Popular Bible Verses from Luka 9

Share

Po akababuzya abantu bosi akati, “Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye.

Pakuti umuntu wesi yuyo akulonda pakubupoka ubumi bwache, akwiza pakubutagha. Loli umuntu wesi yuyo akulonda pakubutagha ubumi bwache pachifukwa icha nene, akwiza pakubupoka.

U Yesu akati, “Umuntu wesi yuyo akwanda pakulima nukwennya kwisinda, atabaghiye mu Bumwene ubwa Chala.”

Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe, nachimochimo!

Nanti umuntu ali nane ni soni, sona ni chimanyisyo chane, po u Mwana uwa Muntu wepe akwiza pakuba ni soni nawe bo akwiza mubuchindamu ubwa Wise poka na bantumi abazelu aba kumwanya.

U Yesu akamwamula akati, “Abakambwe bali ni mpako, ni viyuni vyope vili ni vivumbo, loli u Mwana uwa Muntu ate nu buyo ubwakughonapo nu kutuzyapo.”

nukubabuzya ukuti, “Umuntu wesi yuyo akumupokela weka uwa bana aba pachifukwa icha nene, kokuti akumpokela nene. Umuntu wesi yuyo akumpokela akiza, kokuti atakumpokela nemwene, loli akumupokela na wepe bulo yuyo akantuma. Pakuti umuntu yuyo munandi nkani pakasi papinyu, we songo nkani.”