JOHN 5

Ra̱khong Ngalemli Raikhami

1Chiwui thili Jihudiwui phanit akha leisai kala Jishuna Jerusalemli vai. 2#Neh 3.1; 12.39.Jerusalemwui Yao-Ngavei ngalemli yāngkhup phangā khalei ra̱khong akha lei, Hebrew tuili Beth-zatha hoi. 3Hili kakazābing kaja mik khangapeo, phei katek kala sheikasha̱bing sorngasaida pamsai— (athumna tara̱ khangatha̱ ngaraipama. 4Kaja mararakli Prohowui kazingrao tāda ra̱khong chiwui tara̱ chi ngatha̱ ngasaka. Tara̱ chi ngatha̱ kahaiwui thili zangkharena kazāt khikhikharanu kharai samphanga). 5Apam chili zingkum thumrāda chishat kazākahai mi akhala leisai. 6Atam chirankha ngaraikapam chi Jishuna theida “Na raingaila?” da ngahāna. 7Kakazāpa china ngahānkai, “Amei, tara̱ ngatha̱khaleoda ra̱khongli ili khuizangmi khavai khipākha maleimana; ina zangkida sālala kateina rikhuichinghaowa.” 8#Mk 2.11; Mat 9.6; Lk 5.24. Jishuna ali hānga, “Ngakarthuilu, nawui khomphānao chi khuiphungda zatulu” 9Chili ngalāngda mipa chi raihaowa kala awui khomphānao khuiphungda zatuwa.

Hi shokthang zimiksho chi Sabbathna. 10#Neh 13.19; Jer 17.21; Joh 7.23; 9.16; Mk 2.24. Chieina Jihudibingna raikahaia mi chili hānga, “Aja Sabbathna, nana nawui khomphānao khuikaphung hi masāpaimana.” 11Ana ngahānkai, “Ili raikhamepana, nawui khomphānao khuiphungda zatulu” da hānga. 12Athumna “Nali nawui khomphānao khuiphungda zatlu kachipa chi khipākhala?” da ngahāna. 13Kha na ali raikhame mipa chi khipākhala da matheithuwa, kaja apam chili mi ngazināhaida Jishu thuihairasai. 14#Mk 2.5. Khaleilaga Jishuna ali khorumshimli samphangda hānga, “Yanglu, ara na phāhaira. Morei masāluialu, chithākha nawuitungli khikha zakshikhamei mashokluimara.” 15Chieina mipa chi zatthuihaowa kala ana ali raikhami chi Jishuna da Jihudiwui akhavābingli ahānga. 16Hiwui vang eina Jihudibingna Jishuli rekharekphoka kaja ana sabbath zimiksholi kazāt raimihaowa. 17#Hao 2.3. Kha Jishuna ngahānkai, “Iwui Avā ot sāchingda lei, ila sāphalungra.” 18#Joh 7.1; 10.33. Hi kashā eina Jihudiwui akhavābingna ali shaothat khavai lungsanmeihaowa kaja ana Sabbathwui ain sakakhaimāng maningla Vareli a khalattawui Avāva̱na jihaowa, kala a khalatta Vareli ngaraichā ngasakhaowa.

Anaomayarawui Sāshap

19 # Joh 5.30; 8.28; 14.10. Chieina Jishuna athumli hānga, “Kachangkhat eina ina nathumli kahāngna, Anaomayarana a khalattawui ning eina kasā khikha maleimana, kha Avāva̱na kasā chi theida kasāna. 20#Joh 14.12. Avāva̱na Anaomayarali leishihaoda awui kasāsā saikora chitheisera. Ana hili hakkhamei ot eina tangda ali chitheira, chieina nathum matakhakhaora. 21#Rom 4.17; 8.11; Joh 11.25. Avāva̱na kathebingli ringkhangasak thada Anaomayaranala ana ringngasakkhangaibingli kharing kaho chi mira. 22Avāva̱na khipālikha bichar masāmara, kha bichar saikora Anaomayarali mihaira. 23#Lk 10.16; 1 Joh 2.23. Chieina mi saikorana Avāva̱li khayākashi tākam eina Anaomayaralila khayāshira. Kachikathāna Anaomayarali khayāmashiakha ali kashirāta Avāva̱li khayāmakashina. 24#Joh 3.18. “Kachangkhat eina nathumli kahāngna, iwui tui shāda ili kashirātali shitkasanga a chi katang makhavai kharing lei. Ali bichar masāmara, kha kathiwui eina kharingli kanshok kahaina.

