Popular Bible Verses from JOHN 16

Share

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

Khamashungwui Manglā chi kharā tharan, ana nathumli khamashung katonga chitheira. Ana a khalattawui sāshap eina mamatuimara kha ana shākakhui chi matuira kala rāki kaji chi ana nathumli chitheira.

Aja eina tangda nathumna iwui ming singda mapolakranga; polu, samphangra, chi eina nathumwui ringkaphā kāshungra.

Kha khamashung tui ina nathumli kahāngna, nathumwui vanga I kathuina phāmei, kaja I mathuiakha Machinme chi nathumwuili marāmara, kha ina thuihaiakha ali chihorāra. Ana kharā tharan apuk-apagawui mibingna moreiwui, khamashung khangarongwui kala bicharsakwui pongli theinguida khalei chi ana chitheimira

Chi tākam eina aruihon nathum chotta lei, kha ina nathumli samphangluira, kala nathumwui ning khamathānna pemhaora. Chi kathā khamathān chi nathumwui eina khipānakha mangapaithuimara. Chitharan nathumna ili khikha mapomara. Kachangkhat ina nathumli kahāngna, nathumna iwui ming singda iwui Avāli kapo saikora ana mira.

Kachangkhat eina ina nathumli kahāngna, nathumna chapta sifaakha apuk-apagana mana̱ra; nathum wukhanangra, kha wukakhanang chi khamathān onhaora.