ZEKHARIA 4
4
Latipe Kümohtsa
1Jüsevü hi sie küjüle rügizhülewa tü ru le nü nyi küsü aküzeh vünüh saküüsüra kümjie hi saküsüra. 2Thinü ma nüh hi vü, “Noh tü mowa ngu veh lo?” ta küna. Hi nüh, “Hi nüh nguküveh thuoüji, aveh suna nüh küsa alati, jüma rüguhvü akhu küsü peh, thi jümawa rügivü anyihku türü peh, anyihku küsüsü rügivü apomie türü pe, thi jümari tü jümara rügivü peh. 3#Kkt 11.4. Thi jüma kütuo vü Olive rhu künyi pehveh, küsüsü mazhie wuovü thi küpawa thuoüji jüma azhu wuovü,” ti pehveh ti küza. 4Thi hi nüh hi sie jüle küveh rügizhülewa vü, “Hamari tü mowa lo, eh Vüwa?” ti küna. 5Thinü hi siejüle küveh rügizhülewa nüh hi vü, “Hamari tü mowa nüh noh tü müthsü ülo?” ta rüle küza, hi nüh, “Nyu, eh Vüwa,” ti rületsü.
Zerubbabel vü Saküüwuowa küphrahzhu
6Jüsevü ma nüh hi vü, Vüwa zhü hamatü Zerubbabel vü kütsü: Akükhra vü nga vüh nyu, nyutü kümzho vü nga nüh nyu, thitü eh Sietse vünüh, ta Vüwa nüh küza veh. 7Noh tü thawa lo, O aküzhi küjiwa? Noh tü Zerubbabel atüvü nüh kütake küsü sam naveh; thi ma nüh küzhihotsuwa aloh viru nü zie taji “Külozhi, külozhi ta ma vü sanaveh,” ti küza üti küza. 8Jüma nyievü nga Vüwa zhü tü hi vü ru taji, 9“Zerubbabel ake tü azheh hama ajupe vü thsemthuoh; ma ke nüh jüma küsaju nga sa naveh. Jüta hi tü thopahiri Vüwa nüh nohri vü küze ta küsa thsü naveh, 10#Ezr 5.2. #Kkt 5.6. küpakenühnyunü thari nüh zanyo kütazüri rülowa mam naveh ünüh nyierakhruo naveh, thi Zerubbabel ake vünüh kürhevüh ngu naveh. Türü hamari tü Vüwa notha, jüma tü azhih aveh vüpe,” ti küza. 11#Kkt 11.4. Thinü hi nüh, “Latipe azhie wuovü thi azhu wuovü küpeh Olive rhu künyi tü mowa lo?” ti küna. 12Jüta küüna vü akünyiawa hi nüh ma vü, “Olive rhu tsuona ta künyi tü mowa lo, avüjuh ma vünüh küshozhu küveh suna likürupe nato vü pehküvehwa tü mowa lo?” ti küna. 13Ma nüh hi vü, “Noh tü hamari müthsü ülo?” ta küna. Hi nüh ma vü, “Nyu, eh Vüwa,” ti rületsü. 14Thinü ma nüh, hamasü tü thseküm azhih ajü Vüwa kütuoh vü kütsieri, ta rületsü. Vüwa kütuoh vü kütsieri, ta rületsü.
Currently Selected:
ZEKHARIA 4: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
