LOBMUNG 46
46
1Kaitor wng kha chini tongthai tei phan,
digi-sigi phuru chubanaisa.
2Swngchar sláijagwi tháng phano eba hatháirok ninangwi
twijlango khitarjagwi tháng phano chwng kiri glak;
3twirok kutuksaui tei twi khamchwi persaui phai phano,
hatháirok khorang kotor khe jangrijagwi phano se phai thung. Sela
4Twima kaisa tongo, a twisarok Kaitorni kamiyungno tongthok rw-o,
kwplai kukni a tongthai kwtharno tongthok rw-o.
5Kaitor a kamiyungo tongo;
abo ninang glak; Kaitor bono phung aiprom-poromo chubanai.
6Dopharok sotonwi sokrom lai kha,
harok phindrik phandrak cha bai kha;
bo bini kók sa khe ha geleui tháng kha.
7Phan gwnang Subraiyung chwng bai tongo;
Jakobni Kaitor se chini tongthai kwrak. Sela
8Phai di, Subraiyungni samungrokno nai phai di;
ha-o bo bwswk sokomormung tubu nai phai di.
9Bo swngcharni páithak jorani choba mwthak kha;
bo badukhungno swbai-o, olongano bokocho bokocho
khe sachu-ui pái-o;
bo phuirokno hór bai sógwi pái-o.
10“Kwchang kwchang wng di tei ang se Kaitor saui man di!
ang dopharokni bisingo kuchugo lobsajago,
o swngcharo ang lobsajago.”
11Suarirokni Subraiyung chini bisingo se;
Jakobni Kaitor se chini tongthai kwrak. Sela
Bubagrayung
Rwchapmung tẃithernaini bagwi Kurani bwsarokni rwchapmung
Currently Selected:
LOBMUNG 46: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
