Luka 9
9
U Yesu akubatuma abamanyili 12 bala
(Mat. 10.5-15; Mlko. 6.7-13)
1U Yesu akabitizya abamanyili 12 bala poka nukubapa amaka nu bulaghili ubwakwefezezya imizimu imibibi yosi nukupozya ububine. 2Po akabatuma pakulumbilila nizya Bumwene ubwa Chala nukupozya ababine. 3#Luk. 10.4-11; Imbo. 13.51Akababuzya akati, “Mutakasende nachimochimo pa bulendo bwinyu. Mutakasende indisa yakwendela awe, inyambi iya pa bulendo awe, pamo ilaya ilya palubazu awe. 4Kosi kuko mwapokeliwa akiza, ikala munyumba yilayila mupaka mwepemo mukaya kala. 5Nanti mwafika mukaya kako abantu batakubapokela, po mwepemo nukukung'unta ulufumbi munyayo zyinyu pakuba chimanyilo ichakubasoka.”
6Abamanyili bala bakabuka nukwenda mutwaya tosi, pakulumbilila Amazyu Amiza nukupozya abantu kosi na kosi.
Nizya kuvulungana kwa Helodi
(Mat. 14.1-12; Mlko. 6.14-29)
7 #
Mat. 16.14; Mlko. 8.28; Luk. 9.19 Bo u Helodi, u mwene uwa Galileya ivwa zyosi zizyo zikabombiwanga, akavulungana pachifukwa chakuti abantu bamo bakatinji, “Uyu we Yohani Uwalozyo yula, azyuka kubufwe.” 8Abanji bakatinji, “Awe, u Eliya aboneka.” Sona bamo bakatinji, “Awe, uyu we weka uwa balaghuzi abavula intazi, yuyo azyuka kubufwe.” 9U Helodi akati, “Inkamudumula u Yohani umutu, loli umuntu yuyo inkumwivwa ni zyache, nkimba we wenu?” Po akalondagha nkani pakumwennya u Yesu.
U Yesu akuchilyesya ichilundilo ichikulu nkani
(Mat. 14.13-21; Mlko. 6.30-44; Yoh. 6.1-14)
10Abatumiwa bakiza nukumulingannya u Yesu zyosi zizyo bakabomba. Po u Yesu akabasenda nukubuka poka nabo kukaya aka Betisayida. 11Bo ichilundilo icha bantu chivwa, chikamukonka. Akabapokela nukunena nabo nizya Bumwene ubwa Chala nukubapozya ababine. 12Bo izuba likwinjila, abamanyili 12 bakiza pakumubuzya ukuti, “Ubabwezye abantu ukuti babukaye mutwaya na mumaghunda ghagho ghali papipi pakwilondela bene ivyakulya nu buzilo ubwakughonamo pakuti muno mo munkolongo.” 13Loli u Yesu akababuzya akati, “Amwe mwebene mubapanje ivyakulya.”
Bakamula bakati, “Tuli ni vibama fayivi ni iswi zibili bulo. Nkimba ukulonda tubukaye pakughula ichakulya icha bantu bosi banaba?” 14(Abanavuli bene bakabapo papipi 5,000.)
U Yesu akababuzya abamanyili bache akati, “Mubikazye abantu pasi mutubukatila utwa bantu 50.” 15Bo abamanyili babomba bunubu, sona bosi bakikala pasi. 16U Yesu akasenda ivibama fayivi ni iswi zibili zila, akennya kumwanya nukupalizya kwa Chala. Akamenyannya ivibama vila nukubapa abamanyili bache ukuti babagabile abantu. 17Abantu bosi bala bakalya nukwikuta. Po abamanyili bakanyamula ividudunga 12 vivyo vikizula ni vyakusyala.
U Pitala akunena nizya Yesu
(Mat. 16.13-19; Mlko. 8.27-29)
18Isiku limo bo u Yesu akwiputa mwene, abamanyili bakiza kukwache. U Yesu akabalalusya akati, “Nkimba abantu bakuti ane ne wenu?”
19Bakamula bakati, “Bamo bakuti awe we Yohani Uwalozyo. Abanji bakuti awe we Eliya, abanji sona bakuti awe we yumo uwa balaghuzi abakali yuyo azyuka kubufwe.”
20 #
Yoh. 6.68-69
Po u Yesu akabalalusya akati, “Nkimba amwe mukuti ane ne wenu?”
U Pitala akamula akati, “Awe, we Kilisitu uwa Chala.”
