માથ્થી 5

ગિરિપ્રવચન

1ત્યારે ઘણા લોકને જોઈને ઈસુ પહાડ પર ચઢી ગયા, અને તેમના બેઠા પછી તેમના શિષ્યો તેમની પાસે આવ્યા. 2અને તેમણે પોતાનું મોં ઉઘાડીને તેઓને ઉપદેશ કરતાં કહ્યું,

પરમસુખ

(લૂ. ૬:૨૦-૨૩)

3“આત્મામાં જેઓ રાંક છે

તેઓને ધન્ય છે,

કેમ કે આકાશનું રાજ્ય તેઓનું છે.

4 # યશા. ૬૧:૨. જેઓ શોક કરે છે તેઓને ધન્ય છે,

કેમ કે તેઓ દિલાસો પામશે.

5જેઓ #ગી.શા. ૩૭:૧૧. નમ્ર છે તેઓને ધન્ય છે,

કેમ કે તેઓ પૃથ્વીનું વતન પામશે.

6 # યશા. ૫૫:૧-૨. જેઓને ‍ન્યાયીપણાની ભૂખ તથા

તરસ છે તેઓને ધન્ય છે,

કેમ કે તેઓ ધરાશે.

7દયાળુઓને ધન્ય છે

કેમ કે તેઓ દયા પામશે.

8 # ગી.શા. ૨૪:૩-૪. મનમાં જેઓ‍ શુદ્ધ છે તેઓને ધન્ય છે,

કેમ કે તેઓ ઈશ્વરને જોશે.

9સલાહ કરાવનારાઓને ધન્ય છે,

કેમ કે તેઓ ઈશ્વરના દીકરા કહેવાશે.

10 # ૧ પિત. ૩:૧૪. ન્યાયીપણાને લીધે જેઓની સતાવણી

કરવામાં આવી છે

તેઓને ધન્ય છે,

કેમ કે આકાશનું રાજ્ય તેઓનું છે.

11 # ૧ પિત. ૪:૧૪. જ્યારે લોકો તમારી નિંદા કરશે, ને પાછળ લાગશે, ને મારે લીધે તમારી વિરુદ્ધ તરેહતરેહની ભૂંડી વાત અસત્યતાથી કહેશે, ‍ત્યારે તમને ધન્ય છે. 12તમે આનંદ કરો તથા ઘણા હરખાઓ, કેમ કે આકાશમાં તમારો બદલો મોટો છે, કેમ કે તમારી અગાઉના #૨ કાળ. ૩૬:૧૬; પ્રે.કૃ. ૭:૫૨. પ્રબોધકોની પાછળ તેઓ એમ જ લાગ્યા હતા.

જગતનું મીઠું અને દુનિયાના દીવા

(માર્ક ૯:૫૦; લૂ. ૧૪:૩૪-૩૫)

13 # માર્ક ૯:૫૦; લૂ. ૧૪:૩૪-૩૫. તમે જગતનું મીઠું છો, પણ જો મીઠું બેસ્વાદ થયું હોય તો તે શાથી ખારું કરાશે? બહાર ફેંકાવા તથા માણસોના પગ નીચે છુંદાવા વગર તે બીજા કંઈ કામનું નથી. 14#યોહ. ૮:૧૨; ૯:૫. તમે જગતનું અજવાળું છો. પહાડ પર વસાવેલું નગર સંતાઈ રહી શકતું નથી. 15અને #માર્ક ૪:૨૧; લૂ. ૮:૧૬; ૧૧:૩૩. દીવો કરીને તેને માપ નીચે નહિ, પણ દીવી પર મૂકવામાં આવે છે, ત્યારે ઘરમાંનાં બધાંને તે અજવાળું આપે છે. 16તેમ જ તમે તમારું અજવાળું લોકોની આગળ એવું પ્રકાશવા દો #૧ પિત. ૨:૧૨. કે તેઓ તમારી સારી કરણીઓ જોઈને આકાશમાંના તમારા પિતાની સ્‍તુતિ કરે.

