MATTHEW 16

Ṭōn-inlak Malârna sik Ngekna

(Mk 8.11–13; Lk 12.54–56)

1 # Mt 12.38; Lk 11.16 Jesu hneng akahong Pharisee leh Sadducee ṭhahrep he’n aṭhena sur sik a anleimadu, achang jâra achunga Pathen manṭhatna ka-om ti malârna ṭōn-inlak inkhat amanhmuna sik hei anhongder. 2Tâk Jesu’n amasôn heia, “Khōhlei pha, nangni’n, ‘Khō kaṭha sik ajârchu vânsen kasōk,’ nanti. 3Khana jîngkâr hmatak a, ‘Khō kasûr sik ajârchu vânsen leh sumphai kadup kasōk,’ nanti. Nangni’n marvân nan-ena khōsûr khōṭhat sik nansânsōt tor a kae, tâk hiva phahei sik a mêrchîkna hei khachu malesōt tor mak chei! 4#Mt 12.39; Lk 11.29Tûnlaia mihei hi heituk a akaṭhamak leh Pathen kadonmak jo hei mo! Nangni’n mêrchîkna ṭōn-inlak inkhat malâr sik a nantader eng mo? Changthei mak! Nangni hnenga mêrchîkna ṭōn-inlak inkhat rōk a’npe sik chei khachu Jonah ṭōn-inlak kha kae.”

Khan chu ama’n adahlon heia kase jo.

Phariseehei leh Sadduceehei Che

(Mk 8.14–21)

5Sonlehei khan dîr rekhat ting anhong rakan pha, buhlom rôn sik kha anleimahngi jo. 6#Lk 12.1Jesu’n anhnenga, “Insing thei ruh; Phariseehei leh Sadduceehei chêa inphut inhrung thei ruh,” ati hei.

7Anmani anbinga inbektō heia, “Eini’n buhlom nihei rôn mak jâra hivahi ahri kae,” inti hei.

8Jesu’n anṭong hri kha aleimanhret joa, ader hei, “Buhlom neimak jâra heisa mo nanbinga a’nbek chei? Heituk a taksenna katlôm chei mo! 9#Mt 14.17-21Tûn kapha lamanhret mak chei mo? Buhlom pheng 5 kha mi 5,000 sik a ahar kakhōi kha mandon mak chei mo? Hrai heija mo a’nhlei nanta hrutsōt? 10#Mt 15.34-38Khana mi 4,000 sik a buhlom pheng 7 kha nanmandonsōt mo? Hrai heija mo a’nhlei nanta hrutsōt? 11Ke’n hivahi buhlom chungchânga kahri changmak ti hi heisa mo nantamanhret mak? Phariseehei leh Sadduceehei chea inphut inhrung thei ruh.”

12Khava pha khan anmani’n buhlom chê phina chunga insing thei ruh ati changloa Phariseehei leh Sadduceehei mi mantheina inphut insing thei ruh atina kae ti hi anmanhret joa kae.

Peter in Jesu Aphôngsōt

(Mk 8.27–30; Lk 9.18–21)

13Jesu Caesarea Philippia ramṭhenting kase jo, khana khan asonlehei hneng ader hei, “Mihring Sapa kha mihe’n tu mo kae anti?”

14 # Mt 14.1,2; Mk 6.14,15; Lk 9.7,8 Anmani’n, “Ṭhahrep in Tui Inhlutpa John anti che,” tia anmasôn. “Alak in Elijah khana alak he’n Jeremiah a-emak leh sânkathem alak anti che.”

15Ama’n ader hei, “Nangni’n-e heikhonga? Nangni’n kei hi tu mo nanti eng?”

16 # Jn 6.68,69 Simon Peter in amasôn, “Akahring Pathen Sapa, Messiah che kha kae.”

17Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae. 18Khava jâra Eh Peter, nahnenga kahri kae: nang hlungpui che kae, khana hiva hlungpui innhmun chunga hin ka-Bekrup kasak sik kae, khana thina kapha’n khava chunga ratha nei tor mak ning. 19#Mt 18.18; Jn 20.23Marvân Rengram thirkir kha ke’n nang hneng kapek sik che, khana raleichunga nakhit kha marvân chunga inkhit sik, khana raleichunga namasō kha marvân chunga insō sik.”

20Khan chu ama Messiah achang kha tûte hneng anhrimakna sik asonlehei inhnaktak a amanthei jo hei.

Jesu’n Akhōdengthei sik leh Athi sik Ahri

(Mk 8.31—9.1; Lk 9.22–27)

21Khava pha inphut Jesu’n asonlehei hneng akabei hlam a ahri jo, “Kei Jerusalema kase nger sik eng khana upahei leh thempu kalenhei, Dân oja heia inphut khōdeng katamtak kathei sik. Kei anthat sik eng, tâk ni 3 ning kahringa akathōi nôk sik eng kae.”

22Peter in hmun khat a akeia arasei, “Pathen in ahōt, Rōngpu! Khavakha nachunga sōk hêrmak rasoh.” ati.

23Jesu hong inhea Peter hneng ati, “Seitan, keia inphut sesōt roh! Nang ka’npaina kachang che, ajârchu namandonna kha Pathena inphut changmak, mihringa inphut kae.”

24 # Mt 10.38; Lk 14.27 Khan chu Jesu’n asonlehei hneng ahri, “Tu inkhat in kakahnung ajuihnōm inchu ama abinga a’ndon mak sik, athingrake akadom sik khana ajui sik eng kae. 25#Mt 10.39; Lk 17.33; Jn 12.25Ajârchu tu achang inum ahringkhō hukna sik indu khan amanhmang sik; tâk tu achang inum kei sik jâra ahringkhō inhmang mi khan ahmu sik. 26Mi inkhat in vânhnōi ralei pumpui hi chen sona, arathla amanhmang jo’nchu ama sik a heimo ahnemna aka-om? Heite om mak! Rathla inhmang kha chenmale nôkna sik a apektor heite om mak. 27#Mt 25.31; Hl 62.12; Ro 2.6Ajârchu Mihring Sapa kha Apa lûrna leh inṭhōia marvân ngevahei leh akajōng sik kae, khava pha mi rakip anṭōntlo dungjui et a tloman apek sik hei. 28Kadiktak a kahri pek chei kae Mihring Sapa kha Reng inkhat a ajōng ṭum anhmumak kârseng akathimak sik ṭhahrep hinahin ka-om hei.”

Currently Selected:

MATTHEW 16: KOMRBSI

Highlight

Copy