Yoznaz Saw 2
2
Yoznaz haenh Yehhozvaz
1Yoznaz youq ndaw dungx duz bya haenh Yehhozvaz, naeuz:
2Yehhozvaz Cangqdiq hax!
Gou roeb daengz nanh gouz mwngz nex,
Mwngz couh hoi bak han gou.
Gou youq ndawlaep gouz mwngz bang,
Mwngz caemh dingqri gij sing gou.
3Mwngz dawz gou gveng roengz haij bae,
Gveng daengz mwnq ceiq laeg ceiq laep he bae.
Raemxgit daeuj gvaeg gou;
Gij raemxrongz hung mwngz caiq dumh gou.
4Gou ndaw sim naeuz:
“Gou dajlwh dangqnaj mwngz ngaiz boenq deuz;
Baenzlawz caiq ndaej raen gunghdenq mwngz,
Mwnq mwngz youq mwnq nej?”
5Raemx haij duk gou gaenjgaenj,
Gab dawz gij hoz gou.
Seiqhenz cungj dwg vaengz laeg,
Myez haij caiq cug aen raeuj gou.
6Gou roengz daengz lajdaej haij luengqbya he;
Laj de luj miz binqdou youq baixlaeng gou gaenq suj ndaet.
Yehhozvaz Cangqdiq hax!
Couh dwg mwngz dawz gou daj ndaw gumz rai gouq gou okdaeuj.
7Mwh gou ij gatcaw mwhde,
Gou couh ngeix daengz mwngz.
Yehhozvaz Cangqdiq hax!
Gou yiengq mwngz gangj hih vah gaenq cenz haeuj gunghdenq mwngz bae lo,
Caemh cenz haeuj rwz mwngz bae lo.
8Byawz bae baiq duz you,
Cungj dwg begbeg baiq;
Byawz gvih baiq gyaj cwnz,
Couh dwg de vwt mwngz caencwnz doiq de dih hojsik.
9Gou nej, gou ij haenh mwngz, docih mwngz, bwiz mwngz.
Gou caemh gangj daengz guh daengz gaxgonq gou soj caeuq mwngz gangj goq dih saeh.
Yehhozvaz Cangqdiq hax,
Caenhgag miz mwngz cij ndaej gouq vunz!
10Yoznaz gangj sat le, Yehhozvaz couh hawj duz bya dawz Yoznaz haiz youq gwnz hamq.
Currently Selected:
Yoznaz Saw 2: YBNT
Highlight
Share
Copy
Want to have your highlights saved across all your devices? Sign up or sign in
© New Bridge Publishing Company Limited
