HABAKKUK 1
1
1Habakkuk marānna Varewui chitheikhami kathei tuina.
Mashunwui vang Habakkukna Kaphayat
2 #
Isa 13.1—14.23; Jer 50—51. O Proho, ngachonmi khavai
ina karankha sāngda polaga,
nana mashāmimarakhala?
“Khangashao” da nali vaolaga nana mahuimimarakhala?
3Khisāda nana ili khangui chi theingasak kala kakhanang chi yangngasakhala?
Kashimān eina khangashao iwui mangāli lei;
maringkaphā kala kakharar shokhaira.
4Chieina ain chi mangazipthura,
kala mashun maleilakthura.
Kaja makaphā makhayāna khangarongali kuinamhaowa,
chieina mashun chi masho ngacheihaowa.
Prohowui Ngahankakā
5 #
Ots 13.41. Yurbingwui ngachaili yanglu, kala theikhuilu;
matakhakhaida kashuilu,
kaja hānglala nathumna mashitsangki kaje ot ina nathumwui
atamli sāda lei.
6 #
Phon 20.9. Kaja yanglu, ningkakhā kala pheipāng kathāka Chaldeanaobingli ina mathotta lei,
athumna athumwui makhaning ngalei yuikhui khavai apuk-apaga vāshungda muivai.
7Athum khangachee-khangacha miyurna,
athumwui mashun kala khayā athum khalattawui eina shoka.
8Athumwui sigui kuirāngli thākmei,
zingyinlamwui ramfali sāshimei;
athumwui sigui raimi hiksor eina muivai.
Mha, athumwui sigui raimi katāva̱wui eina rai;
tukshai khavai athumna khalāng thāda yonga.
9Athum saikora ngashao khavai rai;
sākashina athumwui mangāli zata,
athumna tukkakhui situi thāda kazipkhui.
10Awungabingli athumna mana̱shiya,
kala ngalei khamungabingli ngashan sānganaovai.
Athumna raipan kachiva̱li mana̱shiya,
kaja athumna ngalei thongkāda chi khuiya.
11Chiwui thili athumna masi thāda yongvai,
kala chithāda vāshuma,
khayona mibing, khalattawui pangshap chi athumwui varebingna!
Habakkukna Proholi Khangaphat
12Na katang makhavaiwui eina maningthulā,
O Proho iwui Vare, iwui Kathara?
Ithum mathimara O Proho,
nana athumli bichar sākhavai kapangsanghaira;
Kala O Lunghār nana, rākkhavai athumli sakāhaira.
13Makaphā yangkhavaili lāngda mathingkhamei mik,
khanguili mayangkatheia,
khisāda shitkasang makhaleia mili yangrakhala,
kala makaphā makhayāna mashungkhamei mili mayuikatā tharan khisāda kasaikha pamhao?
14Kaja nana mikumo hi shamadruwui khaih tākam eina sema,
khamunga makhalei ngaleili ngawokazata yur thāda sākhui.
15Ana athum saikorali khaihsui eina suikhui,
ana athumli khailan eina ngakhunshoka,
kala awui khailan kahakali kazipkhui;
chieina ana ringphāda mathāna.
16Chiwui vang ana khailanli pha̱kaphayā sai,
kala awui khailan kahakali nganamkaphā riktai;
kaja ana chiwui mangā eina ringphāda okathuina;
kala awui kashakazā khamathāthāmānga.
17Chieina ana awui khailan masaingasaklaga
lukhamashan maleila yurbingli sāthatchingrala?
Currently Selected:
HABAKKUK 1: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
