HABAKKUK 2
2
Prohona Habakkukli Ngahānkakā
1 #
Isa 21.8. Ngashānyang khavai ina iwui pheinganin khuira,
kala tārongli pamra, laga ana ili khi hāngra kala iwui makhamayāwui pongli khi ngahānkārakhala kaji yangkhuira.
2Kala Prohona ili ngahānkai:
“Mahākhami chi kapikhuilu;
lungphekli tharzā eina kapilu,
chieina kapābingna tharzā eina pākhuipaira.
3 #
Heb 10.37. Arui eina tangda mahākhami chiwui atam ngaraichingdalei;
atam chi thākta rāra—makapikmara.
makahatlakla rāra, mahuinganong mara.
4 #
Rom 1.17; Gal 3.11; Heb 10.38-39. Yanglu, mangla mashun eina makazata mi chi shimānra,
kha khangaronga mina awui shitkasang eina ringra.
Makatharabing Kakhanang Ringkashi Ngasāranu
5Chili lāngda zam hiya kakapikana;
langkaso mi chi maringmara.
Awui kākharām chi Kathewui ram rikha mashai;
kathe thāda ana kashap mavaimana.
Ana yur saikora awui vang kazipkhui, kala
mi saikora awui thāda rutkhui.”
6Saikora hina ali zeida mana̱kashi eina ngasoda mahāngmaralā,
“Khalattawui makhaninga ot khorhaida khaleia a chi ringkashi ngasāranu—
karankhawui vang? —
khalatta ngashaikakhuiwui eina shāngkakhui chi!”
7Nawui leiman kazangbingna kashuirak thuida,
kala mathukta khaleibingna nali makathir ngasakmarala?
Chitharan na athumna ngaponkhui kahaia ngasāhaora.
8Kaja nana yur kachungkhali ngapon kahaiwui vang,
shākkahaibingna hupvana nali ngaponra,
mibingwui asheewui vang kala apuk-apagali,
keinungbingli kala chiwui alungli khalei saikorali khangashaowui vang.
9Awui shimkhurwui vang makaphā eina tongkakhuia,
kalākashi marāshung khavai awui athip kajuiva̱li kasaa,
a chili ringkashi ngasāranu!
10Nana miyur kachungkhali katathaida,
nawui shimkhurwui vang khayākhamalā sākhuihaira,
namanglā hamhaira.
11Kaja lungguina shimrāpwui eina vaoshokra, kala
khāngena shimtungwui eina ngahānkāra.
12Ashee eina keinung sākakā,
khayonkhamāng eina keinung sākakā a chili kakhanang ngasāranu!
13Yanglu, mibingna meiwui vang ngalangkazār,
kala yurbingna khikha makhaningwui vang kachot;
hi saikorawui Prohowui eina kharā maningmala?
14 #
Isa 11.9. Kaja okathuili Prohowui tekhamatei theikakhui china pemhaora,
shamadru tara̱na kapem thāda.
15Khongnainaoli awui malungkhavātwui tengkot mangngasakta marip khangasaka,
kala athumwui kakhayak chili yangkhavai kasā a chi kakhanang ngasāranu!
16Nali tekhamateiwui mahutli maikashina pemhaora,
manglu, manglaga ngayitzatlu,
Prohowui yāshong kasing tengkot chi nali rāza̱ra,
kala kakhayak chi nawui tekhamatei tungli tāra.
17Lebanonli sākashi kasā china nali longrorra;
sāyurbingli shimān khangasak china nali ngachee ngasakra;
kaja mibingwui ashee kala apuk-apagali, keinungbingli,
kala chiwui alungli kapambingli khangashaowui vang.
18Kasemana sākakhuia, mariwui kakapika meoma̱ chi khi kannākhala?
Kaja themkathema ana sākakhui khak makashoka awui pāngotli chihāna.
19Thingwui otli, Mathuklu;
khak makashok ngalungli, Ngakarthuilu!
kaji mi chi kalākashi ngasāranu!
Hina phongmishaprala?
Yanglu, chi sinā kala lupāsā eina heirora,
kala chili khaksui maleimana.
20 #
Zep 1.7; Zec 2.13. Kha Prohona awui kathara shimli lei;
okathui hupta awui mangāli chingrihairanu.
Currently Selected:
HABAKKUK 2: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
