Popular Bible Verses from JOHN 17

Share

Khamashung chieina athumli namingli dharchikatmilu, kaja nawui tui chiya khamashungana.

Katang makhavai kharing kaji hi akhamāng kaje khamashunga Vareli kala nana kashirāta Jishu Khristali mikumona kathei hina.

“Ina hibingwui vāngmāng seihā kasā maningmana, kha athumwui tui shāda ili shitkasanga athumwui vangla seihā kasāna, chiya athum akha sāpaira; Avā, nana iwuili, kala ina nawuili khalei thada, athum iniwuili leiranu, chithākha apuk-apagva̱na nana ili kashirātna kaji shitsangra.

Athumli okathuiwui eina khuithui khavai kapo maningmana, kha athumli makaphāwui eina mayonmi khavai kapona.

Nana ili khami tekhamatei chi ina athumli mihaira, chieina na eina I akha kasa thada, athum akha sapaira, ina athumli kala nana ili leida athum tongtingda akha sapaira, chieina nana ili kashirātna kala nana ili leikashi thada athumlila leishiya kaji apuk-apagva̱na theira.