U Yesu akunena nizya kuyimba nu bufwe bwache
(Mat. 16.20-28; Mlko. 8.30—9.1)
21Po u Yesu akabasoka nkani ukuti batakamubuzyepo nayumo umuntu. 22Akababuzya sona akati, “U Mwana uwa Muntu abaghiye pakuyimba nkani nukukaniwa na balongozi aba Chiyuda, na baputi abasongo, sona na bamanyisi aba Ndaghilo. Akwiza pakughoghiwa, loli nanti ghachilapo amasiku matatu akwiza pakuzyuka kubufwe.”
23 #
Mat. 10.38; Luk. 14.27 Po akababuzya abantu bosi akati, “Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye. 24#Mat. 10.39; Luk. 17.33; Yoh. 12.25Pakuti umuntu wesi yuyo akulonda pakubupoka ubumi bwache, akwiza pakubutagha. Loli umuntu wesi yuyo akulonda pakubutagha ubumi bwache pachifukwa icha nene, akwiza pakubupoka. 25Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe, nachimochimo! 26Nanti umuntu ali nane ni soni, sona ni chimanyisyo chane, po u Mwana uwa Muntu wepe akwiza pakuba ni soni nawe bo akwiza mubuchindamu ubwa Wise poka na bantumi abazelu aba kumwanya. 27Naloli inkubabuzya ukuti balipo abantu bamo pano, babo bate bakafwe mupaka bennye Ubumwene ubwa Chala.”
U Yesu akwanduka pighamba
(Mat. 17.1-8; Mlko. 9.2-8)
28 #
2 Pit. 1.17-18
Bo ghachilapo amasiku eyiti bo anena zinizi, u Yesu akamusenda u Pitala, nu Yohani, sona nu Yakobo nukukwela nabo pighamba pakwiputa. 29Bo akwiputa, akabonekele aka cheni chache kakanduka, sona amenda ghache ghakaba maswepu nkani. 30Panapo na panapo abantu babili, u Mozesi nu Eliya bakanda pakunenezannya nawe. 31Bakaboneka mubuchindamu ubwa kumwanya nukunena nu Yesu nizya bufwe bwache mu Yelusalemu ukuti akwanilisye ubwighane ubwa Chala. 32U Pitala na bamwabo bakakononagha, loli bakalamusya nukwennya ubuchindamu ubwa Yesu na bantu babili babo bakimilila nawe. 33Bo abantu bala bakulekana nu Yesu, u Pitala akamubuzya akati, “Wee Mwene, chizapo ukuti aswe tuli pano! Tukwiza pakuzenga ivisakasa vitatu, choka chako, ichinji icha Mozesi, sona nicha Eliya.” (Akazotokagha.)
34Bo u Pitala achili akunena ibingu likabakupikila, po abamanyili bala bakanyila nkani. 35#Yes. 42.1; Mat. 3.17, 12.18; Mlko. 1.11; Luk. 3.22Izyu likivwika mwibingu ukuti, “Uyu Mwana wane yuyo namusala. Mumwivwilaye!”
36Bo izyu lyaleka pakwivwika, u abamanyili bala bakamwennya u Yesu ali mwene. Po bakaba myee, sona batakamubuzyapo nayumo umuntu pakabalilo kala ivintu vyosi vivyo bakavyennya.
U Yesu akumupozya umulumendo uwa muzimu umubibi
(Mat. 17.14-18; Mlko. 9.14-27)
37Ilyandabi, u Yesu na bamanyili bache batatu bakika pighamba, po ichilundilo icha bantu chikakomana nu Yesu. 38Po umuntu akakolomoka nkani muchilundilo chila akati, “Wee Mumanyisi inkukulaba. Ennya umwana wane—umwana wane mwene na mwene! 39Ali nu muzimu umubibi. Nanti wamulema akukolomoka umwakuchenuka bulo nukumuyingannya nkani, umwakuti itatafulu likufuma ku mulomo. Ghukwendelela pakumuvulazya, sona ghutakwepamo mumwache. 40Inkabalaba abamanyili bako ukuti bawefye umuzimu umubibi, loli bakapotwa.”
41U Yesu akabamula akati, “Mwe bantu abankulilo iyi mwe basita lwitiko na babibi! Nkimba nikale namwe mupaka liyi? Fwandi nkibe namwe mupaka liyi?” Po akamubuzya umuntu yula akati, “Zagha nawe kuno umwana wako.”
42Bo umulumendo yula akwiza, umuzimu umubibi ghukamusumbila pasi nukumuyingannya nkani. U Yesu akaghulamula umuzimu umubibi ghula ukuti wepemo mumwache. Po akamupozya umulumendo yula nukumulemeka sona uwise. 43Abantu bosi bakaswigha nkani na maka amakulu agha Chala.
