MARK 10

Preigahar Kapangwui pongli Tamkachithei

(Mat 19.1-12; Lk 16.18)

1 # Mat 19.1-9. #Lk 9.51; Joh 10.40; 11.7. Kala ana apam chi chihohailaga Judea ngaleivāk vai kala Jordan kong kānvai, kala mi kachungkha awuili rakazipluiya, chieina ana awui khangachā thada athumli tamchithei.

2Pharisee kaikhana ali chāng yangkida rangahāna, “Preiva̱li kapāng hi ainna mayāla?” 3Ana ngahānkai, “Mosesna nathumli kathada kasokhala?” 4#Khal 24.1-4. Athumna ngahānkai, “Mipa china kapāngwui lairik akha kapilaga pānghaipai da Mosesna mayai.” 5Kha Jishuna hānga, “Nathumwui ning khamakangwui vang Mosesna ain hi kagapina. 6#Hao 1.27; 5.2. Kha otsem haokaphokwui ‘Varena athumli mayarnao eina sha̱nao sāmi’ da kathara lairikli kapihai. 7#Hao 2.24.Chiwui vang eina mayara china ava̱ avā horhailaga preiva̱li ngarumhaowa, 8kala khani chi akha ngasāhaowa. Khani maningluimana kha asa akha ngasahaowa. 9Chiwui vang eina Varena ngarummi kahai chili mi khipānakha masākhaiaranu.”

10Athumna shimlung kazang eina sākhangatha̱bingna hiwui pongli Jishuli ngahānlui. 11#Mat 5.32; Lk 16.18; 1 Cor 7.10-11; Rom 7.2-3.Ana athumli hānga, “Kachikathāna preiva̱li pānghailaga khangatei akhali ngakumhaiakha ana phokaphana. 12Chi tākam eina preiva̱na gaharali pānghailaga fathuihaiakha ana phokaphana.”

Jishuna Naoshinaobingli Sokhami

(Mat 19.13-15; Lk 18.15-17)

13 # Mat 19.13-15; 18.3; Lk 18.15-17. Naoshinaobingli Jishuna saza̱mi khavai athumna khuikharā eina sākhangatha̱bingna athumli khararra. 14Jishuna chi kathei tharan malungvāthaowa kala athumli hānga, “Naoshinaobingli iwuili rāngasaklu; mahaphailu; kaja Varewui wungram chi chikathābingwuina. 15Kachangkhat eina ina nathumli kahāngna, Varewui wungram chi naoshinao akhana khuikasang thada makhuisangakha kachilikha chili mazangmara.” 16#Mk 9.36. Chieina ana athumli vamkhuida athumwuitungli pāng parrorda somi.

Kashānga Mi akha

(Mat 19.16-30; Lk 18.18-30)

17 # Mat 19.16-30; Lk 18.18-30. #Lk 10.25; Mk 1.40. Jishuna kharam vākhavai zatphokluishit kaji tharan mi akha ngasamrāda khuktizanglaga ali rangahāna, “Kaphā Ojā, makashimān kharing samphang khavai ina khi sārakhala?” 18Jishuna ali hānga, “Khisāda ili kaphā hokhala? Vare maningla kaphā khipākha maleimana. 19#Sho 20.12-16; Khal 5.16-20. Ningkhamibing chi nana thei: ‘Mashaothatpaimana, maphophāpaimana, maleepaimana, makapikpaimana, maminampaimana, kala nava̱ navāli khayashilu.’” 20Kala ana ngahānkai, “Ojā, ina saikora hi nganuilakhawui eina mayonrā kahaina.” 21#Mat 6.20; Lk 12.33; Ots 2.45; 4.34-35. Jishuna ali yangtitlaga leishida hānga, “Nawui khavāt akha lei; ungulu kala nawui khalalei saikora ungyorhailaga kachāmabingli mihaolu, chithākha kazingramli nawui lan kaziphaira; kala rāda ithi shurlu.” 22Ana chi kahāng eina awui mai ngayumtir eina khanangzangda hanunghaowa kaja awui shimlui kachungkha leisai.

23Chieina Jishuna sākhangatha̱bingli yanglaga, “Varewui wungramli zangkida kashāngbingwui vang kayākha sakrakhala?” da hānga. 24Sakhangatha̱bingna awui tui chi shālaga matakhakhaowa. Kha Jishuna athumli latluida hānga, “Naongarā, Varewui wungramli zangki kaji kayākha sakkhala! 25Kashānga mina Varewui wungramli zangki kajile utna kapimkhurli ngara̱kashok paimei.” 26Chieina sākhangatha̱bing chi matakhaknahaida ali hānga, “Chithākha khipa kahui samphangpaira?” 27Jishuna athumli yangda hānga, “Miwui vang masākapaina, kha Varewui vang chi maningmana, kaja Vareva saikora sāpaisera.” 28#Mk 1.16-20. Chieina Peterna yirphokta hānga, “Yanglu, ithum ot saikora horhaida nathi shurhaira.” 29Jishuna hānga, “Kachangkhat eina ina kahāngna, shimluila, achinā ngarāla, azara̱ngarāla, ava̱-avā kala naongarāla iwui vang kala paokaphāwui vang horhaishapakha 30#Mat 6.33. mi chi shimluila, achināngarāla, azarva̱ngarala, ava̱ngarala, naongarāla, chili lāngda rekakharekla thot hili shāshā mataida samphangra; kala rakharā thotli makashimān kharing samphangra. 31#Mat 20.16; Lk 13.30. Kha aja khare kasā kachungkha khanaowa sāra kala khanaobingna khare sahaora.”

