OTSAK 7

Stephenna Khamatui

1Chiwui thili pāngmon kharei china ali ngahāna, “Kaphenbing hi mashungla?” 2#Laa 29.3; Hao 11.31; 15.7. Chieina Stephenna ngahānkhai, “Ivānao ngarā kala ishāvā ngarā, iwui tui nganāmilu. Ithumwui awokharar Abrahamna Haranli mavāpānranglakha Mesopotamiali tekhamateiwui Varena rāsamphanga, 3#Hao 12.1. kala ali hānga: ‘Nali pharāsang kahai ram kala nawui shangnao chihohailaga ina chitheiki kaji ramli vālu.’ 4#Hao 11.31; 15.7; 12.5. Chiwui thili ana Chaldea ngalei chihohailaga Haranli vāpānthuihaowa. Avāva̱ thikahaiwui thili, Varena ali arui nathumna pānda khalei ngalei hili khuirai. 5#Khal 2.5; Hao 12.7; 17.8. Chithālala Varena ali apam hili awui pamkhavai ngalei khuiningkhala mamimana, kha awui nao akhala maleisālala Varena ngalei chi ali kala awui ara̱-azāli mira da ngashitmi. 6#Hao 15.13-14. Hiwui pongli Varena ali hāngna: ‘Nawui ara̱-azāna miram khangateili pānra, chili athum rao sāda zingkum shāmati athumli zakshilāk eina sāra. 7#Sho 3.12. Kha athumna otram ngatha̱khame mibing chiwuitungli ina bichar sāra, chiwui thili athumna ngalei hiwui eina shokta apam hili ili khorumra. 8#Hao 17.10-14; 21.2-4; 25.26; 29.31-35; 30.1-24; 35.16-18; 35.23-26. Chieina Varena Abrahamli tuingashitwui khudam sāda ahui rimkashokwui otsin mi. Abrahamna Isaacli pharākhuida hapta akhawui thili ahui rimshoka, kala Isaacna awui naomayara Jacobli pharākhui kala Jacobna ithumwui avākharar ngarā awui nao tharāda khani pharākhui.

9 # Hao 37.11,28; 45.4. #Hao 39.2-3; 21. “Ishāvā ngarā china Josephli mikpaishida Egypt ngaleili yorsanghaowa; kha Varena ali ngasomi, 10#Hao 41.40-46; Laa 105.21. kala awui kakhanang ringkashi saikorawui eina ali kanmi, Egypt awunga Pharaohwui lumkakā samphangpai khavai Josephli Varena thangkhamei mi, chieina awungana ali Egypt katonga kala Pharaohwui shimkhurwuitungli mungkhavai governor sāngasaka. 11#Hao 41.54-55; 42.5. Chitharan Egypt kala Canaan ngaleili chāmrei rāhaoda kachotkachāng tarākha samphang ngasaka. Ishawo ishayi ngarā zāt masamphangthuwa, 12#Hao 42.2. kala Jacobna Egyptli kashakazā lei kaji kashā tharan, awui naongarā, ishawobing chili chihovai. 13#Hao 45.1-4. Athum rākakhaneli, athumli Josephna a khipākhala kaji hāngchithei, chieina Pharaoh awungana Josephwui shimkhurli theihaowa. 14#Hao 45.9-10. #Khal 10.22. Chieina Josephna avāva̱ Jacob kala ashi shimkhur mi hangshinida phangā chili Egypt ngaleili rākhavai pao chihovai. 15Jacobna Egyptli tai kala chili ala, awui naongarābingla thisangsera. 16#Jos 24.32; Hao 50.13. Athumwui phasā chi Shechemli khuiunga kala chili Abrahamna Hamorwui naongarāwui eina lokakhui chikhur chili ungchizana.