U Yesu akunena sona nizya bufwe bwache
(Mat. 17.22-23; Mlko. 9.30-32)
Abantu bakaba bachili bakuswigha ni vintu vyosi vivyo u Yesu akabombagha, bo akubabuzya abamanyili bache ukuti, 44“Mutakaluvye zizyo indi papipi pakubabuzya! U Mwana uwa Muntu akwiza pakubikiwa munyobe izya balwani.” 45Loli abamanyili bache batakivwisya zizyo akanenagha pakuti zikafisiwa kukwabo, umwakuti batakivwisya akiza. Bakanyilagha pakumulalusya pa mazyu ghanagha.
We wenu yuyo we songo nkani?
(Mat. 18.1-5; Mlko. 9.33-37)
46 #
Luk. 22.24
Abamanyili bakanda pakudalinkana benebene ukuti we wenu we songo nkani pakasi papabo? 47U Yesu akazimanya zizyo bakinong'onagha, po akamusenda umwana nukumwimika kulubazu lwache 48#Mat. 10.40; Luk. 10.16; Yoh. 13.20nukubabuzya ukuti, “Umuntu wesi yuyo akumupokela weka uwa bana aba pachifukwa icha nene, kokuti akumpokela nene. Umuntu wesi yuyo akumpokela akiza, kokuti atakumpokela nemwene, loli akumupokela na wepe bulo yuyo akantuma. Pakuti umuntu yuyo munandi nkani pakasi papinyu, we songo nkani.”
Yuyo atakudalinkana naswe, witu
(Mlko. 9.38-40)
49U Yohani akati, “Mwene, tukamwennya umuntu yumo akwefya imizimu imibibi mwitabwa lyako, po tukamukanizya pakuti atakaba uwa kabukatila kitu.”
50U Yesu akamubuzya, sona na bamanyili abanji akati, “Awe mutakamukanizyanje pakuti umuntu wesi yuyo atakudalinkana namwe, winyu.”
Akaya aka Samaliya kakukana pakumupokela u Yesu
51Bo akabalilo kapalamila akakuti u Yesu asendiwe pakubuka kumwanya, akinong'ona pakubuka ku Yelusalemu. 52Akatuma intumi kuntazi kukwache, zizyo zikabuka mukaya aka Samaliya pakumuyanizya zila ivintu vyosi. 53Loli abantu aba mukaya kalakala batakamupokela, pachifukwa chakuti abantu bakazimanya ukuti akubuka ku Yelusalemu. 54#1 Abm. 1.9-16Bo abamanyili bache, u Yakobo nu Yohani bennya zinizi, bakanena bakati, “Mwene, nkimba ukulonda aswe twitizye umoto kumwanya ukuti ghubalungulizye?”#9.54: Amasimbo ghamo aghakale ghonjelezya ukuyana na mumo u Eliya akabombelagha. 55U Yesu akaghalabuka nukubachemela.#9.55 Amasimbo ghamo aghakale ghonjelezya nukuti, “Mutakumanya uluko ulwa muzimu ghugho muli nagho, pakuti u Mwana uwa Muntu atakiza pakunangannya ubumi ubwa bantu, loli pakubapoka.” 56Po u Yesu na bamanyili bache bakabuka kukaya akanji.
Nizya kumukonka u Yesu
(Mat. 8.19-22)
57Bo bakwenda muzila, umuntu yumo akamubuzya u Yesu akati, “Nkwiza pakukukonka kosi kuko ukubuka.” 58U Yesu akamwamula akati, “Abakambwe bali ni mpako, ni viyuni vyope vili ni vivumbo, loli u Mwana uwa Muntu ate nu buyo ubwakughonapo nu kutuzyapo.”
59U Yesu akamubuzya umuntu uyunji akati, “Nkonka.”
Loli umuntu yula akati, “Wee Mwene, unyitikizye ukuti imbuke pakumusyila tasi utata wane.”
60U Yesu akamula akati, “Baleke abafwe basyilane abafwe benebene. Loli awe, kalumbililaye nizya Bumwene ubwa Chala.”
61 #
1 Abm. 19.20
Umuntu uwamwabo akati, “Mwene, inkwiza pakukukonka, loli unyitikizye tasi ukuti mbuke mbalaghe kunyumba yane.”
62U Yesu akati, “Umuntu wesi yuyo akwanda pakulima nukwennya kwisinda, atabaghiye mu Bumwene ubwa Chala.”
Currently Selected:
Luka 9: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya
