NAHUM 1
1
1 #
Isa 10.5-34; 14.24-27; Zep 2.13-15. Ninevehwui apongli khamarān tuina. Elkoshwui Nahumna mahākhami lairikna.
Ninevehli Prohowui Malungkhavāt
2 Proho hiya mikpaishikatha kala athut kakhuiana,
Proho hiya athut kakhuia kala lungvātkashena;
Proho hiya ali khangasungbingli athut khui,
kala awui malungkhavāt yangkashebingli leichinga.
3 #
Isa 10.5-34; Zep 2.12-15. Proho hiya malung mathuithakmana,
kala pangshap khaleiana,
kala Prohova khayonli mathāhailakmana.
Awui shongfa sur kakhaning eina siphan zingrotwui alungli lei,
kala muiyā hi apheiwui chifana.
4Ana shamadruli khararda thengngasaka,
ana kong saikora thengngasaka;
Bashan eina Carmel ngahuihaowa;
Lebanonwui awonla pa̱tai.
5Phungreibing awui mangāli nganuka,
phungrābing menga;
okathui kala chiwui alungli khalei saikora awui mangāli khikha masāvaimana.
6Awui malungkhavāt chili khipā nganingshapra?
Awui malungkakangwui kasā chili khipa khāngshapra?
Awui malungkathui mei thāda chuishoka,
lunghārla ana kaitham ngasakhaishapa.
7 Proho hiya kaphāna,
pa̱khangapā atamli ngākkhamena;
ali rākhangayinbingli ana thei.
8Kha awui yangkashebingli tara̱ phongshilongda shimānchang shimān ngasakra kala awui yangkashebingli khangamilila kharomvāra.
9Nana Prohowuitungli khi khangarān sākhala?
Ana thitchang ngasakhaora;
awui yangkashebingli khanishida athut makhuimara.
10Ngaphāngkatarai ka̱shāt thāda,
thengkahaiya lanji thāda athum shimānhaora.
11 Prohowuitungli makaphā sākhavai,
khangarāna kala malung pinglak eina kahānga,
mi akha nawui eina mashokmala?
12 Prohona hithāda hānga,
“Athum pangda kachungkhalala,
athumli katathaora kala kānthuihaora.
Ina nali sipsā ngasakhailala,
ina nali masipsā ngasakluimara.
13Kala ara awui kashai chi ina nawui eina sāshatmihaora,
kala nali khalap kahai chi ngalāhaora.”
14 Prohona nawui pongli ningkhami mihaira:
“Nawui ming atam kachida maleiluimara;
sākakhui meoma̱ kala heikakhui meoma̱la nawui khorumshimwui eina ina khuishokhaora.
Ina nawui chikhur semra,
kaja na hi ningkakachaiana.”
15 #
Isa 52.7. Yanglu, phungreibingli paokaphā khuikharā,
chingri kahai hākashokawui phei chi!
Nawui zātkhān mayonlu, O Judah,
nawui tuingashit ungshung ngasaklu,
kaja makaphā makhayā chi nali marāluilakmara,
ali katatchaohaira.
Currently Selected:
NAHUM 1: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
