LOBMUNG 47
47
1O bebak bororok yapha khorop lai di;
Kaitorni thani khorang kotor khe tongthokma rwchapmungrok rwchap di.
2Tamoni hwn ba Subraiyung se kotor kuk tei bo wng kha kirimasingcha,
bo se swngchar gwnangwini bugra kotor.
3Bo hani dopharokno mechen rwui chini yapha-o rw kha
tei bórokno chini yakung yaphango khiklai kha.
4Bo chini bagwi manthai chongwi tono,
abo bo hamjakmani borok Jakobni kung chukmung. Sela
5Khorang kotor khlaiwi Kaitor kuchugo kasa kha,
Subraiyung totroni khorang bai khe kuchugo kasa kha.
6Kaitorno lobwi rwchap di, lobwi rwchap di;
chini Bugrano lobwi rwchap di, lobwi rwchap di.
7Tamoni hwn ba Kaitor wng kha ha gwnangwini bugra;
bono lobmung bai khe lobwi rwchap di.
8Kaitor se dopharokni bubagra wngwi tongo;
Kaitor bini achukthayung kwtharo achukjak.
9Lukurokni naikolphang bokhorokrok
Abrahamni Kaitorni bororok kuthum lai tẃi khe kuthum lai kha.
Tamoni hwn ba swngcharni phuirokni bubagra khe Kaitor se;
bo bebakni slái kuchuk.
Siyon, Kaitorni kamiyung
Kurani bwsarokni lobmung rwchapmung
Currently Selected:
LOBMUNG 47: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
