Matayi 19

Nizya soka

(Mlko. 10.1-12)

1Bo u Yesu amala pakunena zinizi, akepamo muchigaba icha Galileya nukubuka muchigaba icha Yudeya kwisila ilinji ilya lusoko ulwa Yolodani. 2Ichilundilo ichikulu icha bantu chikamukonka, po akabapozya kulakula.

3Aba Falisayi bamo bakiza kukwache nukuyezya pakumutegha mukanenele pakumulalusya ukuti, “Nkimba Indaghilo zyitu zikwitikizya ukuti umwanavuli amusosye umuchi wache pachifukwa chosi chicho akulonda?”

4 # Ubw. 1.27, 5.2 U Yesu akamula akati, “Mutabelengitepo Amasimbo aghakuti pabwandilo u Mupeli akapela umwanavuli nu mukolo? 5#Ubw. 2.24Po u Chala akati, ‘Pachifukwa ichi, umwanavuli akwiza pakumuleka uwise nu nyina nukumamatilana poka nu muchi wache. Po babili banaba bakwiza pakuba mubili ghoka.’ 6Po bate bantu babili sona, loli mubili ghoka. Po chicho u Chala amamatizya poka, patakabepo umuntu uwakuchimamatula.”

7 # Ukk. 24.1-4; Mat. 5.31 Aba Falisayi bakamulalusya u Yesu bakati, “Nkimba choni chicho u Mozesi akalamula ukuti umwanavuli amupanje umuchi wache ukalata uwakumusosya nukumuchimbizya?”

8U Yesu akamula akati, “U Mozesi akabitikizya pakubasosya abachi binyu pachifukwa chakuti amoyo ghinyu makafu nkani. Loli mute momumo chikabela pabwandilo. 9#Mat. 5.32; 1 Kol. 7.10-11Ilelo inkubabuzya ukuti nanti umwanavuli akumusosya umuchi wache pabusita ichifukwa icha bulowe nukusenda umukolo uyunji, kokuti akulowa.”

10Abamanyili bache bakamubuzya bakati, “Nanti momumo zibeleye pakasi pa mwanavuli nu muchi wache, chizapo ukuleka pakusenda.”

11U Yesu akamula akati, “Te muntu wesi yuyo angachipokela ichimanyisyo ichi, loli bene babo u Chala abapiye. 12Pakuti pali ivifukwa ivyakulekanalekana vivyo umuntu atangasendela: Bamo pachifukwa chakuti bapapiwe bulabula; abamwabo pachifukwa chakuti bapangiwe na bantu; abanji pachifukwa icha Bumwene ubwa Kumwanya. Yuyo angapokela ichimanyisyo ichi muleke apokele.”

U Yesu akubasaya abana

(Mlko. 10.13-16; Luk. 18.15-17)

13Abantu bamo bakiza na bana kwa Yesu ukuti abasaye pakubika inyobe zyache nukubiputila, loli abamanyili bache bakabachemela. 14U Yesu akati, “Baleke abana bize kukwane, mutakabakanizye pakuti Ubumwene ubwa Kumwanya ubwa bantu babo bali ngati bo aba.”

15Po akabika inyobe zyache papabo nukubuka.

Nizya muntu umukabi

(Mlko. 10.17-31; Luk. 18.18-30)

16Akabalilo kamo umuntu yumo akiza kwa Yesu nukumulalusya ukuti, “Wee Mumanyisi, nkimba imbombe chiza choni ukuti impokele ubumi ubwa bwila na bwila?” 17U Yesu akamula akati, “Nkimba choni chicho ukundalusya ukuti choni chicho chiza. Alipo bulo Weka yuyo mwiza. Konka amalamulo nanti ukulonda ubumi ubwa bwila na bwila.” 18#Ukf. 20.13-16; Ukk. 5.17-20Akalalusya akati, “Malamulo ghoni?” U Yesu akamula akati, “Utakaghoghaye, utakalowaye, utakibaye, utakabanje we kaboni umumyasi, 19#Ukf. 20.12; Ukk. 5.16; Lev. 19.18sona chindika ughuso nu nyoko. Umughanaye umupalamani wako ukuyana na mumo wiyighaniye wemwenecho.” 20Umulumendo yula akamula akati, “Inkonkite amalamulo ghosi ghanagha. Nkimba imbombe ichoni sona?” 21U Yesu akati, “Nanti ukulonda pakuba we mwiza, kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.” 22Bo umulumendo yula ivwa zinizi, akabuka ni chitima pachifukwa chakuti akaba mukabi nkani.

23Po u Yesu akababuzya abamanyili bache akati, “Naloli inkubabuzya ukuti chipala nkani ukuti abantu abakabi binjile mu Bumwene ubwa Kumwanya.” 24Nkunena sona ukuti chipala nkani ukuti umuntu umukabi injile mu Bumwene ubwa Chala ukuchila ukuti ingamila yinjile mu kabwazi aka sindano. 25Bo abamanyili bivwa zinizi, bakaswigha nkani. Bakalalusya bakati, “Po nkimba we wenu angapokiwa?”

26U Yesu akabenelezya nukubamula ukuti, “Zinizi zitangabombiwa nu muntu, loli nu Chala. Pakuti nu Chala ichintu chosi chipepe bulo.”

27U Pitala akamula akati, “Ennya, twavileka vyosi nukukukonka awe. Nkimba umuvwalo ghoni ghugho tukwiza pakupokela?”

28 # Mat. 25.31; Luk. 22.30 U Yesu akababuzya akati, “Naloli inkubabuzya ukuti bo u Mwana uwa Muntu ikaye pachitengo chache icha buchindamu pakabalilo kako ivintu vyosi vikwiza pakuba vyinyu, sona amwe mukwiza pakwikala pa vitengo 12 ivya bumwene pakulonga inko 12 izya ba Izilayeli. 29Sona umuntu wesi yuyo ayilekite inyumba pamo abawamwabo, pamo abayemba, pamo uwise pamo unyina, pamo abana, pamo amaghunda, pachifukwa icha nene, akwiza pakupokela ivintu ivyinji ukuchilapo 100, sona akwiza pakupokela ubumi ubwa bwila na bwila. 30#Mat. 20.16; Luk. 13.30Loli abinji abakwanda bakwiza pakuba babumalilo, sona abinji aba bumalilo bakwiza pakuba bakwanda.”

Currently Selected:

Matayi 19: LMBNT2016

Highlight

Copy