Yoznaz Saw 3
3
Yoznaz bae Niznizveih Singz
1Yehhozvaz caiq doiq Yoznaz naeuz: 2“Mwngz vaiq bae daengz Niznizveih aen singz hung mwnq bae, yiengq gij vunz mwnq cenzgangj gij vah gou.”
3Yiengq, mbat neix Yoznaz dingq gij vah Yehhozvaz lo; de couh bae daengz Niznizveih Singz. Mwhde, aen singz Niznizveih hung raixcaix, ij byaij sam ngoenz cij ndaej byaij goqdoh. 4Gajlaeng Yoznaz byaij haeuj aen singz mwnq bae lo. De byaij haeujbae ngoenz he, yiengq gij vunz mwnq cenzgangj naeuz: “Goq seiqcib ngoenz haem, Niznizveih lienz vunz lienz singz couh ij ngaiz coeb liux bae.”
5Gij vunz Niznizveih dingq le, couh sinq Cangqdiq dih vah. Gyoengqde vanzlij senhbuq lekdungx; mboujlwnh boux dang ak hajx cixnaeuz boux yaqyuij mij dang saek yiengh, cungj ij vuenh daenj buh boiq daehmaz, yienghneix couh dwg naeuz nginh loek.
6Couh yienghneix, gij vah Yoznaz cenz bae daengz goengjvuengz Niznizveih. Goengjvuengz dingq le, de couh daj aen lungzeij de ndwn hwnjdaeuj, doq byaij doq duet diuz lungzbauz de okdaeuj, couh doq daenj diuz buh boiq daehmaz haeujbae, siengsim hwj naengh roengz daeuh bae. 7Gajlaeng de baij vunz bae yiengq gij vunz Niznizveih mwnq fat dunghgauq naeuz:
Goengjvuengz caeuq gij daqcwnz de mingqlingq naeuz:
Vunz caeuq gij doenghduz ndaw ranz, gijmaz doxgaiq cungj mbouj ndaej gw; cungj ij lekdungx. 8Vunz cungj ij daenj buh boiq daehmaz, doenghduz caemh ij gyuj boiq boiqmaz. Bouxboux cungj ij lauxsaed gouz Cangqdiq, daj ndaw sim nginh loek gaij goqma, mbouj caiq haih vunz, vwt gij doegsieb bae. 9Saekseiz de dauq vih gij neix gaijbienq cawjeiq, mbouj caiq fatheiq. Yienghneix, gyoengqraeuz couh mbouj lau ngaiz rairaeg raicied lo!
10Gajlaeng, Cangqdiq yawjraen gyoengqde soj guh dih saeh, couh rox gyoengqde mbouj caiq guh doenghgij doegsieb he lo, couh gaijbienq gij cawjeiq de, mbouj hawj yienzlaiz senhbuq dih nanh nanh dawz gyoengqde lo.
Currently Selected:
Yoznaz Saw 3: YBNT
Highlight
Share
Copy
Want to have your highlights saved across all your devices? Sign up or sign in
© New Bridge Publishing Company Limited