17 # Sho 1.7-8. “Varena Abrahamli ngashit kahai atam chi rānganaimamān kaji tharan, ithumwui miyurbing Egypt ngaleili chungsangkhangai chungsanghaowa. 18Chitharan Josephli makatheia awunga akhana Egyptli mungphokuwa. 19#Sho 1.10-11; 1.15-22. Ana ithumwui miyurli sāshilak eina sai kala athumwui angangnaobing chi chithit khavai ishawo ngarābingli tandi sai. 20#Sho 2.2. Atam chitharan Mosesli pharai kala Varewui miktāli a khamathā naona. Avāva̱wui shimli ali kachāng kathum nganaowa. 21#Sho 2.5-6; 10. Ali ayarli vahor kahai tharan Pharaohwui naongalāva̱na khuida awui nao thada nganaokhui. 22Mosesli Egyptnaobingwui wortam saikora tamchitheisera, chieina tuimatuilila, otsaklila pangshap khalei mi akha ngasāhaowa.

23 # Sho 2.11-15. “Moses zingkum hangmati kākashung tharan awui chinaongarā Israelnaobing kathada leilikhala da vāyang khavai phaninghaowa. 24Kala Israelnao akhali Egyptnao akhana zakshilāk eina kasā chi ana theilaga, Egyptnaopa chili shaothathaida athut khuimi. 25Awui miyurli Varena ningkhān ngasak khavai ali shichinra kaji hi athumna bhap tāra da ana phaningsai, kha athumna chi bhap matāthuwa. 26Akhama kathā ana Israelnao khani ngama̱kasā theilaga mashit khavai ahānga, ‘Nganālu nani Israelnaona, khisāda nani khani ngama̱khala?’ 27Kha khayonapa china Mosesli sheikārvāhailaga hānga, ‘Nali khipāna ithumwuitungli akhavā sāda bichar sākhavai kasokhala? 28Nana ayā Egyptnao akhali shaothat kahai thada ilila shaothatluingaila?’ 29#Sho 2.22; 18.3-4. Ngaworkakā tui hi shālaga Mosesna Egyptwui eina yāmlaga Midian ngaleili vāpānhaowa kala chili nao mayarnao khani pharākhui.

30 # Sho 3.1-10. “Zingkum hangmatiwui thili kazingrao akhana Sinai kaphungwui lamhāngli thing khangapoma akhali meiwon eina rāsamphanga. 31Mosesna chi kathei eina matakhakhaoda mathāmeida yangkhui khavai nganaimeida vai. Kha Prohowui akhon ana shāhaowa. 32‘I navā ngarāwui Vare, Abraham, Isaac kala Jacobwui Vare china.’ Moses kathirriri ngacheenāhaoda mayanglengthuwa. 33Chieina Prohona ali hānga, ‘Nawui pheihop khuishokhaolu, kaja nana nganingda khalei pam chi kathara ngaleina.’ 34Egypt ngaleili iwui miyurli sāshilak eina kasā chi theihaira, kala athumwui ringkhangā akhon ina shāhaira. Athumli ngatangkhui khavai katāna. Ara rālu, ina nali Egyptli chihovāra”

35 # Sho 2.14. “‘Nali khipāna akhavā kala bicharwo sāngasakhala’ da mibingna makhamayā Moses hili, Varena thing khangapompamli theikhangasak kazingrao chiwui khangachon eina akhavāla kala kankhamela sāngasakta chihovai. 36#Sho 7.3; 14.21; Mis 14.33. Ana mibingli thānshokta Egyptlila, Red Sealila kala kum hangmati lamhānglila thānzatta matakhak kahai kala machut tarākha sai. 37#Khal 18.15; 18. ‘Varena ili shokkhangasak thada nathumwui vang nachinā ngarāwui eina marān akha shokngasakra’ da Israelnaobingli kahāng chi Moses hilaka. 38#Sho 19. Sinai kaphungli chān rākhangazeka kazingrao eina ithumwui ishawo ngarābingli ngasoda lamhāngli yārui kazipkhangarumli kazang chi alaka kala ithumli mimaron khavai Varewui kharinga chānpao chila ana samphanga.

39 # Mis 14.3-4. “Kha ishāvā ngarāna awui kahāng manganāthuwa, kala ali horhaida athum Egyptli hanungluishitngaihaoda 40#Sho 32.1; 23. athumna Aaronli hānga, ‘Ithumli thānkhavai meoma̱ akha sāmilu, kaja ithumli Egyptwui eina thānkashoka Mosesli khi shokhaokhala kaji ithum matheithura.’ 41Chieina athumna seinao akha sākhui, kala meoma̱ chili pha̱ya kala athumwui pāng eina sākakhui meoma̱ chili khayāshida mathāna. 42#Sho 32.4,6. Kha Varena athumwui eina mai ngareithuihaowa kala kazingli khalei sirābingli khorum khavai horsangmihaowa, hi marānbingwui lairikli hithada kapihai:

‘He Israelnaobing! Lamhāngli zingkum hangmati zatlakha,

nathumna sāyur ili pha̱kaphayā chigatla?

43Nathumna khorum khavai pāng eina sākakhui Moloch kala Rephan kameo sirawui kachonshim khaningkai,

chiwui vang ina nathumli

Babylon vāklaida khuivāhaora.’

44 # Sho 25.9,40. “Ithumwui awo-ayibingna lamhāngli leilakhala Varena athumli ngasokhamiwui kachonshim chi leisai. Varena Mosesli hāngmi kahai kala Mosesna chiwui athishurda theikakhui chi tāzakta kachonshim chi sai. 45#Jos 3.14-17; Khal 32.49. Varena kasham kahai miyurbingwui eina athumna Joshuali ngasozangda zangkakhui chitharan ishawo ngarāna athumwui avāva̱ ngarāwui eina samkaphang kachonshim chi khuizanga. Chi Davidwui thot eina tangda leisai. 46#2 Sam 7.8-16; Laa 132.1-5. Davidna Varewui ngahānkhangai samphanga kala Jacobwui Vare pamkhavai shim akha sakākhavai Vareli khamayā poi. 47#1 Wung 6. Kha shim sākakāpāva Solomon ngasāhaowa.

48“Chithālala, Juikhamataiya Varena miwui pāngna sākakhui shimli mapammana; marānna hāngkahai thada;

49 # Isa 66.1-2. ‘Kazingram hi iwui wungpamkhongna,

okathuina iwui pheiparna.

Iwui vang nathumna kachikathā shim sāmirakhala?

Iwui vang ngasāmkhui khavai pam kali leikhala?

50Ot saikora hi ina kasā maningmala?’ da Prohona hānga.

51 # Sho 33.3,5; Jer 9.26; 6.10; Mis 27.14; Isa 63.10. “Hāngkashi mibing, wuklung kala khanā ahui marimkashoka mibing, nathumna Manglā Katharali ngakaishichinga. Nathumwui avā ngarāna kasa thada, nathumla chi tākamhai. 52Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira. 53Nathum kazingraobingna mikhamaron Varewui ain samkaphangbingna, kha nathumna chi mamayonmana.”

Stephenli Lunggui eina Horkathat

54Hangva̱naobing china Stephenwui tui chi nganālaga malungvātlakhaoda ahā kachetlaga yanga. 55Kha Stephen Manglā Katharana pemhaida kazingramli yangkakā eina Varewui tekhamatei kala Jishuna Varewui yāshong khanganing chi theida, 56ana hānga, “Yanglu, kazingram shohaida miwui Naomayarana Varewui yāshong nganingda khalei ina thei.” 57Hi kashā eina athumna athumwui khanā kafakhamhailaga panglāk eina vaoda ali ayongrora, 58kala keinungwui ayarli khuishoklaga lunggui eina horthathaowa. Chitharan shākhibing china athumwui kashankachon raitāda Saul kaho yaronnao chiwui pheizingli haimisera. 59Athumna Stephenli lunggui eina horda leilakha Stephenna, “Proho Jishu, iwui manglā kakhuimilu” da seihā sai. 60Ana khuktizangda, “Proho! morei hiwui kashong athumli matāmialu” da panglāk eina vaolaga amanglā chihohaowa.

Currently Selected:

OTSAK 7: TANGBSI

Highlight

Copy