Sailm 126
126
1’N tràth thug Iehòbhah air a h-ais
bruid Shioin, b’ionann sinn
Is daoine chunnaic aisling mhòr,
’s a mhosgail as an suain.
2Lìonadh ar beul le gàir’ an sin,
’s ar teanga fòs le ceòl;
Am measg nan cinneach thubhairt iad,
Rinn Dia dhaibh beairtean mòr’.
3Rinn Dia mòr-bheairtean air ar son,
chuir oirnne gàirdeachas.
4Iehòbhah, till ar bruid a-rìs,
mar shruth san àird a deas.
5Iadsan a chuir gu deurach sìol,
gu subhach nì iad buain.
6An neach gu cur a thèid a-mach
le sìol ro-phrìseil caoin,
Air bhith dha gul gu muladach,
ga iomchar siud gu fonn,
Le aiteas tillidh e gu dearbh,
a’ giùlan sguaban trom’.
Currently Selected:
Sailm 126: SD1826
Highlight
Share
Copy
Want to have your highlights saved across all your devices? Sign up or sign in
Sailm Dhaibhidh 1826 (le litreachadh ùr 2000)
© Comann Bhìoball na h-Alba (Scottish Bible Society) 2000