Jishuna Awui Kathi Hāngkhamarān Kakathuma

(Mat 20.17-19; Lk 18.31-34)

32 # Mat 20.17-19; Lk 18.31-34. Athumna Jerusalem shangukida zatlakha Jishuna athumli rida zata, chieina sākhangatha̱bingla matakhakhaowa, kala shurkazat yaruila ngacheehaowa. Kala Jishuna tharāda khani chili hokhuiluishitlaga ali khi shokra kaji tamchitheiphokta 33#Mk 8.31; 9.12; 9.33. hānga, “Yanglu, ithum Jerusalem shangkida zatli, chili miwui Naomayarali pāngmon akhokabing eina ain kathemabingwui pāngli horsangmida athumna shaothat khavai khayon mira kala Gentilebingwui pāngli horsangmira; 34#Mk 14.65; 15.19,26-32. athumna ali mana̱shira, machora̱la mashorrora, lijei einala ngaphitra kala sakathatla sāthatra, kha kathumthangwui thili a ringshokluira.”

James eina Johnwui Kapo

(Mat 20.20-28)

35 # Mat 20.20-28. Zebedeewui naongarā James eina Johnna Jishuwuili rāda, “Ojā, iniwui kapo sāmi ngasakhangai akha lei” da rāhānga. 36Ana “Naniwui vang ili khi sāmi ngasakngaikhala?” da ngahānna. 37#Mat 19.28; Lk 22.30. Kala anina ali hānga, “Nawui tekhamateili, ini akhali yāshong, akhali uishong kachipammilu.” 38#Lk 12.50; Joh 18.11. Kha Jishuna anili hānga, “Nanina kapo chi khikhala da nani matheimana. Ina khamang tengkot chi nani mangshaprala kala ili ra̱kahik chi ra̱hikshaprala?” 39#Ots 12.2; Phon 1.9. “Ini shapra” da anina ngahānkai. Jishuna anili hānga, “Ina khamang tengkot chi nanina mangra, kala ili ra̱kahik ra̱hit chi eina nanilila ra̱hikra; 40kha iwui yāshong kala uishong khipāli pamngasakra̱khala da kakapang hi iwui maningmana, kha Varena ngaranping kahai athumwui vangna.” 41Athum tharā china chi kashā tharan James eina Johnli malungvāthaowa. 42#Lk 22.25-27. Chieina Jishuna athum saikorali hokhuida hānga, “Nathumna thei, kaja Gentilebingli mungrānbingna athumwuitungli munga, kala athumwui khangaramabingna athumwuitungli pangshap singa. 43#Mk 9.35. Kha nathumwui alungliva chi maleimana kaja nathumwui alungli reikhangaiapa china saikorawui rao sāphalungra, 44kala nathumwui ngachaili khare sakhangaipa china saikorawui raonao sāra. 45#1 Tim 2.5-6. Kaja miwui Naomayara eina tangda ali otram ngatha̱mi ngasak khavai kharā maningla ana otram ngatha̱mi khavai kala kachungkhawui vang ngatangman sāda amanglā chigatmi khavai kharāna”

Khangapeo Bartimaeusna Kathei Samkaphang

(Mat 20.29-34; Lk 18.35-43)

46 # Mat 20.29-34; Lk 18.35-43; Mk 8.22-26. Athum Jericholi rai, kala Jishuna awui sākhangatha̱bing eina mi kachungkha chili ngasoda zatuki kaji tharan mik khangapeoa, Bartimaeus kaho Timaeuswui naomayara chi shongfapheili zāt popamda leisai. 47#Mat 9.27. Ana Nazarethwui Jishu apam chili leiya da kashā eina panglāk eina vaoda hānga, “Davidwui naomayara Jishu, ili khalumashanmilu!” 48Chieina mi kachungkhana ali khararda kasainakha pamlu da hānga; kha ana pangmeida vaowa, “Davidwui Naomayara, ili khalumashanmilu!” 49Jishuna ngasāmlaga, “Ali hokhuilu” da kasoi. Chieina athumna mik khangapeoa chili hokhuida hānga; “Ringphālu; ngakarthuilu, ameina nali hoda lei.” 50Ana awui kachon raitāhailaga ngakarthuida Jishuli rai. 51Jishuna “Nana ili khi sāmi ngasakngaikhala?” da ngahāna.

Khangapeoa china ngahānkai, “Ojā, imik theingasakmilu.” 52#Mat 9.22; Mk 5.34; Lk 7.50; 8.48; 17.19. Chieina Jishuna hānga, “Ungulu; nawui shitkasangna nali phāngasakhaira.” Chili ngalāngda kathei samphanga kala Jishuwui thi shurthuwa.

Currently Selected:

MARK 10: TANGBSI

Highlight

Copy