོ་དཀོན་མཆོག་ཁོང་གིས་གྲོགས་མེད་རྣམས་ལ་སྲུང་། ཁོང་གིས་ང་ལ་ཉེན་ཁའི་དུས་སུ་སྐྱབས།
7ང་ཡི་སེམས་ཉིད་ཁྱོད་ནི་བློ་ཁལ་པོ་བྱོས་ཞིག།
གང་ལ་ཟེར་ན་གཙོ་བོ་དཀོན་མཆོག་ཁོང་གིས་ང་ལ་བཟང་པོ་གནང་།
8གཙོ་བོ་དཀོན་མཆོག་ཁོང་གིས་འཆི་བ་ལས་ནི་ང་ལ་སྐྱབས། ཁོང་གིས་ང་ཡི་མིག་ཆུ་ཕྱི་གནང་ཞིང་།
ང་ལ་ཕམ་རྒུད་སོགས་ལས་སྐྱབས་པ་གནང་།
9དེར་བརྟེན་ང་ནི་གསོན་པོ་རྣམས་ཀྱི་གླིང་དུ། གཙོ་བོ་དཀོན་མཆོག་ཁོང་དྲུང་འགྲུལ་གྱི་ཡོད།
10ང་ནི་ཆ་ཚང་མེད་པར་སོང་ཡོད། སྨྲས་སྐབས།
11ང་འཇིགས་ནས། སུ་ལ་ཡང་བློ་ཁལ་མི་ཐུབ། ཞེས་སྨྲས་པའི་སྐབས་སུ།
དེ་དུས་ཡང་ངས་ཡིད་ཆེས་བྱེད་རྒྱུ་སྤངས་མེད་དོ།
12ང་ཡི་ཕྱོགས་སུ་ཁོང་གི་བཀའ་དྲིན་ཕྱིར། ང་ནི་གཙོ་བོ་དཀོན་མཆོག་ཁོང་ལ་ཅི་འབུལ་ཐུབ།
13ང་ལ་སྐྱབས་ཕྱིར་གཏང་རག་འབུལ་བའི་ཕྱིར།
གཙོ་བོ་དཀོན་མཆོག་ཁོང་དྲུང་རྒུན་ཆང་འབུལ་བ་འཕུལ་གྱི་ཡིན།
14ང་ནི་ཁོང་གི་མི་མང་ཡོངས་ཀྱི་ཚོགས་ཁྲོད། དམ་བཅའ་ཞུས་པ་རྣམས་ཁོང་ལ་འབུལ།
15ཁོང་གི་མི་མང་ནས་མི་ཞིག་འཆི་སྐབས། གཙོ་བོ་དཀོན་མཆོག་ཁོང་ལ་དཀའ་ངལ་ཇི་ཙམ་ཡོང་།
16ང་ནི་གཙོ་བོ་དཀོན་མཆོག་ཁྱེད་ཀྱི་བྲན་གཡོག་ཡིན།
ངའི་ཨ་མའི་གནང་བ་ལྟར་ངས་ཁྱེད་ལ་ཞབས་ཕྱི་ཞུ་གི་ཡིན།
ང་ལ་འཆི་བ་ལས་ཁྱེད་ཀྱིས་སྐྱབས་གནང་བྱུང་།
17ང་ནི་ཁྱེད་ལ་ཐུགས་རྗེའི་དམར་མཆོད་འབུལ། ཁྱེད་ལ་ང་ཡི་སྨོན་ལམ་འདེབས་ཀྱི་ཡིན།
18-19ཁྱེད་ཀྱི་མི་འབངས་ཡོངས་རྫོགས་ཚོགས་པའི་སར། དམ་པའི་མཆོད་ཁང་ཡེ་རུ་ཤ་ལེམ་དུ།
ང་ཡིས་དམ་བཅའ་བྱེད་པ་རྣམས་ཁྱེད་ལ་འབུལ།
གཙོ་བོ་དཀོན་མཆོག་ལ་ནི་བསྟོད་བསྔགས་ཤིག།
Currently Selected:
གསུང་མགུར 116: TOT11
Highlight
Share
Copy
Want to have your highlights saved across all your devices? Sign up or sign in
Tibetan Old Testament © Bible Society of Nepal, 2011.