ZEKHARIA 5
5
Shala Prükütse Kümohtsa
1Hi nüh eh notha toke nü no ünü, shala küsü prükütse ngu! 2Thi ma nüh hi vü, “Noh tü mowa ngu veh lo?” ta küna. Hi nüh, shala küsü prükütse ngu veh; ma chu thuoüji apie türake, ti rületsü. 3Thinü ma nüh hi vü, “Hamatü kümzü azheh anyieh aveh vü kuoküwawa; küpakenühnyunü kürühuri aveh thuoüji nosü vünüh tuvü jüma müzhe nü vijam naveh, thi rie nü küüshieri thuoüji nosü vünüh tuvü jüma müzhe nü vijam naveh. 4Hi nüh jüma küze naveh, thi jüma tü kürühura zhehlovü thi rie nü küüshiera zhehlovü eh nyo vünüh tu naveh; thi jüma tü ma zheh lovü peh nü azhehthsoluo thi alohriluo jüma zoriem naveh,” ta küza.
Nyimza akhuoshu lovü kütü kümohtsa
5Jüsevü hi siejüle küveh rügizhülewa atüvü tsezhuru nü hi vü, “Noh notha toke nü kuoküwawa tü mowa nüh noluo,” ti küza. 6Jüti küsa vü hi nüh, “Jümatü mowa lo?” ti küna. Thinü ma nüh, “Hamatü kuotsezhu küwawa tü akhuoshu,” ta rületsü. Jüma sevü ma nüh hi vü, “Hamatü azhih aveh vü mari künakhie,” ta rületsü. 7Thinü halie, amrü nüh küsa küsotewa tü sakeno ünü nyimzari küsü tü akhuoshu lovü shupehveh! 8Thi ma nüh “Hamatü kümsü küsa,” ta rületsü. Thi ma nüh nyimzawa tü akhuoshu lo vü küchiethsem le nü amrü küzotewa ma thsopo vü khetem. 9Jüti sanü eh notha toke nü no ünü nyimzari künyi tü atüvü tsezhuru! Amürhü tü masü aküsa vüpeh; masü tü jumwa küsa kümjie pe, thi masü tü azhih thi atülü masü azhie vü akhuoshuwa khake. 10Thinü hi nüh rügizhüle hi sie jüle küvehwa vü, “Masü tü akhuoshu khievü kuokhawa lo?” ti küna. 11Ma nüh hi vü, “Shinar zhih vü kuokhawa,” ti rületsü, jüma kenüh azheh sa nta; thi hama kücherathuoh üji masü nüh akh
Currently Selected:
ZEKHARIA 5: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
