LOBMUNG 48
48
1Subraiyung wng kha kotor, chini Kaitorni kamiyungo
bini kwthar hathái-o bo belai khe lobjago,
2 #
Mat 5.35. naithok ha swngchar gwnangwi bororokni tongthokmung
salsibai-o Siyon hathái bugra kotorni kamiyung.
3Kaitor sakphang se aroni nok kuchuk katijaknai nok kwrak.
4Hakhe bugrarok kuthum lai kha,
bórok pal khe phai lai kha.
5Bórok abono nuk kheno, bórok uanajak lai kha;
bórok sundru lai kha hakhe khár bai kha;
6bórok aro kirijak lai kha,
sak kengna phuru bwrwi ok sajak tẃi khe sajak kha.
7Salkabaini nokbar kotor Tarsisni rungkotorno
kobon rw tẃi khe kobon rw kha.
8Chwng khnama haino suarirokni Subraiyungni kamiyungno nuk kha,
chini Kaitorni kamiyungno,
Kaitor abono mol brúmni bagwi tisa-o. Sela
9Chwng nini noktharo
nini pái phlai ya hamjakmano kaichomwi uansuk lai kha.
10O Kaitor nini mung le chúkjakba
swngcharni páithak jora nwng lobjaknai.
Nini yagra yak kwplai bai kupulung.
11Siyon hathái bwkha srang thung,
nini bujrokni bagwi Judiani kamiyungrok tongthok thung.
12Siyono himgurungwi nai di, aro ayang uyang himwi aro
nok kuchuk khung bwswk naiwi nai di,
13bini kwrak chokdeualno mokol kai di;
aroni nok kwrak tongmarok tẃi himwi tháng di,
hakhe nwng nini ulni bosongrokno saui khna rwui man anw;
14tamni hwn ba bo se Kaitor, mol brúmni bagwi bo se Kaitor,
bo mol brúmni bagwi chini tẃithernai wngnai.
Rangchak-ríchago bwkha beraui butua wngmani
Kurani bwsarokni lobmung
Currently Selected:
LOBMUNG 48: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
