ગીતશાસ્ત્ર 33
33
સ્તુતિ ગાન
1હે ન્યાયીઓ,
તમે યહોવામાં હરખાઓ;
યથાર્થીઓ સ્તુતિ કરે તે ઘટિત છે.
2વીણાથી યહોવાની સ્તુતિ કરો;
દશ તારવાળાં વાજાં સાથે
તેમનાં સ્તોત્ર ગાઓ.
3તેમની આગળ નવું ગીત ગાઓ;
મોટેથી તથા ચાતુર્યથી
વાજિંત્ર વગાડો.
4કેમ કે યહોવાનો શબ્દ યથાર્થ છે.
અને તેમનાં સર્વ કૃત્યો
વિશ્વાસુપણામાં [કરાય] છે.
5તે ન્યાય અને ન્યાયી વર્તન ચાહે છે;
પૃથ્વી યહોવાની કૃપાથી ભરપૂર છે.
6યહોવાના શબ્દ વડે આકાશો
તથા તેમના મુખના શ્વાસ વડે
તેઓનાં સર્વ સૈન્યો ઉત્પન્ન થયાં.
7તે સમુદ્રનાં પાણીને મશકની માફક
ભેગાં કરે છે;
તેનાં ઊંડાણોને તે વખારોમાં
ભરી રાખે છે.
8આખી પૃથ્વી યહોવાથી બીઓ;
દુનિયાના સર્વ રહેવાસીઓ
તેમનું ભય રાખો.
9કેમ કે તે બોલ્યા, અને [સૃષ્ટિ] થઈ.
તેમણે આજ્ઞા કરી, અને તે સ્થિર થઈ.
10યહોવા વિદેશીઓની મસલત
વ્યર્થ કરે છે;
તે પ્રજાઓની ધારણા નિરર્થક કરે છે.
11યહોવાનો મનસૂબો સર્વકાળ ટકે છે,
તેમના હ્રદયની ધારણા પેઢી દરપેઢી
દઢ રહે છે.
12જે પ્રજાના ઈશ્વર યહોવા છે,
અને જે લોકને તેમણે પોતાના
વારસાને માટે પસંદ કર્યા છે,
તેઓને ધન્ય છે!
13યહોવા આકાશમાંથી જુએ છે;
તે સર્વ મનુષ્યોને જુએ છે.
14પોતાના [નિવાસ] સ્થાનમાંથી
તે પૃથ્વીના સર્વ રહેવાસીઓને
નિહાળે છે;
15એટલે જે [ઈશ્વર] તે સર્વનાં
હ્રદયના સરજનહાર છે,
તથા તેમનાં સર્વ કામ ધ્યાનમાં
રાખનાર છે તે [તેમને નિહાળે છે].
16મોટા સૈન્ય વડે કોઈ રાજા બચી
શકતો નથી;
મોટા પરાક્રમ વડે બળવાન પુરુષ છૂટી
જતો નથી.
17બચાવને માટે ઘોડો નકામો છે;
તે પોતાના બહુ બળથી કોઈને ઉગારી
શકશે નહિ.
18જુઓ, યહોવાના ભકતો
તથા તેમની કૃપા પર આશા
રાખનારાં ઉપર તેમની કૃપાદષ્ટિ છે;
19જેથી તે તેઓના જીવને મોતથી બચાવે,
અને દુકાળને સમયે તેઓને
જીવતાં રાખે.
20આપણા આત્માએ યહોવાની
રાહ જોઈ છે;
તે આપણા સહાયકારી તથા
આપણી ઢાલ છે.
21આપણાં હ્રદય તેમનામાં હર્ષ પામશે,
કારણ કે આપણે તેમના પવિત્ર નામ
પર ભરોસો રાખ્યો છે.
22હે યહોવા, અમે તમારા પર
આશા રાખી છે
તે પ્રમાણે તમારી કૃપા
અમારા ઉપર થાઓ.
Currently Selected:
ગીતશાસ્ત્ર 33: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
