ZECHARIAH 8
8
Jerusalemli Khuisangluiki kaji
1Kala saikorawui Prohowui tui chi ili rāhānga, 2“Saikorawui Prohona hithāda hānga; Ina Zionli hakmahālak eina shivāma, kala ina kashivāmwui vang malungvātlakhaowa. 3Prohona hithāda hānga: Ina Zionli latungra, kala Jerusalemwui alungli pamra, kala Jerusalemli ningkatong keinung kala saikorawui Prohowui kathara kaphung hohaora. 4Ashangva̱wui Prohona hithāda hānga: Kasarala, kasarva̱la, khāmshui singriplaga Jerusalemwui chānreili thot thotwui vang pamluishitra. 5Kala keinung chiwui chānrei kachida naoshinao mayarnaola sha̱naola ngareokhanganao pemtinghaora.”
6Saikorawui Prohona hithāda hānga: “Atam hitharan, hi shākkahaibingwui vang matakhakhaowa da, china iwui vangla matakhakhaora kajilā da saikorawui Prohona hānga. 7Saikorawui Prohona hithāda hānga; Yanglu, zingsho zingtun ram kachida khalei iwui miyurli ina huimira; 8kala Jerusalemwui alungli ina athumli ungsom ngasakra; kala ningtongda khamashung khangarong eina athum iwui mi sāra, ina athumwui Vare sāra.”
9Saikorawui Prohona hithāda hānga: “Saikorawui Prohowui shimphunga ngalung hamkaphok eina thuilaga marānbingwui khamor eina kashā samkaphang nathum khorumshim chi sākāshap khavai nathumwui pāng yāng kāngasaklu, 10kaja khare kachāng miwuila, sha̱keiwuila ngalangman maleisāmana, khaung khavāli yangkashibingwui eina ningtāphup kahai maleisāmana. Khikhalajila ina mi kachiva̱li akha eina akha yangshi ngarok ngasaka. 11Kha ara, shākkahai mibing hili ridawui thāda masāluimara da saikorawui Prohona hānga. 12Kaja chingri eina yaosangra; drakhārongna athei matheira, ngaleina kashakazā chungmei mira, kazingna ikra̱ tāmira, kala ina saikora hi shākkahai mibingli khuingasakra. 13Kala nathum yurbingwui khonshi khavai sākasā chi, O Judah eina Israel shimkhur, ina nathumli huikhuira kala nathum somi kahaia ngasāra. Mangacheealu kha nathumwui pāng pangngasaklu.”
14Kaja saikorawui Prohona hithāda hānga: “Navāngarāna ili malungvāt khavai kasā tharan ina nathumli makaphā sākhavai ngarānhailaga ning manemkatā thāda, 15latluida ina Jerusalem eina Judahli kaphā sami khavai khangarān sāhaira; mangacheealu. 16#Eph 4.25. Nathumna saki kaji otbing chi hina; Nathum akha eina akha khamashung tui matui ngaroklu, nathumwui ngaveibingli khamashunga bichar samida chingrihai khavai sālu, 17nathumwui wuklungli akha eina akha makaphā sākhavai mamachukphāphaalu; minama shākhi kasā malung machāngalu, khikhalajila hikathā saikora hi ina ningkachai,” da Prohona hānga.
18Kala saikorawui Prohowui tui chi ili rāhānga, 19“Ashangva̱wui Prohona hithāda hānga: Kachāng khamatewui kakhum, kala kaphangāwui kakhum, kala kashinewui kakhum, kala katharāwui kakhum chi, Judah shimkhurwui vang ringkaphā, khamathān kala ningngai khamathāwui zātkhān sāra; chiwui vang eina khamashung kala chingri kahaili leishilu.”
20“Saikorawui Prohona hithāda hānga: Mi rāfara, keinung khangateiwui einala kachungkha rāra; 21keinung akhawui mina keinung akhali vāda hāngra, ‘Ithumna thākta Prohowui lukhamashan chi aposa kala saikorawui Prohowuili aphākhuisa; I vaura.’ 22Miyur kachungkha kala kapanga yur kachungkhana saikorawui Proholi samphang khavai Jerusalemli pharāra, kala Prohowui lukhamashan pora. 23Ashangva̱wui Prohona hithāda hānga: Chitharan atui-arā khangatei yurbingwui mi tharāna Jehudi akhawui kachon rāsāza̱laga, ‘Ithum nali ngasovāga; kaja Varena nathumli ngasomi kaji ithum shāhaira,’ da hāngra.”
Currently Selected:
ZECHARIAH 8: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
