MATTHEW 18

Tu mo Akalenpen?

(Mk 9.33–37; Lk 9.46–48)

1 # Lk 22.24 Khava pha sonlehei kha Jesu hneng kahong heia anleider, “Marvân rengram a tu mo akalenpen sik?”

2Jesu’n naipang inkhat ahnenga abek a anhma aman ngira ahri, 3#Mk 10.15; Lk 18.17“Ka-diktak a kahri pek chei kae, nangni’n nanmalung nanthlenga naipanghei kapōa nanchangmak inchu marvân Rengram kha hlut hêrmak tin chei. 4Marvân Rengram a akalenpen kha abinga a’nsinsak, hiva naipang kapōa aka-omchen mi kha kae. 5Khana tu achang inum kei rahminga hinghiva naipang kapō inkhat inhlâng mi khan kei arahlâng eng kae.

Set Mathlâkna Mathlemna

(Mk 9.42–48; Lk 17.1–2)

6“Tu inkhat in hiva naipang kasinhei taksenna eng kha manhmang sik a atlo’nchu khava mi kha arînga chakri hlung kalen inkhat khit makheia tui-ôngpui shunga hlon manhlut, ama sik a kaṭha jôk sik. 7Mihei taksenna inhmangna sik katlo neinâk-hei, a-om jâra raleichung hi heituk a ṭitpek ka-om jo mo! Khang khavakha kasōk ṭhak sik, tâk mi tlûkna katlo inkhat sik a heituk a ṭitpek ka-om jo mo!

8 # Mt 5.30 “Nakut a-emak leh nake khan nataksenna amanhmang sik achang inchu, tansōt inna hlonsōt roh! Kut 2 leh ke 2 pum a kumleikō hmeikhura hlon manhlut nachang sik kanek a, kut inkhat leh ke inkhat kasea kumsôt hringna nakahlut kha nang sik kaṭha jôk. 9#Mt 5.29Khana nahmit in nataksenna amanhmang sik achang inchu khersōt inna hlonsōt roh! Hmit 2 leh hmeikhura hlon manhlut nachang kanek a hmit inkhat rōk leh kumsôt hringna nakahlut kha nang sik kaṭha jôk.

Kemōng Inhmang Tekâk

(Lk 15.3–7)

10“Hiva naipang kasinhei inkhat hmumasi makna sik insing thei ruh. Kahri pek chei kae anngeva he’n marvâna Kapa hmaikunga ka-om ṭhak hei. 11Ajârchu Mihring Sapa kha a’nhmanghei kahuk a akajōng kae.

12“Mi inkhat in kemōng 100 anei khana inkhat kalôn inhmang jo, khan chu mipa khan heimo atlo sik a nantamandon? Tlâng sira phi kasâk 99 kha adahlon heia akalôn inhmang inkhat kha avajong sik? 13Kahri pek chei kae, a’nhmang kha ahmu pha a’nhmangmak 99 hei kanek a, akalôn inhmang inkhat chunga khan a’npâkna kalen jôk a kae. 14Khava ângphunga hiva naipang kasinhei inkhat a’nhmang sik hi marvâna nanpa khan madu mak a kae.

Setna katlo Sōpuihei

15 # Lk 17.3 “Nasōpui in nachunga setna atlo’nchu se ina aṭhena kha vahri pek roh. Tâk marûk a, bingrōk a tlo roh. Ama’n nahri kha arangei che’nchu, nang in nasōpui kha nasyem manṭhat nôk jo. 16#Dân 19.15Tâk ama’n naṭong kha arangei mak inchu, mi inkhat a-emak leh 2 ṭhōisa roh, ajârchu ṭong intheng in ahri kapōa, ‘masetna rakip sâkhi 2 3 beisō vâng a’ntan sik kae,’ ati. 17Ama’n anmani ṭong kha’m arangei mak inchu, bekrup manthei jo hei roh. Atorna a, ama’n bekrup ṭong kha’m arangei mak inchu, ama kha Pathen inhret mak inkhat a-emak leh ramsêrṭhei ṭōnkatlo inkhat kapōa mandon jo ruh.

Khit leh Masō

18 # Mt 16.19; Jn 20.23 “Khava jâra nankhenga kahri pek chei kae: nangni’n raleichunga nantakhit rakip kha marvâna a’nkhit sik kae. Khana raleichunga nantamasō rakip kha marvâna masō akachang sik kae.

19“Kakhea kahri pek chei kae: raleichunga nangni mi 2-in heikhat der sik chunga inhnōmtōna nannei pha, marvâna kapa’n nangni sik atlopek sik chei. 20Ajârchu karahminga mi 2 3 anhong intûpna hmun a khan ke’m ankâra ka-om eng.”

Rangei Mandam Akapek theimak Sōkpa Tekâk

21 # Lk 17.3,4 Khava sōa Peter Jesu hneng kahonga ader, “Rōngpu, kasōpui in kachunga setna atlo’nchu, vōi heija mo karangei mandam sik? Vōi 7 mo?”

22 # Aph 4.24 Jesu’n amasôn, “Changmak, vōi 7 changmak, tâk vōi 70 kha ve 7 katlung sik kae,#Aph 4.24 23ajârchu marvân Rengram khachu hiva kapō kae. Pha khat a reng inkhat in asōk-hei chunga sêr hisâp tlo sik a aleimadu. 24Ama’n khanga aphut pha, sêr hingja kabat mi inkhat ahnenga anheiṭhōi jo. 25Sōk khan abat kha pekna sik heite neimak jo, khava jâra reng khan ama kha, alômnu, asahei leh anei rakip jōr heia abat kha malena sik ṭong apek jo. 26Sōk khan reng hmaikunga amarkhup athlep a akamuk a, ‘Ahngâk hi roh, ke’n kabat rakip kapek sik che!’ ati. 27Ama sik a rengpa khan malung khamna anei jo, khana abat-hei kha arangei mandama amanse jo.

28“Khava sōa sōk kha kasesōt a asōk changpui inkhat asêr ajing kabatpa kha ahmua asura ahrak akarâk pek a, “Nabat eng kha eipe jo roh,” ati. 29Asōk changpuipa khan inkuna ahnenga ‘Ahngâk hi roh, ke’n kabat che kha kapek sik che!’ tia angek a kae. 30Tâk ama’n hnōmpek mak; khava kanek a abat kha apeksō mak kârseng kurkhum a avathōn manhlut jo. 31Asōk changpui he’n khanga atlo kha anhmu pha, anmalung inrim hêr jo, kase heia omchen kasōk rakip kha rengpa hneng anhri pek jo. 32Khan chu ama’n sōk kha abek manhlut jo. Ama’n, ‘Eh sōk kaṭhamak!’ ati. ‘Nang in nangek eng jâra nabat akhenga karangei mandam jo che kae. 33Ke’n nang kalungset che kapōa, nang inum nasōk changpuipa kha nalungset sik kasōk,’ ati. 34Rengpa kha ahnuk kana hêr joa, ama’n abatseng kha akhenga apeksō mak kârseng kurkhum a karâkna sik a atirsōt jo.”

35Jesu’n ṭongchaina aneia, “Khava kapōa nangni nankâra nansōpui lungria inphut nanrangei mandam mak inchu marvâna ka-Pa’num nangni khang’khan atlo sik chei kae,” ati.

Currently Selected:

MATTHEW 18: KOMRBSI

Highlight

Copy