Sailm 122
122
1Bha aoibhneas orm tràth thubhairt iad
Gu taigh Dhè thèid sinn suas.
2Ad dhorsaibh, O Ierusaleim,
ar casan seasaidh fòs.
3Ierusalem mar chathair i,
thogadh gu dìleas dlùth;
4Don tèid na treubhan suas gu lèir,
’s iad treubhan Dhè nan dùl:
Gu teisteas Israeil, a-chum
ainm Dhè gum moladh iad.
5Oir cathraichean chum breith tha ’n sin;
’s le teaghlach Dhaibhidh iad.
6Sìor ghuidhibh do Ierusalem
sìth-shàimh is sonas mòr:
A’ mhuinntir sin len ionmhainn thu
soirbhichidh iad gu leòr.
7An taobh a-staigh ded bhallachaibh
biodh sìth is sonas math;
Deagh shoirbheas fòs gu robh gu bràth
ad lùchairt àird a-staigh.
8Air sgàth mo bhràithrean ’s luchd mo ghaoil,
dhut guidheam sìth a-ghnàth.
9Air sgàth taigh naomh ar Tighearn Dia,
iarram do leas gu bràth.
Currently Selected:
Sailm 122: SD1826
Highlight
Share
Copy
Want to have your highlights saved across all your devices? Sign up or sign in
Sailm Dhaibhidh 1826 (le litreachadh ùr 2000)
© Comann Bhìoball na h-Alba (Scottish Bible Society) 2000
