JOHN 17

Jishuna Sākhangatha̱bingwui vāng Seihā Kasā

1 # Joh 11.41; 13.31. Jishuna hi hāngkup kahaiwui thili kazingram yangkāda hānga, “Avā, atam chi rāhaira; Nanaomayarali tekmatei ngasakmilu, chieina Nanaomayarana nali tekmatei ngasakra, 2khikhalajila nana mikahai mikumo saikorali katang makhavai kharing mikhavai nana ali pangshap mihaira. 3Katang makhavai kharing kaji hi akhamāng kaje khamashunga Vareli kala nana kashirāta Jishu Khristali mikumona kathei hina. 4Nana ili sālu da mikahai ot chi sakuphaida okathui hili ina nali tekmatei ngasakhaira. 5#Joh 1.1; 8.58; Phil 2.6. Chieina ara Avā, apuk-apagva̱̱ masāranglakha nali ngasoda ina tekhamatei eina leikasā chieina nawui mangāli ili tekmatei ngasakmilu.

6“Apuk-apagvawui eina kapangkhuida nana ili khami mibing chili ina naming theingasakhaira, athum nawuina, kala athum chi nana ili mida athumna nawui tui nganai. 7Ara nana ili mikahai saikora hi nawui eina kharālaka da athumna theihaira; 8khikhalajila nana ili khami paokaphā chi ina athumli mida athumna samphanghaira. Chieina I nawui eina rai kaji hi mashunga da athumna theihaira, kala nana ili kashirātna kaji athumna shitsanghaira. 9#Lk 22.32; Joh 14.16. “Ina athumwui vang seihā sali; ina apuk-apagawui vang seihā masāmana, kha nana ili mikahaia athumwui vang kasāna, kaja athum nawuina. 10Iwui khalei saikora nawuina, kala nawui saikora iwuina kala iwui tekhamatei athumwui eina theingasakhaira. 11#Phil 2.9; Phon 19.12; Rom 12.5; Gal 3.28; Joh 17.21. Ara I apuk-apagva̱li maleiluimana, kha athuma apuk-apagva̱li lei, kala I nawuili rārāli. Tharkhamathenga Avā, nana ili mikahai athumli nawui mingwui pangshap china mayonmilu. Chieina na eina I akha kasā thada, athum akha ngasāpaira. 12#Laa 41.9; Joh 6.70; 18.9. Nana ili mikahai athumli ina ngasoda leilakha namingwui pangshap eina ina athumli mayonmi, ina athumli mayonmida leilakha, kathara tui chi ungshung khavai shimānphalungki kajepa maningla khipākha mashimānmana. 13Ara I nawuili rārāli, kala ina okathuili hi kahāng hiya, iwui ringkaphā chi athumna ningli pemting eina samphang khavaina. 14#Joh 15.19; 8.23. Ina nawui pao chi athumli mi, chieina okathuina athumli ningkachaihaowa kaja ina okathui hiwui makhaning thada athumla okathui hiwui maningmana. 15Athumli okathuiwui eina khuithui khavai kapo maningmana, kha athumli makaphāwui eina mayonmi khavai kapona. 16Ina okathui hiwui makhaning thada athumla okathui hiwui maningmana. 17Khamashung chieina athumli namingli dharchikatmilu, kaja nawui tui chiya khamashungana. 18Nana okathui hili ili kashirāt thada, athumli ina okathuili kashivātna. 19Kala athumna khamashung eina chigatshap khavai I khalatta nali kachigatna.

20“Ina hibingwui vāngmāng seihā kasā maningmana, kha athumwui tui shāda ili shitkasanga athumwui vangla seihā kasāna, 21#Joh 10.38; 17.11. chiya athum akha sāpaira; Avā, nana iwuili, kala ina nawuili khalei thada, athum iniwuili leiranu, chithākha apuk-apagva̱na nana ili kashirātna kaji shitsangra. 22Nana ili khami tekhamatei chi ina athumli mihaira, chieina na eina I akha kasa thada, athum akha sapaira, 23ina athumli kala nana ili leida athum tongtingda akha sapaira, chieina nana ili kashirātna kala nana ili leikashi thada athumlila leishiya kaji apuk-apagva̱na theira. 24#Joh 1.14; 17.5; Mat 25.34. “Avā, nana ili mikahaia athum, apuk-apagva̱ masāranglakha nana ili leishida mikahai tekhamatei chi yangkhui khavai, I khalaleipamli athumlila leingasakngai. 25He, khamashung khangaronga Avā, apuk-apagana nali matheiranga, kha ina nali theihaira, kala china, nana ili kashirātna kaji thei. 26Ina athumli naming theingasakhaira, kala chithada theingasakchingra. Chieina nana ili leikashi chi athumwuilila leira, kala inala athumwuili leira.”

Currently Selected:

JOHN 17: TANGBSI

Highlight

Copy