MATTHEW 9

Sheikasha̱ Mi akhali Raikhami

(Mk 2.1-12; Lk 5.17-26)

1 # Mk 2.1-12; Lk 5.17-26. Jishuna marikhong akhali kātonglaga ngayi chiwui lākhavāk kānkāda awui keinungli unguwa. 2#Mat 9.22; Mk 6.50; 10.49; Joh 16.33; Ots 23.11; Lk 7.48. Yanglu, athumna awuili sheikasha̱ mi akha pet eina phonda ngazonrai. Jishuna athumwui shitkasang chi theilaga sheikasha̱pā chili hānga, “Pingmeilu, inaomayara! Nawui morei pheomihaira.”

3Kala yanglu, ain kathembing kaikhana athum khalatta hāngngaroka, “Mipā hi kachipat tui matuida lei.”

4Chieina Jishuna athumwui kaphaning chi theida hānga, “Nathumwui wuklungli khisāda makaphā ning phaningphāphākhala? 5‘Nawui morei pheomihaira’ da kahāng phāmeikā, ‘Ngakarthuida zatulu’ da kahāng phāmeirakhala? 6Kha hi okathuili miwui Naomayarana morei pheomikashap pangshap leiya da nathumna theikhui khavaina.” Chiwui thili ana sheikasha̱ chili hānga, “Ngakarthuilu, nawui pet ngava̱khuida shimli ungulu.”

7Chieina ana ngakarthuida shimli unghaowa. 8Yaruina chi kathei tharan athum ngacheehaowa kala mikumoli hikathā sāshap-pangshap khame Vareli athumna masochikata.

Matthewli Kaho

(Mk 2.13-17; Lk 5.27-32)

9 # Mk 2.13-17; Lk 5.27-32; 15.1-2; 7.34. Jishuna apam chiwui eina zathaowa kala shongfali zatmamānda leilakha khāshinā khaloka, Matthew kahopā chi khāshinā khuikhavaipamli pamkasā chi thei. Jishuna ali, “Ithi shurlu” da hānga. Chieina Matthewna ngakarthuida athi shurthuwa.

10Jishuna Matthewwui shimli phazāda leilakha khāshinā khalokabing kala morei kaphungbing kachungkha rāda Jishu eina awui sākhangatha̱bingli ngasoda phazāruma. 11Phariseebingna hi kathei eina awui sākhangatha̱bingli hānga, “Khiwui vang nathumwui ojāna khāshinā khalokabing eina morei kaphungabingli phazārumkhala?”

12Kha Jishuna athumwui kahāng chi shālaga ngahānkai, “Makakazābingna khanong darkar masamana, kha kakazābingna kasana. 13#Hos 6.6; Mat 12.7; 1 Tim 1.15. Vālu laga ‘Ina kachigat maningchāngmana kha lukhamashan ningkachāngna’ da kahāngwui kakhalat khikhala kaji angahānkhuilu. Kaja ina khamashung khangarongbingli hokhui khavai kharā maningmana kha morei kaphungbingli hokhui khavai kharāna.”

Kakhumwui pongli Khangahān

(Mk 2.18-22; Lk 5.33-39)

14 # Mk 2.18-22; Lk 5.33-39; 18.12. Chiwui thili Johnwui sākhangatha̱bingna Jishuli rāhānga, “Khiwui vang eina ithum eina Phariseebingna khumlaga nawui sākhangatha̱bing makhumthukhala?”

15Chieina Jishuna athumli hānga, “Shakazā mayarana athumli ngasopamda leilakha shakzātli kharā mibingli chikhumpairalā? Shakazā mayara chili athumwui eina khuikathui atam rārāsara: chithang athum khumnaora.

16“Khipānakha kachama kachonli chonshi kadhar matāksangngayaomana, kaja tākkasang chi kachon chiwui eina kākshokhaoda zakshimeikhār kākhaowa. 17Chi tākam eina khipānakha kadhara drakhāra̱ chi kachama drakhā sāhuishonli mathaisangmana; thaisangakha sāhuishon chi ngawokhaida atheira̱ chi heitha̱serhaowa kala shonla shimānhaowa. Kha kadhara drakhāra̱ chi kadhara sāhuishonli thaikasang khangachāna, chithākha khanini mashimānmana.”

