LUKE ṬONGHLAMSÂT
ṬONGHLAMSÂT
Luke Tamazet Ṭong kaṭha hin Jesu hi Israelhei kahuk inhringpa khana mihring rakip sik a intepna huksōtpa kha kae ati. Luke in Jesu hi “Sarahei hneng ṭong kaṭha kahri sik a” (4.18), Pathen Rathla’n abek kae ati. Khana hiva Ṭong kaṭha hi mihringhei lum lona leh rangeina vânga kasip a kae. Luke a hin inpâkna ṭong hi apui inkhat a inhri, khava khachu aphutna arup heia Jesu kajōng sik tia inphôngsōt, khana vōi khat nôk in, achaina langting Jesu marvân aketouna sik inhri nôk. Sonlehei Ṭōntlo lekha a hiva inzetpa mama hin Jesu marvân akesō kahnunga Christianhei taksenna ankhangje khana anhri manthangna thuhminghei amazet.
Hiva shunga ṭhen hni ka-om (arup 1–2 leh 9–19) hiva Ṭong kaṭha shung rōk a aka-om hei khachu marvân ngevahei hlasak, kemōng kakhem he’n Jesu intelai anhong enna, Jesu naipang changlai Bek-inna avasena, khana Samaria mipa khan chu Sapa Katlânpa ṭonghlem thuhminghei hi inzet. Hiva Ṭong kaṭha shunga hin derna, Rathla Intheng, Jesu ṭōn tlolai nuhmeihei ṭōntlo, khana Pathen in set arangei mandamna chungchânga ahri manhnak a kae.
Lekha hi Luke tamazet kae tia kahnōm et hei. Luke hi Jât-hlop kae; Jât-hlop hei kâra ṭong kaṭha inzet hi ama rōk kae. Ama hin Sonlehei Ṭōntlohei kha’m aleimazetsa. Antioch khōa mi kae tia akalo mi ka-om hei. Sonle Paul khōhme sepuilele mi inkhat kae. Paul in Rome a kurkhum a aleiomna katlunga alei thōnsa (Ṭōn 28:30,31).
Sonlehei Ṭōntlohei kha Paul in Romea aleiomna (A.D. 60 – 62) kha aleichai jo jâra Luke hichu khava mak hma, A.D. 60 – 61 shunga aleimazetsa jo kachang sik tia taksen kae.
Aka-om seng
Ṭonghlamsât 1.1–4
Jesu khana Tui Inhlutpa John intet leh naipang changlai 1.5–2.52
Tui Inhlutpa John ṭōn 3.1–20
Jesu Tuihlut khana mathlemna 3.21–4.13
Galileea Jesu mipui kâra ṭōn atlona 4.14–9.50
Galileea inphut Jerusalem katlung 9.51–19.27
Jerusalem leh ahneng vena achaina kanive 19.28–23.56
Thōi nôkna, a’nlârna, khana Rōngpu marvân aketou 24.1–53
Currently Selected:
LUKE ṬONGHLAMSÂT: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.