MATTHEW 12

Sabbathwui pongli Khangahān

(Mk 2.23-28; Lk 6.1-5)

1 # Mk 2.23-28; Lk 6.1-5. #Khal 23.25. Jishuna Sabbaththang lui akha akāna; awui sākhangatha̱bing thaihaoda athumna māmazan mazokkhuilaga shaiya. 2Phariseebingna chi theihaoda Jishuli hānga, “Yanglu, nawui sākhangatha̱bingna Sabbaththang masakhangayi ot sāda lei.”

3 # 1 Sam 21.1-6; Pāng 24.9. Ana athumli ngahānkai, “David eina ali ngasokazatbingna thaikahai tharan khi sākhala kaji nathum mapāyangmalā: 4ana kathada Varewui shimli zanglaga Ngasokhamiwui khamui pāngmon maningla mashaipaiki kaji chi, a eina ali ngasokazatbingna shaihao? 5#Mis 28.9-10. Lha Sabbath kachida Varewui shimli khalei pāngmonbingna sabbathwui ain sākhaichinglala athum mayonmana da Moseswui ainli hāngkahai chi nathum mapāyangmalā? 6#Mat 12.41-42; Lk 11.31-32. Ina nathumli kahāngna, Varewui shimli reikhameiya kachikatha akha hili leili. 7#Hos 6.6; Mat 9.13. Kaja ‘Ina pha̱kaphayāle lukhamashan ningchangmei’ kaji hiwui kakhalat nathumna khikhala da theihairasāsi kaje nathumna khayon makhalei mili khayon mamisāmara. 8#Joh 5.1-18; 7.19-24; 9.1-41. Khikhalajila miwui Naomayarana Sabbathwui Prohona.”

Pang Sheikasha̱ Mi akha

(Mk 3.1-6; Lk 6.6-11)

9 # Mk 3.1-6; Lk 6.6-11. Apam chiwui eina zatthuihailaga ana athumwui synagogueli vāzanga. 10Kala yanglu, apam chili apāng sheikasha̱ mi akha leisai. Jishuli khayon phenkhangai mi kaikhala chili leisai. Chieina athumna ali ngahāna, “Sabbaththang kazāt raikhami hi ainna mayālā?”

11 # Lk 14.5. Ana ngahānkai, “Nathumwui ngachaili kachikathā akhana yao akha leilaga Sabbaththang khorchopli tāzanghaiakha ana chi makhāngshokmimarala? 12#Mat 10.31. Mina yaoli kayakha aman sakmeikhala! Chiwui vang eina Sabbaththang kaphā ot kasā hi ainna mayai.” 13Chieina Jishuna mipā chili hānga, “Napāng katingshoklu.” Chieina ana apāng katingshoka kala apāng lākhavāk thada phāchaohaowa. 14#Mk 14.1; Joh 7.30; 8.59; 10.39; 11.53. Kha Phariseebingna chiwui eina shokta kathada Jishuli sāshimānhaosikhala da ngasana.

Kapangkhui kahai Rao

15 # Mk 3.7-12; Lk 6.17-19. Khangarān kasā chi theilaga Jishuna apam chiwui eina thuihaowa. Kala mi kachungkhana athi shurvai kala athumwui kazāt saikora raimi, 16kala awui pongli mi kateibingli mahānglakalu da athumli ningmi. 17Hi Isaiah marānna hānghaikasā chi ungshung khavaina:

18 # Isa 42.1-4. “Yanglu, ina kapangkhui kahaia rao,

iwui khaluma kala ina ningyāngkhaunga.

Ina ali iwui Manglā sangmira,

kala ana Gentilebingli

mashun bichar vaomalānmira.

19Ana mangayātzatmara lah mavaozatmara,

kala chānreili awui akhon khipānakha mashāmara;

20teknanai kahai titila ana masātekmara,

mitnanai kahai meiwonla masāshimitmara,

mashun china mayuiranglakha eina tangda;

21kala Gentilebingna awui mingli miyur saikorana chihānra.”

Jishu eina Beelzebul

(Mk 3.19-30; Lk 11.14-23)

22 # Mk 3.22-27; Lk 11.14-22. #Mat 9.32-33. Chiwui thili kameo zangda mik ngapeo kahai kala khak ngasha̱ kahai mi akhali Jishuwuili khuirai kala ana ali raimi. Chieina mipā chi matuipaihaowa kala theihaowa. 23Kala mi saikora china matakhakhaoda “Hi Davidwui naomayara chilā?” da ngazek ngaroka.

24 # Mat 9.34; 10.25; Joh 7.20; 8.52; 10.20. Kha Phariseebingna chi kashā eina hānga, “Hiya kameobingwui akhavā Beelzebulwui pangshap eina ana kashamkashokna.”

25Jishuna athumwui kaphaning chi theihaoda athumli hānga, “Khalatta ngayarkazam kahai ngalei kachiva̱ shimānhaora kala keinung nilala, shimkhur nilala khalatta ngayarkazamhaiakha manganingrarmara. 26Satanna Satanli kashamshokakha akhalatta ngayar kahaina. Chithākha kathada awui wungram chi leisārakhala? 27Ina Beelzebulwui pangshap eina kameobing kashamkashokna jiakha nathumnwui mibingna khipāwui pangshap eina kashamshokkhala? Chithākha athumna nathumwui bichar kasaa ngasāhaora. 28Kha Varewui Manglā eina ina kameobingli kashamkashokna jiakha Varewui wungram chi nathumwuitungli rāhaira.

