Zab 107
107
KITABU CHA TANO
Shukrani kwa Kukombolewa katika Dhiki
1 #
1 Nya 16:34; 2 Nya 5:13; 7:3; Ezr 3:11; Zab 100:5; 106:1; 118:1; 136:1; Yer 33:11; Mt 19:17 Mshukuruni BWANA kwa kuwa ni mwema,
Kwa maana fadhili zake ni za milele.
2Na waseme hivi waliokombolewa na BWANA,
Wale aliowakomboa na mkono wa mtesi.
3 #
Zab 106:47; Isa 49:12; Yer 29:14; Eze 39:27 Akawakusanya kutoka nchi zote,
Mashariki na magharibi, kaskazini na kusini.
4Walitanga-tanga jangwani katika njia ya nyika;
Hawakuona mji wa kukaa.
5Waliona njaa, waliona na kiu,
Nafsi yao ilikuwa ikizimia ndani yao.
6 #
Zab 50:15; Isa 41:17; Yer 29:12-14; Hos 5:15 Wakamlilia BWANA katika dhiki zao,
Akawaponya na shida zao.
7 #
Ezr 8:21; Isa 63:12 Akawaongoza kwa njia ya kunyoka,
Wapate kwenda mpaka mji wa kukaa.
8Na wamshukuru BWANA, kwa fadhili zake,
Na maajabu yake kwa wanadamu.
9 #
Zab 34:10; Isa 55:1; Mt 5:6; Lk 1:53 Maana hushibisha nafsi yenye shauku,
Na nafsi yenye njaa huijaza mema.
10 #
Ayu 36:8
Waliokaa katika giza na uvuli wa mauti,
Wamefungwa katika taabu na chuma,
11 #
Omb 3:42; Zab 73:24; Lk 7:30; Mdo 20:27 Kwa sababu waliyaasi maneno ya Mungu,
Wakalidharau shauri lake Aliye juu.
12 #
Isa 63:5
Hata akawadhili moyo kwa taabu,
Wakajikwaa wala hakuna msaidizi.
13Wakamlilia BWANA katika dhiki zao,
Akawaponya na shida zao.
14 #
Zab 146:7; Mdo 12:7 Aliwatoa katika giza na uvuli wa mauti,
Akayavunja mafungo yao.
15Na wamshukuru BWANA kwa fadhili zake,
Na maajabu yake kwa wanadamu.
16 #
Isa 45:2
Maana ameivunja milango ya shaba,
Ameyakata mapingo ya chuma.
17 #
Zab 14:1; Mit 1:22; Omb 3:39 Wapumbavu, kwa sababu ya ukosaji wao,
Na kwa sababu ya maovu yao, hujitesa.
18Nafsi zao zachukia kila namna ya chakula,
Wameyakaribia malango ya mauti.
19Wakamlilia BWANA katika dhiki zao,
Akawaponya na shida zao.
20 #
Hes 21:8; 2 Fal 20:4; Mt 8:8 Hulituma neno lake, huwaponya,
Huwatoa katika maangamizo yao.
21Na wamshukuru BWANA kwa fadhili zake,
Na maajabu yake kwa wanadamu.
22 #
Law 7:12; Zab 50:14; Ebr 13:15 Na wamtolee dhabihu za kushukuru,
Na kuyasimulia matendo yake kwa kuimba.
23Washukao baharini katika merikebu,
Wafanyao kazi yao katika maji mengi,
24Hao huziona kazi za BWANA,
Na maajabu yake vilindini.
25Maana husema, akavumisha upepo wa dhoruba,
Ukayainua juu mawimbi yake.
26 #
Zab 22:14; Isa 13:7; Nah 2:10 Wapanda mbinguni, watelemka vilindini,
Nafsi yao yayeyuka kwa hali mbaya.
27Wayumba-yumba, wapepesuka kama mlevi,
Akili zao zote zawapotea.
28Wakamlilia BWANA katika dhiki zao,
Akawaponya na shida zao.
29 #
Zab 65:7; Isa 50:2; Mt 8:26; Mk 4:39-41 Huituliza dhoruba, ikawa shwari,
Mawimbi yake yakanyamaza.
30Ndipo walipofurahi kwa kuwa yametulia
Naye huwaleta mpaka bandari waliyoitamani.
31Na wamshukuru BWANA kwa fadhili zake,
Na maajabu yake kwa wanadamu.
32Na wamtukuze katika kusanyiko la watu,
Na wamhimidi katika baraza ya wazee.
33 #
1 Fal 17:1; Isa 34:9,10; Eze 30:12; Yoe 1:20; Nah 1:4 Amegeuza mito ikawa jangwa,
Na chemchemi za maji zikawa nchi ya kiu.
34 #
Mwa 13:10
Nchi ya matunda mengi ikawa uwanda wa chumvi,
Kwa sababu ya ubaya wao walioikaa.
35 #
Isa 41:18
Amegeuza jangwa ikawa ziwa la maji,
Na nchi kavu ikawa chemchemi za maji.
36 #
Mdo 17:26
Maana amewakalisha huko wenye njaa,
Nao wametengeneza mji wa kukaa.
37Wakapanda mbegu katika mashamba,
Na kutia mizabibu iliyotoa matunda yake.
38 #
Mwa 12:2
Naye huwabariki wakaongezeka sana,
Wala hayapunguzi makundi yao.
39 #
2 Fal 10:32; Ayu 12:21 Kisha wakapungua na kudhilika,
Kwa kuonewa na mabaya na huzuni.
40Akawamwagia wakuu dharau,
Na kuwazungusha katika nyika isiyo na njia.
41 #
1 Sam 2:8; 2 Sam 7:8; Ayu 8:7 Akamweka mhitaji juu mbali na mateso,
Akamfanyia jamaa kama kundi la kondoo.
42 #
Ayu 22:19; 5:16; Mit 10:11 Wanyofu wa moyo wataona na kufurahi,
Na uovu wa kila namna utajifumba kinywa.
43 #
Yer 9:12; Dan 12:10 Aliye na hekima na ayaangalie hayo;
Na wazitafakari fadhili za BWANA.
Currently Selected:
Zab 107: SUV
Highlight
Share
Copy
Want to have your highlights saved across all your devices? Sign up or sign in
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.
