MATTHEW 25

Nuhngâk 10 hei Tekâk

1 # Lk 12.35 “Khava pha a marvân rengram kha hiva kapō kachang sik. Pha khat a nuhngâk 10 he’n anthaihmei anchoia hmōipa intōpui sik a leikasesōt hei. 2Ankâra 5 chu kamohei, khana alak 5 chu kasinghei. 3Akamohei khan anthaihmei anchoi, tâk thaitui chu leisun mak hei, 4akasinghei khan chu anthaihmeia thaitui kasip a an-inchoia kae. 5Hmōipa hong sik kha apha kasôt a kahlut jo, khava jâra nuhngâk-hei kha anhmit kahmua inngui jo hei.

6“Ṭhangṭim jo kae mi ka-ông rasa inthei, ‘Hmōipa kha kahong jo! Hong ruh va’nhmupui jo ruh!’ 7Khava pha nuhngâk 10 hei kathōi heia anthaihmei andet manphut jo. 8Akamohei khan akasinghei hneng khan, ‘Nanthaitui ajing apek ruh ajârchu kanthai hmei kathi sik jo,’ anti. 9Tâk akasinghei khan anmasôn hei, ‘Changthei hêrmak ning, keini sik leh nangni sik tlukmak ning. Akajōrhei hneng se una, va’nchôk ruh.’ 10Khan chu akamo nuhmeihei kha thaitui inchôk kase jo hei; khanga anselai, hmōipa kha jōng katlung jo. Khana 5 a’ntlukdek hei kha ama leh inṭhōia revei hmun a kahlut jo hei, khana kot kha ankir joa kae.

11 # Lk 13.25 “Hnunga alak nuhngâk-hei kha hong katlung jo hei. ‘Apu, apu! amanhlut roh!’ antia ka-ông hei. 12Hmōipa khan amasôn hei, ‘Changthei hêrmak ning! Ke’n manhret mak chei eng.’”

13Jesu’n achaina ahri, “Khava jâra insing thei ruh, ajârchu nangni’n akani leh apha kha manhret mak chei.”

Sōk 3 hei Tekâk

(Lk 19.11–27)

14 # Lk 19.11-27 “Khava pha khan marvân Rengram kha hiva kapō kachang sik. Pha khat a ram kahlatak a khōhmea akase sik pase inkhat leika-om; asōk-hei abek heia akarōi chunga aleinganse hei. 15Antlo torna dungjui et a aleisempek hei: inkhat hneng sêr 5,000 apek, ahlop inkhat hneng 2,000 apek, khana ahlop inkhat hneng 1,000 apek. Khana ama khōhme kase jo. 16Sêr 5,000 kachenpa khan inrangtak a kasea inveina atloa 5,000 amanpungsa jo. 17Kha leh in-anghrep a sêr 2,000 kachenpa sōkpa kha’num 2 amanpungsa jo. 18Tâk sêr 1,000 kachenpa sōk khan kasea ralei khur achoa, akapu sêr kha avûma athup jo.