29“Maningakha kathada mi akhana kapanga mi akhawui shimli azanglaga pheipāng makhalaphaila awui thongthāng ngaponpairakhala? Khalap kahaiwui thili ngaponpaiya.

30 # Lk 11.23; Mk 9.40. “Ili makazanga mi chiya ili makhamayāna kala ili ngasoda makakazipa a chi sākakathānana. 31#Mk 3.28-30; Lk 12.10. Chiwui vang eina ina nathumli kahāngna, morei kala kachipat tui khamatui kachiva̱wui vang mikumoli pheomira; kha Manglāli kachipata chili mapheomimara. 32Kala iwui Naomayarali makhamayā tui khamatuia chilila pheomira; kha Manglāli Katharali makhamayā tui khamatuia chili thot hilila kala rākharā thotlila mapheomimara.

Thingrong eina Chiwui Athei

(Lk 6.43-45)

33 # Lk 6.43-45; Mat 7.16-20; Jam 3.11-12; Mat 15.18. “Arong mathā ngasaklaga athei mathā ngasaklu; lah arong zakshi ngasaklaga athei zakshi ngasaklu; kaja thingrong chi awui athei eina theikhui. 34He phara̱wui naongarābing! nathum maphālaga kathada khamathā tui matuipairakhala? Kaja wuklungli kaphaning chi khamorna matuikashokna. 35Kaphā mina awui khamathā kazip kahai chi eina khamathā shoka kala zakkashi mina awui kazip kahai chi eina zakkashi sāshoka.

36“Ina nathumli kahāngna, bichar sāthanghon mi kachiva̱na ana matuishokphāphā kahai chiwui maram misera; 37kaja nawui matuishok kahai tui chieina nali mashung ngasakra kala china nali yonngasakra.”

Machut Kaphā

(Mk 8.11-12; Lk 11.29-32)

38 # Lk 11.16,29-32; Mk 8.11-12; Mat 16.1-4; Joh 2.18; 6.30; 1 Cor 1.22. Chiwui thili ain kathembing eina Phariseebing kaikhana ali hānga. “Ojā, nawui eina ithumna machut akha theingai.” 39Kha ana athumli ngahānkai, “Makaphā kala phokaphā thotna machut phai; kha chi marān Jonahwui machut maningla khangatei machut mamimara. 40#Joh 1.17. Kaja Jonahna ngashun ngayā kathumthang khaihwui wuklungli kapam chithada miwui Naomayarala ngashun ngayā kathumthang ngaleilungli pamra. 41#Joh 3.5. Bichar sāthanghon Ninevehwui mibingna mithot hili ngasoda ngakarthuira kala nathumli athumna khayon phenra. Khiwui vangkhala kaja Jonahn pao hākashok eina athumna ning ngateihaowa kala yanglu, Jonahli reikhameia kachikatha akha hili leili. 42#1 Wung 10.1-10; 2 Thot 9.1-12. Bichar sāthanghon Azingvākwui awungva̱na mithot hili ngasoda ngakarthuira kala chili yonshinamra kaja ana Solomonwui thangkhamei chi nganā khavai okathui akatangwui eina rai, kala yanglu, Solomonli reikhameia kachikatha akha hili leili.

Makathara Manglā Latkharā

(Lk 11.24-26)

43 # Lk 11.24-26; 2 Pet 2.20. “Makathar manglā makathara china mi akhawui eina shokhailaga ngalei kathengli awui ngasām khavai phavai kha pamkhavai akhala masamphangthuwa. 44Chieina ana ‘Ina pamkasā shim chili latungura’ da hānga. Ana latkhaung tharan shim chili khipākha maleisāmana kala pha̱mathā kharikhailaga mathāsek eina leisai. 45Chi theilaga ali zakshi khamei manglā makathar shini ahokhuida athum shim chili ungpama. Chieina mipā chiwui mirin kharepāle khanaowa hina zakshimeikharhaowa. Makaphā mithot hilila chithada shokra.”

Jishuwui Ava̱ eina Achinangarā

(Mk 3.31-35; Lk 8.19-21)

46 # Mk 3.31-35; Lk 8.19-21. #Joh 2.1-12; 19.25-27; 7.1-10; Mk 6.3; 1 Cor 9.5. Jishuna mibingli tamchitheimahunglakha, yanglu, awui ava̱ eina achināngarā ayārli rānganingda ali chān ngahānngaida rāngathinga. 47Chieina mi akhana ali hānga, “Yanglu, nava̱ eina nachināngara nali chān hāngkida ayarli ngaraili.”

48Kha ana ali ngahānkai. “Khipāna ishava̱ kala khipālongna ichināngarākhala?” 49Kala ana awui sākhangatha̱vāk pāng chiza̱vāda hānga, “Hili ishava̱ eina ichināngarā leili. 50#Joh 15.14. Kaja kazingramli khalei iwui Avāwui kaphaning kasaa chi igatona, izarva̱na kala ishava̱na.”

Currently Selected:

MATTHEW 12: TANGBSI

Highlight

Copy