Sailm 124
124
1Nis abradh Israel gu fìor,
Mur biodh Iehòbhah leinn:
2Mur biodh Iehòbhah as ar leth,
tràth dh’èirich daoine rinn;
3’N sin dhèante leo ar slugadh beò,
’n tràth las an corraich rinn.
4Is ruitheadh tharainn tuiltean bras’,
sruth làidir thar ar ceann.
5’N sin rachadh thar ar n-anam bochd,
na tuiltean àrd’ gu lèir.
6Moladh do Dhia, nach tug e sinn
mar chreich dam fiaclaibh geur’.
7Mar eun à lìon an eunadair,
ar n-anam truagh chaidh as:
Bhriseadh an lìon is sgaoileadh e,
is shaoradh sinn gu cas.
8Ar còmhnadh tha ’s ar cuideachadh
an ainm Iehòbhah thrèin:
An neach a rinn an talamh fòs,
’s a chruthaich nèamh nan speur.
Currently Selected:
Sailm 124: SD1826
Highlight
Share
Copy
Want to have your highlights saved across all your devices? Sign up or sign in
Sailm Dhaibhidh 1826 (le litreachadh ùr 2000)
© Comann Bhìoball na h-Alba (Scottish Bible Society) 2000