MATTHEW 15
15
Pu leh Pahei Mantheina
(Mk 7.1–13)
1Khava sōa Jerusalema inphut Phariseehei leh Dân ojahei Jesu hneng kahong heia, 2“Nasonle he’n nipa-nipuhei mansena chônngai kha heisa mo antajui mak? Ajârchu anmani ansâk hma ankut sôpmak hei!” anti.
3Jesu’n amasôn hei, “Nangni’n Pathen ṭongpek kha heisa mo nanta juimak a nanbinga mansena chu nantajui? 4#Sōk 20.12; Dân 5.16; Sōk 21.17; Lev 20.9Ajârchu Pathen in, ‘Nannu nanpa kaja ruh, tu achang inum anu a-emak leh apa kahri inset mi kha that nger sik kae.’ 5Tâk nangni mi mantheina chu, tu achang inum apa leh anu hnenga inthōpuina thei neinâk heikhat anei kha, ‘Hi Pathen tâ jo kae,’ ati’nchu, 6ama’n apa hnenga lumloa pekna sik rangei mak jo,’ nanti. Khang’khan nangni mi mantheina kha juitheina sik a Pathen ṭongpek khachu donmak jo chei. 7Nangni a’nṭhat hlemsak-hei! Isaiah khan nangni chungchânga aleisânsōt kha heituk a akadik jo mo!
8 #
Is 29.13
Pathen in, ‘Hiva mihei hin anbei vâng rōk ankaja eng,
tâk anmalung chu keia inphut kahlatak a ka-om.
9Antakamuk eng hi anmani sik a ahnemna om mak,
ajârchu anmani’n mihring dân kha kei dân kapōtak a mi anmanthei heia kae!’”
Mihring Amantheng mak Neinâk-hei
(Mk 7.14–23)
10Khana Jesu’n mipuihei kha ahnenga abek heia ahri, “Rangei-una manhret ruh! 11Beia kahlut heikhat khan mi kha beklanga amantheng mak changmak; beia inphut ahei kasōk jôk khan mi kha amantheng mak kae.”
12Khava sōa asonlehei kha ahnenga kahong heia, “Naṭong hri khan Phariseehei malung atôn jo so, namanhret mo?” anhongti.
13Jesu’n amasôn hei, “Marvâna kapa talingmak thingkung rakip kha phoisōt sik kae. 14#Lk 6.39Anmani chunga nanmalung manrim mak ruh! Anmani hmitkachohei hi hmitkachohei hlamkakeihei kae; hmitkacho inkhat in hmitkacho inkhat hlam akei inchu, an-inhnibât a khur kōk a akatla sik hei kae.”
15Peter in, “Tekâk kha kanhnenga ahri manchên pek roh,” tia kaṭongsōt.
16Jesu’n anhnenga ahri, “Nang tûn kapha alak-hei kanek a lasing detmak che. 17Manhret mak che mo? Hei-achanga mi inkhat beia akahlut kha avona katlung, khan chu ataksa inphut kasōksōt a kae. 18#Mt 12.34Tâk beia inphut ahong kasōk khachu lungria inphut ahong kasōk kae, khahei khan mi inkhat beklanga amantheng mak kae. 19Ajârchu alungria inphut lungthim kaṭhamak, mi thatna, jôngna, khana ṭhatmak omchen tlona, inruna, maleisei, mi hrimasetna hei hi ahong kasōk kae. 20Hihei seng hin mi amantheng mak kae. Tâk anmani’n antahri, nankut sôp loa sâkna hin mi amantheng mak changmak a kae.”
Nupuinu Taksen
(Mk 7.24–30)
21Jesu’n khava hmun kha adahlona Tyre leh Sidon ramṭhenting kase jo. 22Khava ramṭhen tinga inphut a Canaan nupui inkhat kahong. “David Sapa”, tia ka-ông. “Alungset roh, Apu! Kasanu ṭai inkhat arôna anat inrek hêr jo,” ati.
23Tâk Jesu’n amanu kha heite masôn mak. Asonlehei kahong heia ngekna annei, “Amanu hi tirsōt jo roh! Nikahnung ajui mea rahnak a kapeng jo.” anhongti.
24Khava sōa Jesu’n amasôn hei, “Kei Israel mihei kemōng inhmanghei rōk hnenga ajōng-intir eng kae.”
25Khava pha amanu kha kahonga akekunga hong-inkuna, “Apu, a’nthōpui roh!” ati.
26Jesu’n amasôn, “Naipanghei bu kha loa uihei hneng hlon sik kha akadik changmak.”
27Amanu’n, “Kadik, Apu, kha’num ankapuhei dokhânga inphut akatla a’nhleihei kha uihei kapha’num ansâk a kae,” ati.
28Khan chu Jesu’n amanu amasôn, “Taksenna kalen nuhmei che kae! Namadu kha tlopek sik che kae.” Khava phatak a khan asanu kha kadam jo.
Jesu’n Mi katamtak Amandam hei
29Jesu’n khava hmun kha adahlona Galilee dîr vena kase jo. Ama hmebung inkhat a kakea in-ong jo. 30Mipui katamtak ahnenga kahong hei, kut kangōi, hmitkacho, ke inkhôi, akaṭong theimak khana akadam mak ralak katamtak, akekunga anhong da hei; khana ama’n amandam hei. 31Mipuihei khan, akaṭong theimak akaṭongthei, lang kangōi akadam, ke inkhôi akalôn, khana hmitkacho’n khō ahmu hei kha anhmu pha andet-hla jo; anmani’n Israel Pathen kha anleichoi manshâng jo.
Jesu’n Mipui Hlopkhat Avei nôk hei
(Mk 8.1–10)
32Jesu’n asonlehei ahnenga abek heia ati, “Hiva mipuihei sik a kamalung kachâmpek hei, ajârchu anmani ni 3 heite sâk loa kei leh ka-omsap jo ung. Heite mansâk loa tirsōt hnōm mak hei eng, akinchu an-inn jōnna hlamhri invōi sik hei.”
33Sonlehei khan ahnenga anti, “Mipui hingtuk katam hei veina sik buhlom nêrdiram thōia hin khon mo nivalo sik.”
34Jesu’n ader hei, “Buhlom heija mo nantanei?”
Anmani’n, “Buhlom 7 leh ngate ajing,” tia anmasôn.
35Khan chu Jesu’n mipuihei raleia ani’n-ongna sik ṭong apek jo hei. 36Ama’n buhlom 7 leh nga kha aloa Pathen manpâkna aneia, har akhōia asonlehei apek jo hei; asonlehei khan mipuihei kha ansempek jo hei. 37Ankhenga ansâk a kakhop et hei. Khana a’nhlei ahar-ahak kha asonle he’n hrai 7 kasip anhrutsōt a kae. 38Akasaseng pase, nuhmei naipang tei loa, 4,000 hei kae.
39Khava sōa Jesu’n mipuihei kha atirsōt jo hei, ama rakōng inkhat a kahlut a Magadan ramting kase jo.
Currently Selected:
MATTHEW 15: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
