JOHN 18

Jishuli Tukkakhui

(Mat 26.47-56; Mk 14.43-50; Lk 22.47-53)

1 # Mat 26.30,36; Mk 14.26,32; Lk 22.39; 2 Sam 15.23. Jishuna seihā sāchanghailaga sākhangatha̱bingli ngasoda Kidron tampākli khavā tharan yāmgui akha leisāda athumna chili azanga. 2Apam chi Jishuli yorkazāpa Judasnala thei, kaja Jishuna awui sākhangatha̱bingli kachungkha shida apam chili samphanga. 3#Mat 26.47-56; Mk 14.43-50; Lk 22.47-53. Chieina Judasna thānda shipaila, pāngmon akhokabingna kachiho kathāna kaikhala kala Phariseebingla zangda zeighai ngahāla, thaomeila singlaga yāmgui chili vai. 4#Joh 6.64; 13.1. Jishuna shokki kaji theiserhaoda, athumwui mangāli shokngahāna, “Nathum khipāli kaphākhala?” 5Athumna, “Nazarethwui Jishuli kaphāna” da ngahānkai.

Jishuna, “Chi ina” da hānga.

Ali yorkazāpa Judasla athumli nganingrumsai. 6Ana “Chi ina” da kahāng eina sa̱na̱ungda ngaleili kongluizanga. 7Jishuna athumli ngahānluishita, “Nathum khipāli kaphākhala?”

Athumna “Nazarethwui Jishuli kaphāna” da hānga. 8Jishuna hānga, “Chi ina, da nathumli ina hānghaira.” 9#Joh 17.12; 6.39. Jishuna kahāng hi ana hānghaikasā “Nana ili mikahai athum akhala mashimānmana” kaji chi ungshung ngasak khavai kahāngna. 10Simon Peterna raighai akha singsāda chi sutkhuilaga pāngmon khareiwui rao akhawui khanā yāvāk yortāmihaowa. Raopā chiwui aming Malchus hoi. 11#Mk 10.38; 14.36. Jishuna Peterli hānga, “Nawui raighai chi ahonli sanghaolu. Avāna ili mikahai tengkot chi I mamangmarala?”

Jishuli Annaswui Mangāli Khuikakā

12 # Mat 26.57; Mk 14.53; Lk 22.54; 3.2. Chieina shipai akhavāna thānda raimibing kala Jihudiwui kathānabing china Jishuli tukkhuilaga khalaphaowa. 13Kala athumna rimeikapta Annas kaja chikum pāngmon kharei sākasā Caiaphaswui awovāwuili khuivai. 14#Joh 11.49-51. Jihudibingli, mi katongawui vang mi akhali thikhangasakna phāmeiya da hāngkhamachinpa chi Caiaphasna.

Peterna Jishuli Makhamayā

(Mat 26.69-70; Mk 14.66-68; Lk 22.55-57)

15 # Mat 26.58; Mk 14.54; Lk 22.54. Simon Peterna Jishuli shurvai, sākhangatha̱ khangatei akhala shurvai. Sākhangatha̱ akhapā chi pāngmon khareili mathālak eina theimasuihaida ana Jishuli ngasoda pāngmon khareiwui kārotli zanga. 16Kha Peterva kayāngli khamongwui ngalemli nganinghaowa. Chieina pāngmon khareili theikhamasuia sākhangatha̱ china shoklaga khamong khāmayonva̱ chili shokhānglaga Peterlila alungvāk khuizanga. 17#Mat 26.69-72; Mk 14.66-69; Lk 22.56-58. Khamong khāmayonva̱ china Peterli hānga, “Nala mipā chiwui sākhangatha̱ akha maningmala?”

Peterna “Maningmana” da ngahānkai. 18Siknāhaida raobing eina khamayonbingna mei sālaga kuimareida meili tikpama. Peterla athumli ngasoda meili vāpama.

Pāngmon Khareina Jishuli Khangahān

(Mat 26.59-66; Mk 14.55-64; Lk 22.66-71)

19 # Mat 26.59-66; Mk 14.55-64; Lk 22.67-71. Pāngmon kharei china Jishuli awui sākhangatha̱ eina awui tamkachitheiwui pongli ngahāna. 20Jishuna ngahānkai, “Ina apuk-apagva̱li phonglāk eina hāngchinga; Jihudi katongana rākakazip synagogue kala khorumshimli tamchitheichinga; ina ngathumda kahāng khikha maleilakmana. 21Chieina khisāda ili khangahānkhala? Ina athumli khi hāngkhala kaji kashābingli ngahānlu; ina khi hāngkhala kaji athumna thei.” 22Jishuna hi hāngkahai eina ngalemli khalei otshina akhana apāng eina ali shaoda hānga, “Pāngmon khareili nana hithada ngahānkāla?” 23#Mat 5.39; Ots 23.2-5. Jishuna ngahānkai, “Ina nguida hānghaira jiakha khangui chi hānglu, kha ina kahāng chi mashunga jiakha khisāda ili kashaokhala?” 24#Joh 18.13; Lk 3.2. Chieina khalaphailaga Annasna ali pāngmon kharei Caiaphaswuili chihovāhaowa.

