MARK 3

Pāng Sheikasha̱ Akhali Raikhami

(Mat 12.9-14; Lk 6.6-11)

1 # Mat 12.9-14; Lk 6.6-11. Chiwui thili ana synagogueli vāzanga, kala chili pāng sheisha̱ kahai mi akha leisai. 2#Lk 11.54. Kala Jishuli khayon phenkhavai Sabbaththang kazāt maraiminikhala da mi kaikhana ra̱yanga. 3Chieina Jishuna pāng sheikasha̱a chili, “Hili rālu” da hoi: 4Kala ana athumli, “Sabbaththang kaphā kasā lah zakkashi kasā; mirin kankakhui lah shaokathat, ainna kachipā mayākhala?” da hānga. Kha athum vari eina pamhaowa. 5Athumwui ning khamakang chi theilaga wukkakhanang eina malungkhavāt ngasoda ana athumli yanglaga kakazā mipa chili “Napāng katinglu” da kasoi, ana katingkashok eina khangachā apāng thāhaowa. 6#Mk 12.13. Chieina Phariseebingna synagoguewui eina shoklaga hengsāda Herodwui mijangbingli asamphanga kala kathada ali shaothatsikhala da ngasan ngaroka.

Ngayipheili Yarui Kakazip

7 # Mat 4.24-25; 12.15-16; Lk 6.17-19. Jishuna awui sākhangatha̱bingli ngasoda shamadruvāk vai kala Galilee kala Judea 8#Mat 11.21. kala Jerusalem eina Idumea kala Jordan vāklaida khalei kala Tyre eina Sidonwui ruinganaili khalei mi kachungkhala, ana kasā saikora shāda athi shurrai. 9Chieina mibingna ali masāza̱ khavai awui vang marikhong akha ngarānmilu da sākhangatha̱bingli kasoi; 10#Mk 5.29,34; 6.56. kaja ana mi kachungkhali kazāt raimi kahaiwui vang kakazānao katongana ali sāza̱khui khavai ngaheirai. 11Kala makathar manglā kazangbingna ali kathathei apam kachida apheizingli ngakhumzangda “Na Varewui Naomayarana” da vaowa. 12#Mk 1.45. Chieina Jishuna athumli a khipākhala da khipālikha mahāng khavai kasoi.

Sākhangatha̱ Tharāda Khani Kakapang

(Mat 10.1-4; Lk 6.12-16)

13 # Mat 5.1; Lk 6.12. Ana phungreili kai kala ana ngayurzatkhangaibingli hokhui; kala athumna awuili rai. 14#Mat 10.1. Ana tharāda khani kapangkhui, chiya ali ngayurzat khavai kala paokaphā hāshok khavai chiho khavai 15kala kameoli kashamshok khavaiwui pangshap leikhavai:

16 # Mat 10.2-4; Lk 6.14-16; Ots 1.13. ana Peter da phokkhame Simon; 17Zebedeewui naomayara James eina Jameswui agato John, Jishuna Boanerges, kaja kazing khangashumwui naomayarabing da phokkhame; 18Andrew, eina Philip, kala Bartholomew, kala Matthew, kala Thomas, kala Alphaeuswui naomayara James, kala Thaddaeus, kala yurli leikashe Simon, 19#Mk 2.1; 7.17. kala Jishuli yankasaia Judas Iscariot.

Jishu eina Beelzebul

(Mat 12.22-32; Lk 11.14-23; 12.10)

20 # Mk 6.31. Chiwui thili ana shimli unghaowa; kala mi chungnā rākazipluihaida Jishuna awui sākhangatha̱bingli phazārum khavai atamla masamphangrarthuwa. 21#Mk 3.31-35; Joh 10.20. Ashi shimkhurna pao chi kashā eina ahokhui khavai vai, kachiwui vangkhala kaja mibingna “A pāhaira” da ngazekhaowa. 22#Mat 12.24-29; Lk 11.15-22. #Mat 9.34; 10.25.Jerusalemwui eina katā ain kathemabingna “Ali Beelzebulna ngasoda lei, kala kameo wungnaowui pangshap eina ana kameobingli kashamkashokna” da hānga. 23Chieina Jishuna athumli hokhuida chānjam tui eina hānga, “Kathada Satanna satanli kashamshokpaira? 24Wungram chi ngakai ngarokta mijang leingarokhaiakha chikathā wungram chi mapānpaimara. 25Shimkhur hi ngakaikazamhaiakha manganingpaimara. 26Satanna a khalatta yangshi ngarokta ngakaikazamhaiakha masangleila shimānhaora. 27#Isa 49.24-25. Kapanga shimva̱ chili aphei apāng makhalapranglakha mi khipānakhala awui shimli zangda awui ot mangaponkhuirarmana; kha khalaphaiakha ngapaikhuipai.

28 # Mat 12.31-32; Lk 12.10. “Kachangkhat eina ina nathumli kahānga, miwui naomayarabingli morei saikora kala kachipat tui khamatui saikora pheomipaisera; 29kha Manglā Katharali kachipat mi chi pheokhami masamphanglakmara; kha chi katang makhavai morei khayona”— 30kaja athumna “Awuili makathar mangla zanga” da hānghairasai.

Jishuwui Ava̱ eina Agatongarā

(Mat 12.46-50; Lk 8.19-21)

31 # Mat 12.46-50; Lk 8.19-21. Chiwui thili ava̱ eina agato ngarā rai; ayarli nganinglaga ali aho khavai mi chihovai. 32Ali mi kachungkhana kuinam pamda leilakha athumna ali, “Nava̱ eina nagato ngarāna nali phāda ayarli nganingda lei da” hānga. 33Kala ana ngahānkai, “Khipāna ishava̱ kala igato ngarākhala?” 34Ana ali kuimareida pamda khaleibingli yangvāda, “Yanglu, hili ishava̱ kala igato ngarā leili! 35Varewui kaphaning kasā mi kachiva̱ igato, izarvā, kala ishava̱na.”

Currently Selected:

MARK 3: TANGBSI

Highlight

Copy