25 # Joh 4.21; 16.2,32. Ina kachangkhat kahāngna, atam rārāli, kathebingna Varewui Naomayarawui akhon shāki kaji atam rāshunghaira kala kashābingna ringra. 26Avāva̱ khalattawuili kharing khalei thada Anaomayaralila kharing chi mihaira, 27kala bichar sākhavai ali pangshap mihaira, kachiwui vangkhala kaja a miwui Naomayarana. 28Hili matakhak kahai masaalu, kaja kathebingna chikhurwui eina awui akhon shāda, 29#Dan 12.2; Ots 24.15; Joh 11.24; Mat 25.46; 1 Cor 15.52. kaphā sākahaibingna kharingwui ringkhalui kala makaphā sākahaibingna bicharwui ringkhaluiwui vang shokki kaji atam rārāli.

Jishuwui Shākhibing

30 # Joh 5.19; 8.16; 6.38. “I khalattawui sāshap eina khikha masārarmana, kha Varena kahāng athishurda ina bichar kasāna, chieina iwui bichar khamashungana; kaja iwui ningkachāng masāla ili kashirātawui kaphaningmāng kasāna. 31#Joh 8.14-18. “Ina I khalattawui vang shākhi saakha ina kahāng hi akachang maningmana da hāngpai. 32Kha khangatei akhana iwui vang shākhi mida khaleina, kala chipāna iwui pongli shākhi mida khalei hi khamashungana da ina thei. 33#Joh 1.7; 19. Nathumna Johnwuili mi chihovāda theihaira kaja ana khamashung chili shākhi mi. 34#1 Joh 5.9. Ina mikumowui shākhi samphangkhangai maningmana kha nathumli huikhui khavaiwui vangna. 35John hiya sharkahai kahora thaomei kathāna, kala nathumna kasha̱khawui vang kahor chili pamngai. 36#Joh 10.25; 14.11; 15.24; Mat 11.4. Kha iwui vang ina khami shākhi china Johnna khami shākhili hakmei, kaja iwui Avāna sālu da mikahai ina sāda khalei ot hina ili iwui Avāna kashirātna kajiwui shākhina. 37Ili kashirāta iwui Avāna iwui shākhina. Nathumna awui khon mashālakranga, azakla matheilakranga. 38Nathumli awui tui marāzangranga, kaja ana chihokharāpa chi nathumna mashitsangmana. 39#Lk 24.27; Ots 13.27. Nathumna kathara lairikli phai, kaja katang makhavai kharing chi chili samphangra da phaninga; kala iwui vang shakhi sakhami chi chibing china, 40kha kharing samphang khavai nathumna iwuili marāngaimana. 41Ina mikumowui masot maphāmana. 42Kha nathumwui wuklungli Varewui leikashi maleimana kaji ina thei. 43#Mat 24.5. Ina iwui Avāwui ming eina rai, kha nathumna ili makhuisangmana. Khangatei akhana a khalattawui ming eina raakha nathumna ali khuisangra. 44Nathum akha eina akha sochikat khangarok ningchānga, kha Varewui kaso chi samphang khavai maphāmana. Chithākha nathumna kathada shitsangpairakhala? 45#Joh 9.28; Rom 2.17. Ina iwui Avāwui mangāli nathumli khayon mira da maphaningalu. Kha nathumna kachihāna Mosesna nathumli khayon mira. 46Nathumna Mosesli shitsangsi kaja ilila shitsangra, khikhalajila ana iwui pongli kagapina. 47#Lk 16.29,31. Kha nathumna awui kapi kahai chili mashitsanglaga ina hāngkahai chili kathada shitsangrakhala?”

Currently Selected:

JOHN 5: TANGBSI

Highlight

Copy