Peterna Jishuli Mamayākhalui

(Mat 26.71-75; Mk 14.69-72; Lk 22.58-62)

25 # Mat 26.73-75; Mk 14.70-72; Lk 22.59-62. Chitharan Peterna chili nganingda meili tikpamsai. Chieina athumna hānga, “Na mipā chiwui sākhangatha̱ akha maningmala?” Kha Peterna mamayāmada “Maningmana” da ngahānkai. 26Peterna khanā yortāmi kahaipawui athei-asā kashoka pāngmon khareiwui rao akhana hānga, “Yāmgui chili ali ngasozatkasā ina matheimala?” 27Peterna, “Maningmana” da ngahānkai, kala chichangli harvā khonguwa.

Pilatewui Mangāli Khuikakā

(Mat 27.1-2,11-14; Mk 15.1-5; Lk 23.1-5)

28 # Joh 11.55; Mat 27.1-2; Mk 15.1; Lk 23.1. Chiwui thili ngathorthakva athumna Caiaphaswui shimwui eina kārotli shimenvai. Jihudibingna kārotli mazangmana, kachiwui vangkhala kaja athum khalatta masāmakhaohaila Makānkhami zātkhānli zangkhavaina. 29#Mat 27.11-14; Mk 15.2-5; Lk 23.2-3. Chieina Pilatena ayarli athumli shoksamphangda hānga, “Nathumna mipa hili kaphen khi leikhala?” 30Athumna ngahānkai, “Mipa hina yom ot masāsāsi kaja nawuili makhuirāmara.” 31Pilatena athumli hānga, “Chithākha ali khuithuiulu, kala nathumwui ain athishurda bichar asālu.” Jihudibingna ngahānkai, “Ithumwui vanga khipālikha shaothat khavai ainna mamayāmana.” 32#Joh 3.14; 12.32. Jishuna kachikathā mithit eina thira̱khala da ana hāngkahai chi ungshung khavai hi kashokna.

33Pilatena kārotli zangluishitlaga Jishuli hokhuida hānga, “Na Jihudiwui Awunga chila?” 34Jishuna ngahānkai, “Hi naning eina kahāngka, khangateina iwuipongli hāngmida kahāngkhala?” 35Pilatena ngahānkai, “I Jihudinaona da phaningla? Nali nawui mibing kala pāngmon akhokabingna iwuili chihokharāna, nana khi sāhaokhala?” 36#Joh 6.15; Mat 26.53. Jishuna hānga, “Iwui wungmung hi apuk-apagva̱wui maningmana; iwui wungmung hi apuk-apagva̱wui sāsāsi kaja ili Jihudibingwui pāngli mahorsang khavai iwui kashurabingna ngararhairara; kha iwui wungmung apuk-apagva̱wui eina maningmana.” 37#Joh 3.32; 8.14,47; 1 Joh 4.6. Pilatena ali hānga, “Thakha na awunga akharali!” Jishuna ngahānkai, “I awungana kaji hi nana hāngda lei. Ili hiwui vang kapharāna, kala hiwui vang khamashung chili shākhi mikhavai I apuk-apagva̱li kharāna. Khamashunga mi kachivana iwui tui khuisanga.” 38#Mat 27.15-26; Mk 15.6-15; Lk 23.18-19; Ots 3.14. Pilatena, “Khamashung chi khikhala?” da ngahāna.

Jishuli Shāothat khavai Tuitak

(Mat 27.15-31; Mk 15.6-20; Lk 23.13-25)

Chi hānghailaga Pilatena shoklaga Jihudibingli hānga, “Ina awuili khayon khikhala masamphangmana. 39Kha nathumwui zatkhanāwui athishurda Makānkhami phanitli phātop kazanga mi akhali ina chihomiphalungra; Jihudiwui Awunga hili chihomilu jila?” 40Athumna panglāk eina vaoluishita, “Mipa hi maningmana; kha Barabbaslina!” (Barabbas hi pha̱ma̱kashao mina).

Currently Selected:

JOHN 18: TANGBSI

Highlight

Copy