LOBMUNG 45
45
1Ani bwkha uansukmung kaham bai pungsajak;
bugrano ang ani kóktangrokno sa anw;
ani bwslai kodo khe swinaini swikong hai.
2Nwng bororokni bisingo naithok kuk;
nini khukni khairokma yoro; aboni bagwi
Kaitor nono mol brúmni bagwi hamari rw kha.
3O phankraksa, nini sengno bwchango kha di,
nini chẃngsacha tei phan gwnang.
4Kwplai wngwi nwng malkhungo khe kasaui phai-o
buj sóini bagwi nwng kubuino mwthangwi tono;
nini yagra yak nini kirimasingcha samung khlaimarokno phrwng thung.
5Habugrano kebengnai arirokni thani nini chakhlarok kwpláma wngsa kha;
lukurok nini yakungo klai-o.
6 #
Hib 1.8-9. O Kaitor nini achukthai mol brúmno tongo.
Nini dagijaknai raidang le bujsói khlainai raidang se;
7nwng borok kahamno hamjago phiya hamyano khe selengjago.
Aboni bagwi Kaitor nini Kaitor nono nini tei palrokni slái nono tongthokni thok bai chong kha;
8nini bebak kanmung chummung mur belengtwi,
aloi tei darchini báhai.
Mayung buani noyungrogo buduk gwnang tammungrokni khorangrok bwkha srang rw-o;
9nini hik kotoirokni bisingo habugrarokni bwsajwkrok;
nini yagra bwkhak Isiri Ophirni rangchak kanwi bachajak.
10Sajwkrok, khna di, nai di, khunju kai di;
nini sakni bororokno pok di tei nwphani noknobo pok di,
11habugra nini naithokmano bwkha phurjaknai.
Tamoni hwn ba bo se nini bugra,
nwng bono khulum di;
12Turni bororok hili yapharwi nwng bai mokol kaijakna
muchungwi phainai,
gwnangrok suda nini thani
13podrepot rangchak-ríchak tubu-ui phai anw.
Ha bugrani bwsajwksong rangchak khopjak rírok chumjak khlaiwi
bórokni khotolo naisingwi tongo;
14metreng-matrang rí naithok chumjak khe bo habugrani aro tlangjaknai;
bini utung utung khe bini áyajwkrok rwkthar laijak.
15Bórok khápang srangwi tongthokma bai bwtang khlaiwi him rwui habugrani noyungo habo.
16Nwphasongni sak slái-o nini bwsarok habugra wngnai;
nwng bórokno ha gwnangwini naikolphang khlainai.
17Ang nini mungno bosong kusung kusung muitu khlai rw anw;
aboni bagwi bororok mol brúm brúm nono lobnai.
Kaitor chwng bai tongo
Rwchapmung tẃithernaini bagwi Kurani bwsarokni rwchapmung, khorang kuchuk khe rwchapjaknai
Currently Selected:
LOBMUNG 45: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
