MARK 16

Thōi nôkna

(Mt 28.1–8; Lk 24.1–12; Jn 10.1–10)

1Châmhngat kani athlengsōa, Mary Magdalene leh James nu Mary khana Salome he’n Jesu thlâna Jesu kalōng kanona sik a marim katui anlei rachôk a kae. 2Pathen kani ning jîngkâr hmatak a kani ahong sōk pha anmani thlânting leikase hei. 3-4Anmani hlamdunga ansena khat leh khat inbe heia, “Thlânkot a hlung kha tu’n mo amakhōnsōt pek sik me?” anti. (Khavakha hlung kalentak inkhat kae.) Khava sōa anmani’n an-en pha hlung kha ale’nhlik inlet anhmu jo. 5Khan chu thlân shunga kahlut heia, pōn kabang kachek-hlak kasi rether inkhat changting panga a’n-ong anleihmu, inhmakban jo hei.

6“Ama’n anhnenga ati, “Inhmak mak ruh; nangni’n Nazareth Jesu, thingrakea antamakhei hlon kha nantajong ke’n kamanhret. Ama kathōi jo, hin om mak jo! Enruh, anmanjena kha hi kae. 7Tûntak se una hiva ṭong hi asonlehei hneng leh Peter hneng hinga: ‘Ama Galileeting nanhma leikase jo; nanhnenga aleihrisa kapōa sova hmun a nangni’n nanvahmu sik,’ vati ruh.”#Mt 26.32; Mk 14.28

8Anmani kasōk heia thlâna inphut katlân jo hei; ṭitna leh ratha innokna kasip jo hei. Anmani kaṭi jo heia tûte hneng heite hrimak jo heia kae.

ṬONG KAṬHA SHUNGA ṬONG MARŌ CHAINA

Jesu Mary Magdalene Hnenga A’nlâr

(Mt 28.9–10; Jn 20.11–18)

9Jesu thina inphut athōisōt kahnunga, Pathen kani ning hmatak a Mary Magdalene, ashunga inphut ṭai 7 ahnong sōt peknu hneng hmakakei pena inlâra kae. 10Amanu kasea ale’nṭhōipui aloihei hneng aleihri pek hei. Anmani ṭajai ansuia leikaṭap hei; 11khana nuhmeinu khan Jesu kathōi ahmua ahri pek hei kha anthei pha anmani’n leitaksen mak hei.

Jesu Sonle Inhnihei Hneng A’nlâr

(Lk 24.13–35)

12Hivasōa ankâra 2 hei hneng ankhō kajōna hlam a anselai ahlopdet a le’nlâra kae. 13Anmani inle heia alak-hei hneng anvamanthei hei, tâk anmani’n leitaksen mak hei.

Jesu 11 hei Hneng A’nlâr

(Mt 28.16–20; Lk 24.36–49; Jn 20.19–23; Ṭōn 1.6–8)

14Hnungpena, sonle11 hei bu ansâklai le’nlâra kae. Anmani aleirasei hei, ajârchu anmani taksenna neimak hei khana anmalung kasak hêr, ama akahringsōt kahmuhei ṭong kha taksen tor mak hei. 15Jesu’n anhnenga ahri, “Vânhnōi raleia se ruh khana mihring rakip hneng ṭong kaṭha hi vahri ruh.#Ṭōn 1.8 16Tu achang inum akataksena tui kahlut mi kha hukmanhring kachang sik; tu achang inum akataksenmak mi kha maset achen sik. 17Khana akataksenhei kha hiva ṭōn-inlak tlona ratha a’npe sik hei kae: karahminga ṭaihei anhnongsōt sik; ṭonghlop a kaṭong sik hei; 18marihei ansura khana tûr an-in inum heite timak hei ning; mi kanahei chunga ankut anda sik khana khahei kha kadam sik hei.”

Jesu Marvâna Keimankea A-om

(Lk 24.50–53; Ṭōn 1.9–11)

19Rōngpu Jesu’n anmani hneng ṭong ahrisō pha, marvânting kake jo khana Pathen kut changting in-ong jo.#Ṭōn 1.9-11 20Sonlehei kha kase heia hmun rakip a ṭong kaṭha anhrile jo, khana Rōngpu’n ṭōn atlopui heia ṭōn-inlak antlosōtna vâng khan anṭong hri kha kadik tia amalârpek hei.

AHLOP AMARŌ INCHAINA

9Nuhmeihei kha Peter leh aṭhōnhei hneng kase heia anhnenga ale’nhri seng kha akabei hlam a anvamanthei hei. 10Hivasōa, kumleikōa hringna a’ntheng leh akahring ṭhak hukmanhringna ṭongsem kha Jesu khet in asonle heia inphut, nisōa inphut tlaitlâk katlung aleitirsōt jo.

Currently Selected:

MARK 16: KOMRBSI

Highlight

Copy