નિયમશાસ્ર સંબંધી શિક્ષણ

17નિયમશાસ્ર અથવા પ્રબોધકોની વાતોનો નાશ કરવાને હું આવ્યો છું, એમ ન ધારો. હું નાશ કરવા તો નહિ, પણ પૂર્ણ કરવા આવ્યો છું. 18કેમ કે #લૂ. ૧૬:૧૭. હું તમને ખચીત કહું છું કે, આકાશ તથા પૃથ્વી જતાં રહે ત્યાં સુધી બધાં પૂરાં થયા વગર નિયમશાસ્‍ત્રમાંથી એક કાનો અથવા એક માત્રા જતી રહેશે નહિ. 19એ માટે આ સૌથી નાની આજ્ઞાઓમાંની એક જો કોઈ તોડશે, ને માણસોને એવું કરતાં શીખવશે, તો તે આકાશના રાજ્યમાં સૌથી નાનો કહેવાશે. પણ જે કોઈ તે પાળશે ને શીખવશે તે આકાશના રાજ્યમાં મોટો કહેવાશે. 20કેમ કે હું તમને કહું છું કે શાસ્‍ત્રીઓના તથા ફરોશીઓના ન્યાયીપણા કરતાં જો તમારું ન્યાયીપણું વધારે ન હોય, તો આકાશના રાજ્યમાં તમે નહિ જ પેસશો.

ક્રોધ સંબંધી શિક્ષણ

21 # પુન. ૫:૧૭. ‘હત્યા ન કર, ને જે કોઈ હત્યા કરે તે અપરાધી ઠરવાના જોખમમાં આવશે’ એમ પુરાતન કાળમાં લોકોને કહેવામાં આવ્યું હતું, એ તમે સાંભળ્યું છે. 22પણ હું તમને કહું છું કે, જે કોઈ પોતાના ભાઈ પર અમથો ક્રોધ કરે છે, તે અપરાધી ઠરવાના જોખમમાં આવશે. અને જે પોતાના ભાઈને ‘પાજી’ કહેશે તે ન્યાયસભાથી અપરાધી ઠરવાના જોખમમાં આવશે. અને જે તેને કહેશે કે, ‘તું મૂર્ખ છે, ’ તે અગ્નિની ગેહેન્‍નાના જોખમમાં આવશે. 23એ માટે જો તું તારું અર્પણ વેદી પાસે લાવે, ને ત્યાં તને યાદ આવે કે, ‘મારા ભાઈને મારી વિરુદ્ધ કંઈ છે.’ 24તો ત્યાં વેદી આગળ તારું અર્પણ મૂકીને જા, પહેલાં તારા ભાઈની સાથે સલાહ કર, ને ત્યાર પછી આવીને તારું અર્પણ ‍ચઢાવ. 25જ્યાં સુધી તું તારા વાદીની સાથે માર્ગમાં છે, ત્યાં સુધી તેની સાથે વહેલો મળી જા. રખેને વાદી તને ન્યાયાધીશને સોંપે, ને ન્યાયાધીશ તને સિપાઈને સોંપે, ને તું કેદખાનામાં નંખાય. 26હું તને ખચીત કહું છું કે તું પાઈએ પાઈ ચૂકવીશ નહિ, ત્યાં સુધી તું ત્યાંથી બહાર નીકળનાર જ નથી.

વ્યભિચાર અંગે શિક્ષણ

27 # નિ. ૨૦:૧૪; પુન. ૫:૧૮. ‘વ્યભિચાર ન કર’ એમ કહેલું હતું, એ તમે સાંભળ્યું છે. 28પણ હું તમને કહું છું કે, સ્‍ત્રી ઉપર જે કોઈ ખોટી નજર કરે છે, તેણે એટલામાં જ પોતાના મનમાં તેની સાથે વ્યભિચાર કર્યો છે. 29અને #માથ. ૧૮:૯; માર્ક ૯:૪૭. જો તારી જમણી આંખ તને ઠોકર ખવડાવે, તો તેને કાઢી નાખીને તારી પાસેથી ફેંકી દે, કેમ કે તારા અવયવોમાંના એકનો નાશ થાય, ને તારું આખું શરીર નરકમાં ન નંખાય, એ તને ગુણકારક છે. 30અને #માથ. ૧૮:૮; માર્ક ૯:૪૩. જો તારો જમણો હાથ તને ઠોકર ખવડાવે, તો તેને કાપી નાખીને તારી પાસેથી ફેંકી દે, કેમ કે તારા અવયવોમાંના એકનો નાશ થાય, ને તારું આખું શરીર નરકમાં ન નંખાય, એ તને ગુણકારક છે.

ફારગતી વિષે શિક્ષણ

(માથ. ૧૯:૯; માર્ક ૧૦:૧૧-૧૨; લૂ. ૧૬:૧૮)

31 # પુન. ૨૪:૧-૪; માથ. ૧૯:૭; માર્ક ૧૦:૪. ‘જે કોઈ પોતાની સ્‍ત્રીને મૂકી દે તે તેને ફારગતી લખી આપે’, એમ પણ કહેવામાં આવ્યું હતું. 32પણ #માથ. ૧૯:૯; માર્ક ૧૦:૧૧-૧૨; લૂ. ૧૬:૧૮; ૧ કોરીં. ૭:૧૦-૧૧. હું તમને કહું છું કે, વ્યભિચારના કારણ વગર જે કોઈ પોતાની સ્‍ત્રીને મૂકી દે, તે તેની પાસે વ્યભિચાર કરાવે છે. અને જે કોઈ તે મૂકી દીધેલી સ્‍ત્રી સાથે લગ્ન કરે છે તે પણ વ્યભિચાર કરે છે.

