MARK 11
11
Maiyārong Jerusalemli Kazang
(Mat 21.1-11; Lk 19.28-40; Joh 12.12-19)
1 #
Mat 21.1-9; Lk 19.29-38. Athumna Jerusalem vāshungnanai Bethphage eina Bethanywui ngalemli khalei Olive kaphungli vākashung eina Jishuna awui sākhangatha̱ khanili rida chihovai, 2kala anili hānga, “Mangāshong khalei kha̱ chili vālu kala chili vazangkhaleoda mina matonglakrang kaji gadhānao akha hokhaisara. Chi akhalākhuilaga khuiunglu. 3Kachikathā mina ‘Khi kasakhala’ da ngahānakha ‘Prohona savai khavai leili, kala thaklāk eina chihoungra’ da hānglu.” 4#Mk 14.16. Chieina anina vai kala chānreipheichangli gadhānao akha khamongli hokhaisai. Anina chi khalāmahunglakha, 5chili nganingkasābingna “Khisāda gadhānao chi kakhalākhala?” da ngahāna. 6Chieina anina Jishuna hāngkhami tākam eina ngahānkai, kala anili zatngasakhaowa. 7#Joh 12.12-15. Anina gadhānao chi Jishuli khuiungmi, kala athumna athumwui kachon gadhā chiwuitungli hammida Jishuna kātonga. 8Mi kachungkhana shongfali athumwui kachon hammi; kaikhana khararwui eina timfa kahai thingphāng reokhuilaga hammi. 9#Laa 118.26; Mat 21.15; 23.39. Mangāshong kazatbingla kala khanukshong kazatbingla “Hosanna! Proho mingli kharā a chili ka̱lā mahaimeiranu!” 10“Rakharā ishava Davidwui wungram ka̱lā mahaimeiranu! Juikhamataiali hosanna” da panglāk eina vaowa.
11 #
Mat 21.10-11; 17. Jishuna Jerusalemli vāda khorumshimli azanga, kala ana kuimareida ot saikora yangkup kahai tharan kazing yinghaoda tharāda khani chili ngasokhuilaga Bethanyli vāhaowa.
Khaorārongli Khonkashi
(Mat 21.18-19)
12 #
Mat 21.18-19; Lk 13.6-9. Akhama kathā athum Bethanywui eina kharā tharan Jishu thaihaowa. 13Khalāda khaorārong anah phungyir eina theida athei matheilapai da ayanga. Ana chili khavā eina anah maningla khikhala masamphangthuwa, kaja athei khamathei atam maningsāmana. 14Chieina ana hānga, “Nawui eina athei mi khipānakha mashailakranu!”
Chi awui sākhangatha̱bingna shai.
Khorumshim Sākhamathā
(Mat 21.12-17; Lk 19.45-48; Joh 2.13-22)
15 #
Mat 21.12-16; Lk 19.45-48; Joh 2.13-16. Athumna Jerusalemli rākashung eina Jishuna khorumshimli zangda ot yorkasābing eina lokasābingli kashamphokhaowa kala lupā kaikhamebingwui table kala khana̱ khayorbingwui pamkhong saikora horkathānmiserhaowa; 16kala ana mi khipālikha khorumshimwui kayāng kānzangda otnao akhala makhuizang ngasakmana. 17#Isa 56.7; Jer 7.11. Chiwui thili mibingli ana tamchithei: “Hithada makapihaimala, ‘Iwui shim hi yur saikorawui seihā sākhavai shim hora’ kha nathumna khalebingwui shim sāngasakhaira.” 18Pāngmon akhokabing eina ain kathemabingna chi shālaga ali shaothat khavai apong phai; kala mi kachungkha china awui tamkachithei matakhak kahaiwui vang athumla ali ngacheehaowa.
19 #
Lk 21.37. Kazing khaying eina Jishu kala awui sākhangatha̱bing keinung chiwui eina thuihaowa.
Khaorārongwui eina Tamkakhui
(Mat 21.20-22)
20 #
Mat 21.20-22; Mat 17.20; Lk 17.6. Akhama kathā ngathorshong athumna kānkhavā tharan khaorārong chi angayung tāshungda ngahuihairasai. 21Peterna phaningungda Jishuli hānga, “Ojā, yanglu! nana khonshi kahai khaorārong chi thengchenghaira.” 22Chieina Jishuna athumli ngahānkai, “Vareli shitsanglu. 23Kachangkhat eina ina nathumli kahāngna, kachikathāna phungrei hili ‘Phurkhuilaga shamadruli ahorsanghaolu’ da ning khamaong maleilakla kha ana kahāng chi ungshungra da shitsangakha, makahatlakla ungshungra. 24#Joh 14.13-14; 16.23; Mat 7.7-11. Chiwui vang eina ina nathumli kahāngna seihā kasāli nathumna kapopo chi samphanghaira da shitsanglu, kala chi nathumwui ngasāra. 25#Mat 6.14-15; 18.35. Kala nathumna nganingda seihā kasā tharan, nana makhamayā mi leisaakha pheomihaifalu; chithākha kazingramli khalei nathumwui Avānala nawui khayon pheomira. 26(Kha nathumna mapheomiakha kazingramli khalei nathumwui Avānala nathumwui khayon mapheomimara.”)
Jishuwui Sāshap-pangshapli Khangahān
(Mat 21.23-27; Lk 20.1-8)
27 #
Mat 21.23-27; Lk 20.1-8; Joh 2.18. Athumna Jerusalemli rāluishita. Jishuna khorumshimli zatta leilakha pāngmon akhokabing, ain kathembing kala ararbingna ali rangahāna, 28“Nana otbing hi khipāwui pangshap eina kasakhala lah khipāna hi sākhavai pangshap mikhala?” 29Jishuna ngahānkai, “Nathumli ina khangahān akha sāra; chi ili ngahānkāmilu, kala ina hi khiwui pangshap eina kasakhala da hāngmira. 30Johnwui ra̱kahik hi kazingramwui einaka mikumowui einakhala? Ngahankāmilu.” 31Athum akha eina akha ngayat ngaroka, “Ithumna ‘kazingramwui einana’ da hāngakha ‘Khisāda ali mashitsangthu’ jira, 32‘Mikumowui einana’ jisa, athum mibing chili ngacheehaowa kaja mi saikorana John hi kachangkhat marānna da khui. 33Chieina athumna Jishuli ‘Ithum matheimana’” da ngahānkai.
Jishuna athumli hānga, “Chithākha hibing hi khiwui pangshap eina kasākhala da inala mahāngmara.”
Currently Selected:
MARK 11: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
