ગીતશાસ્ત્ર 32
32
કબૂલાત અને ક્ષમા
દાઉદનું [ગીત]. માસ્કીલ.
1 #
રોમ. ૪:૭-૮. જેનું ઉલ્લંઘન માફ થયું છે, તથા
જેનું પાપ ઢંકાઈ ગયું છે
તેને ધન્ય છે.
2જેને યહોવા અન્યાયી ગણતા નથી,
અને જેના આત્મામાં કંઈ કપટ નથી,
તે માણસને ધન્ય છે.
3હું છાનો રહ્યો ત્યારે આખો દિવસ
કણવાથી મારાં હાડકાં જીર્ણ થયાં,
4કેમ કે રાતદિવસ મારા ઉપર
તમારો હાથ ભારે હતો.
મારો રસ [જાણે કે] ઉનાળાની
ગરમીથી સુકાઈ ગયો. (સેલાહ)
5 #
૨ રા. ૧૨:૧૩. મેં મારાં પાપ તમારી આગળ
કબૂલ કર્યાં છે,
અને મારો અન્યાય મેં સંતાડયો નથી.
મેં કહ્યું, “યહોવાની આગળ હું મારાં
ઉલ્લંઘન કબૂલ કરીશ;”
અને તમે મારાં પાપ માફ કર્યાં. (સેલાહ)
6તે માટે તમે મળો એવે સમયે દરેક ભક્ત
તમારી પ્રાર્થના કરે;
સાચે જ ઘણાં પાણીની રેલ ચઢે ત્યારે
તે તેને પહોંચશે નહિ.
7તમે મારી સંતાવાની જગા છો;
તમે મને સંકટમાંથી ઉગારશો;
ઉદ્ધારનાં સ્તોત્રો તમે મારી
આસપાસ ગવડાવશો. (સેલાહ)
8કયે માર્ગે તારે ચાલવું તે હું તને
શીખવીશ તથા બતાવીશ;
મારી નજર તારા પર રાખીને
હું તને બોધ આપીશ.
9ઘોડા અથવા ખચ્ચર જેને
કંઈ સમજણ નથી,
જેને કબજે રાખવા ચોકડા તથા
લગામની જરૂર છે,
નહિ તો તેઓ તારી પાસે આવે
નહિ, તેમના જેવો તું ન થા.
10દુષ્ટ પર ઘણી વિપત્તિઓ આવી પડશે;
પણ જે યહોવા પર ભરોસો રાખે છે,
તે તેમની કૃપાથી ઘેરાશે.
11હે ન્યાયીઓ, યહોવામાં આનંદ કરો
તથા હરખાઓ;
અને, હે હ્રદયના યથાર્થીઓ,
તમે સર્વ હર્ષનાદ કરો.
Currently Selected:
ગીતશાસ્ત્ર 32: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