સમ ખાવા વિષે શિક્ષણ

33‘વળી, #લે. ૧૯:૧૨. તું જૂઠા સમ ન ખા, પણ #ગણ. ૩૦:૨; પુન. ૨૩:૨૧. પ્રભુ પ્રત્યે તારા સમ પૂરા કર, ’ એમ પુરાતન સમયમાં લોકોને કહેવામાં આવ્યું હતું, એ તમે સાંભળ્યું છે. 34પણ હું તમને કહું છું કે, #યાકૂ. ૫:૧૨. કંઈ જ સમ ન ખાઓ; #યશા. ૬૬:૧; માથ. ૨૩:૨૨. આકાશના નહિ, કેમ કે તે ઈશ્વરનું રાજ્યાસન છે; 35અને #યશા. ૬૬:૧. પૃથ્વીના નહિ, કેમ કે તે તેમનું પાયાસન છે. અને #ગી.શા. ૪૮:૨. યરુશાલેમના નહિ, કેમ કે તે મોટા રાજાનું નગર છે. 36અને તું તારા માથાના પણ સમ ન ખા, કેમ કે તારાથી એક વાળ પણ ધોળો અથવા કાળો કરી શકાતો નથી. 37પણ તમારું બોલવું તે ‘હા તે હા, ને ‘ના તે ના’ હોય, કેમ કે એ કરતાં અધિક જે કંઈ છે તે ભૂંડાથી છે.

બદલો લેવા વિષે

(લૂ. ૬:૨૯-૩૦)

38 # નિ. ૨૧:૨૪; લે. ૨૪:૨૦; પુન. ૧૯:૨૧. ‘આંખને બદલે આંખ, ને દાંતને બદલે દાંત’ એમ કહેવામાં આવ્યું હતું, એ તમે સાંભળ્યું છે. 39પણ હું તમને કહું છું કે જે ભૂંડો હોય તેની સામા ન થાઓ:પણ જે કોઈ તારા જમણા ગાલ પર તમાચો મારે, તેની તરફ બીજો પણ ફેરવ. 40અને જે તારો કોટ લેવા માટે તારા પર દાવો કરે, તેને તારું પહેરણ પણ લેવા દે. 41અને જે કોઈ બળજબરીથી તને એક માઇલ લઈ જાય, તેની સાથે બે માઇલ જા. 42જે કોઈ તારી પાસે માગે છે તેને તું આપ, ને તારી પાસે જે ઉછીનું લેવા ઇચ્છે છે, તેનાથી મોં ન ફેરવ.

વૈરીઓ પર પ્રેમ રાખો

(લૂ. ૬:૨૭-૨૮,૩૨-૩૬)

43 # લે. ૧૯:૧૮. ‘તું તારા પડોશી પર પ્રેમ કર, ને તારા વૈરી ઉપર દ્વેષ કર, ’ એમ કહેવામાં આવ્યું હતું, એ તમે સાંભળ્યું છે: 44પણ હું તમને કહું છું કે તમે તમારા વૈરીઓ પર પ્રેમ કરો, ને જેઓ તમારી પાછળ પડે છે તેઓને માટે પ્રાર્થના કરો. 45એ માટે કે તમે આકાશમાંના તમારા પિતાના દીકરા થાઓ; કારણ કે તે પોતાના સૂરજને ભૂંડા તથા ભલા પર ઉગાવે છે, ને ધર્મી તથા અધર્મી પર વરસાદ વરસાવે છે. 46કેમ કે જેઓ તમારા પર પ્રેમ કરે છે, તેઓ પર જો તમે પ્રેમ કરો છો, તો તમને શું ફળ છે? જકાતદારો પણ શું એમ નથી કરતા? 47અને જો તમે કેવળ તમારા ભાઈઓને સલામ કરો છો, તો તેમાં તમે વિશેષ શું કરો છો? વિદેશીઓ પણ શું એમ નથી કરતા? 48#લે. ૧૯:૨; પુન. ૧૮:૧૩. એ માટે જેવા તમારા આકાશમાંના પિતા સંપૂર્ણ છે તેવા તમે સંપૂર્ણ થશો.

Currently Selected:

માથ્થી 5: GUJOVBSI

Highlight

Copy