Yoznaz Saw 4
4
Yehhozvaz son Yoznaz baenzlaw guh vunz
1Yehhozvaz yienghneix gaijbienq cawjeiq le, Yoznaz cix mbouj fug cix aeuqheiq. 2Yienghneix de couh ienq naeuz: “Yehhozvaz Cangqdiq hax, mwh gou lij youq ranz mwhde, mbouj dwg naeuz goq, hauhnaeuz gou bae Niznizveih nex, saehcingz gaengjdingq bienqbaenz yienghneix hah? Gou senqsi rox mwngz dwg hojsik vunz dih Cangqdiq, caiq hozraez mbouj geijhoz rox fatheiq, miz baenxbienh dih aiq seiqseiz mbouj bienq, caemh sim daiq unq lai. Yienzlaiz mwngz naeuz ij fad, hoeng seizneix cungj mbouj raen fad. Yienzlaiz gou siengj deuz bae Dahswh couh dwg vih yienghneix. 3Heix, Yehhozvaz Cangqdiq hax, caih gou rai sat lox! Rai lij haemq ndeiyouq.”
4Yehhozvaz han naeuz: “Mwngz naemqnaeuz mwngz ndatheiq lij deng?”
5 Yoznaz vanzlij mbouj fug. Gajlaeng de couh ok Niznizveih Singz bae, youq rog singz hih mbiengj baixdoeng dap aen diengz he hwj naengh youq laj de, naengh youq mwnq siengj yawjyawj Niznizveih Singz ngaiz mbouj ngaiz byaeu. 6Gajlaeng Yehhozvaz Cangqdiq hawj go youzcoengh he hwnj youq henz ndang Yoznaz, hawj go de hwnj hwj sang goq Yoznaz bae, hawj de ndaej gang raemh, hawj de haemq ndeiyouq. Yoznaz raen le, angq ij rai.
7Hoeng daengz haet daixngeih, Cangqdiq youh hawj duz non he daeuj gw go youzcoengh, gw hawj go de cungj reuq liux bae. 8Gyangjngoenz ok daeuj le, Cangqdiq caiq hawj gij rumz gig ndat he daj baixdoeng ci goqdaeuj. Gij heiq ndit de gig ndat, cik daengz gwnz raeuj Yoznaz. Yoznaz ngaiz ndit cik hwj raeuj muenh ij rai hojyouq bae, couh hemq naeuz: “Gou cingxnyienh rai lo! Rai lij haemq ndeiyouq!”
9Cangqdiq dingq le, couh doiq Yoznaz naeuz: “Geizheih, go youzcoengh neix rai, mwngz ndatheiq guxmaz nex?”
Yoznaz han naeuz: “Baeq mbouj ndatheiq? Gou cungj aeuqheiq ij rai hoh lo!”
10Yehhozvaz couh doiq Yoznaz naeuz: “Go neix youq ngwnz he ndaej maj hung, caiq ndaej youq ngwnz he rai bae. Mwngz youh mbouj ndaem go de, youh mbouj viq go de hung; mwngz lij baenxlai langx go de! 11Gangjnaeuz ndaw Niznizveih Singz hih vunz, gyoengqde miz baenx cibngeih lai fanh vunz, daiq fawz gvaz fawz swix cungj faen mbouj ok haem, caemh vanzlij miz baenxbienh moumou, vaizvaiz, gaeqgaeq. Baenx hung dih singz, gou baeq mbouj langx gyoengqde hwj? Cingqcaen lo!”
Currently Selected:
Yoznaz Saw 4: YBNT
Highlight
Share
Copy
Want to have your highlights saved across all your devices? Sign up or sign in
© New Bridge Publishing Company Limited
