Zabúr 6
6
Mír mug̣anní ke liye; tárdár sázoṉ ke sáth, Shamínít ke sur par, Dáúd ká Mazmúr.
1Ai Ḳhudáwand, tú mujhe apne qahr meṉ na jhiṛak,
Aur apne g̣aiz o g̣azab meṉ mujhe tambíh na de.
2Ai Ḳhudáwand, mujh par rahm kar, kyúṉki maiṉ pazhmurda ho gayá húṉ:
Ai Ḳhudáwand, mujhe shifá de, kyúṉki merí haḍḍiyoṉ meṉ beqarárí hai.
3Merí ján bhí niháyat beqarár hai:
Aur tú, ai Ḳhudáwand, kab tak?
4Lauṭ, ai Ḳhudáwand, merí ján ko chhuṛá:
Apní shafaqat kí ḳhátir mujhe bachá le.
5Kyúṉki maut ke ba‘d terí yád nahíṉ hotí:
Qabr meṉ kaun terí shukrguzárí karegá?
6Maiṉ karáhte karáhte thak gayá;
Maiṉ apná palang áṉsúoṉ se bhigotá húṉ;
Har rát merá bistar tairtá hai.
7Merí áṉkh g̣am ke máre baiṭhí játí hai,
Aur mere sab muḳhálifoṉ ke sabab se dhundhláne lagí.
8Ai sab badkirdáro, mere pás se dúr ho,
Kyúṉki Ḳhudáwand ne mere rone kí áwáz sun lí hai.
9 Ḳhudáwand ne merí minnat sun lí:
Ḳhudáwand merí du‘á qubúl karegá.
10Mere sab dushman sharminda aur niháyat beqarár hoṉge:
Wuh lauṭ jáeṉge: wuh daf‘atan sharminda hoṉge.
Currently Selected:
Zabúr 6: URDR55
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