19“Pha kasôttak sōa khava sōk-hei ankapu kha kahonga anmani leh enmantōkna antlo jo. 20Sêr 5,000 kachen sōk kha akakhe 5,000 leh inṭhōia heikahlut a avapek jo. ‘Apu, nang in sêr 5,000 nanganse eng kae. Enroh! Sêr 5,000 kaman pungsa a kae,’ ati. 21Akapu khan ahnenga, ‘Kaṭha natlo jo, mikaṭha leh taksen ka-om sōk! Nang aja katlômtek chunga taksenthei kachang che, akatamtak chunga kamanngan sik che kae. Hong roh kei inpâkna hin chen vanei jo roh!’ ati. 22“Sêr 2,000 kachenpa kha’m kahonga, ‘Apu, sêr 2,000 nanganse eng kae. Enroh! 2,000 kaman pungsa,’ ati. 23Akapu khan ahnenga, ‘Kaṭha a natlo jo, mikaṭha leh taksen ka-om sōk! Nang aja katlômtek chunga taksenthei kachang che, akatamtak chunga kamanngan sik che kae. Hong roh kei inpâkna hin chen vanei jo roh!’ ati. 24“Khava sōa sêr 1,000 kachenpa sōk kha’m kahonga, ‘Apu, nang mi kakhôktak inkhat nachang kamanhret che; hmuchi navor makna hmun a na-ât, khan chu nakathek makna hmun a nakhôm mantûp a kae. 25Ke’n kalei ṭit chea, nasêr kha kase enga ralei thōia kathup a kae. Enroh! Nata kha hi kae,’ ati. 26“Akapu’n amasôn, ‘Mikaṭhamak leh ratha kase sōk!’ Ke’n kavor makna hmun a ka-ât leh kakathek makna hmun a kakhôm mantûp namanhret mo? 27Chu achang inchu, kaser kha sêr dana bank a naleida sik kae, khana kei kahong pha kata kha asêrthōi leh kahmu sik kae. 28Tûnchu, ahnenga sêr kha losōt una sêr 10,000 kaneipa hneng pesa ruh. 29#Mt 13.12; Mk 4.25; Lk 8.18Ajârchu tu achang inum ṭhahrep akanei kha, akakhea inpeksa sik, ama akatamtak anei sik jo; tâk heite kaneimak kha, anei tete kha kasut sik kae. 30#Mt 8.12; 22.13; Lk 13.28Akahnem mak sōk khachu, vânga khō inthima hlonsōt ruh; khana khan akapenga aha akarôt sik kae.’

A’nchaina Ṭongtan

31 # Mt 16.27; Mt 19.28 “Mihring Sapa kha Reng kapōa marvân ngevahei leh inṭhōia ajōng pha, alen in-ongna chunga in-ong sik, 32khana ahmai kunga jât rakip intûp sik hei. Kemōng kakhem inkhat in kemōng leh kehei aṭhen kapōa, anmani kha rup hnia aṭhen sik hei. 33Ama’n mikadik-hei kha changting ada sik hei khana alak-hei khan veiting ada sik hei. 34Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh. 35Ajârchu kei leikaṭâm enga bu nanpek eng, kei katui leikahrea in sik nanpek eng; khōhme inkhat a kahong enga nanmathlung eng, 36kakarōksaia leika-om enga pōn nanmansi eng; leikana enga nanhong en eng, kurkhum a ankhum enga nanhong phâk enga kae,’ ati. 37Khava pha mikadik-hei khan anmasôn sik, ‘Rōngpu, heitik a mo aleikaṭâm chea bu kantapek che, khan chu natui aleikahrea in sik kantapek che? 38Heitik khan mo khōhme inkhat a akalôn chea kan-inna kanta mathlung che, khan chu nakarōkpet a aleika-om chea pōn kantamansi che? 39Heitik khan mo nanatna kantahmu chea a-emak leh kurkhum a aleika-om chea kantavaphâk che?’ 40Rengpa khan amasôn sik hei, ‘Kadiktak a kahri pek chei kae, hiva ka-innshung mihei kâra akasin pena a’ntei inkhat hneng nanta leitlo kha, kei hneng nantatlo kae!’

41“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh! 42Kei kavon leikaṭâma bu apek mak chei, katui leikahrea in sik aleipek mak chei; 43khōhme inkhat leikachang enga nan-inna amathlung mak chei, karōksaia leika-om enga pōn amansi mak chei; leikana enga khana kurkhum a ka-om enga ahong enmak chei,’ ati hei. 44“Khava pha anmani’n anti, ‘Rōngpu, heitik khan mo navon aleikaṭâm, natui akahre, khōhme aleikachang che, pōn silo che, kurkhum a aleika-om che, khan chu aleikana chea kantaleihmu chea, kantalei razen mak che?’ tia anmasôn sik. 45Rengpa’n amasôn sik hei, ‘Kahri pek chei kae, hihei kâra akasinpen inkhat chunga inthōpui sik akada chei kha, kei inthōpui akada chei kae.’ 46#Dn 12.2Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

Currently Selected:

MATTHEW 25: KOMRBSI

Highlight

Copy