Thikahai Naongalāva̱ eina Kakazā Sha̱nao akha

(Mk 5.21-43; Lk 8.40-56)

18 # Mk 5.21-43; Lk 8.40-56. #Mat 8.2; 15.25; 18.26; 20.20; Joh 9.38.Jishuna athumli tamchithei mahunglakha, yanglu, khamunga akhavā akhana awui mangāli rākhuktizangda hānga, “Inao ngalāva̱ thichamhaira; rāda napāng awuitungli parza̱milu, chithākha a ringluihaora.”

19Chieina Jishuna ngakarthuida awui sākhangatha̱bingli ngasoda athi shurvai.

20 # Mis 15.38; Khal 22.12; Mat 14.36; Mk 3.10. Kala yanglu, zingkum tharāda khani ashee ngaya̱ kahai sha̱nao akhana awui khanukshong rāda awui kachonmareili sāza̱ya, 21kaja sha̱naopāva̱ a khalattana hithada chukmaja̱ya, “Ina awui sārili sākaza̱mangnala iwui kazat hi raihaora.”

22 # Mk 10.52; Lk 7.50; 17.19; Mat 15.28; 9.29. Jishuna ngareiungda sha̱naopāva̱ chili thei kala hānga, “Pingmeilu inao ngalāva̱ nawui shitkasangna nali raingasakhaira.” Chieina sha̱naopāva̱ chi chichangli raihaowa.

23Chiwui thili Jishuna khamunga akhavāwui shimli vai. Ana kathilaa sāda khaleibing, sipa kakhongbing kala yarui ngaunkakharop kathei eina, 24“Mi kachiva̱ ayarli shokhaolu! Kateoa ngalāva̱ hi thikahai maningmana, kha pida khaleina” da hānga. Chieina athumna ali mana̱shiya. 25Kha yaruili ayar shokngasakhaikhaleoda ana shimlungli zangda apāngli singkhui kala ngalāva̱ chi ngakarthuiya. 26Pao hi ngalei chiwui apam hupta ngayaovai.

Khangapeo Khanili Raikhami

27 # Mat 20.29-34. Jishuna apam chiwui eina thuihaowa kala mik khangapeo mi khanina ali shurrāda panglāk eina “Davidwui Naomayara, inili khalumashanmilu” da vaouwa.

28Jishuna shimlungli zangkahai tharan khangapeo khani chi awuili rai, kala Jishuna anili ngahāna, “Ina nanili raimishapra da nani shitsanglā?”

“Mha, amei!” da anina ngahānkai.

29Chieina ana aniwui mikli sāza̱da hānga, “Naniwui shitkasang athishurda shokranu.” 30Kala anina kathei samphanga, Jishuna anili saklak eina “Khipālikha mathei ngasaklu” da ningmi.

31Kha anina chiwui eina zatthuihailaga awui maramli ngalei chiwui apam hupta ngayaovā ngasaka.

Khak Khangasha̱ akhali Raikhami

32 # Lk 11.14-15; Mat 12.22-24; Mk 3.22; Joh 7.20. Athum zatphokukida ngarānmahunglakha, yanglu, kameo kazanga khak khangasha̱ akha awuili khuirai. 33Kameo kashamshokmikhaleoda khak khangasha̱pā chi matuipaihaowa kala yarui saikora matakhakhaoda “Israelli hikathā hi matheilakranga” da hāngngaroka.

34Kha Phariseebingna hānga, “Kameobingwui akhavā chiwui pangshap eina ana kameo kashamshokashapna.”

Mibingli Lukhamashan

35 # Mat 4.23; Mk 6.6. Jishuna keinung kala kha̱ kachivali vāda athumwui synagogueli tamchithei kala wungramwui paokaphā hāshoka kala kazātyur kala kazāt kachiva̱ raimi. 36Ana yarui ashangva̱li kathei tharan athumli lumashanlakhaowa, khiwui vangkhala kaja athum chi yaokahoma makhalei yaonaobing thada athumli singkharenglaga ngachonkhamela maleithuwa. 37#Lk 10.2; Joh 4.35. Chiwui thili ana awui sākhangatha̱bingli hānga, “Hatkhavai mā kachungkha lei, kha kahāta mi machungmana. 38Chiwui vang eina kahātwui akhavā Proholi kahāta mi chungmeida shirāt khavai seihā sālu.”

Currently Selected:

MATTHEW 9: TANGBSI

Highlight

Copy