LOBMUNG 41
41
1Kwrwirokni bagwi uansuknai borok bono hamchajak;
Subraiyung, digi-sigini salo bórokno phiyóknai.
2Subraiyung bono kati rwui tonnai tei kwthang tonnai;
bórok ha-o tongthogwi tongnai hwnwi sinijaknai.
Nwng bórokno bórokni kebengnai arirokni yapha-o yakarwi rw glak.
3Bórok thongaro klai tong phuru Subraiyung bini pekam naiwi ham rwnai;
bo hamya klai tong phuru nwng bini hamyarokno ham rw-o.
4Ang hai hwnwi sa kha, “Subraiyung, ano khairok ja di;
ano ham rw ja di;
tamni hwn ba ang nono kebengwi sumsok khlai kha.”
5Ani kebengnai arirok ano, “Bo buphuru gaijanai kha?
buphuru bini mung komornai kha?” hwnwi sa lai-o.
6Bórok ano naina phai khe bórok kók chúk yarok sa lai-o,
tei bórokni bwkha-o hamya se uansuk lai-o;
phataro thángwi bórok buino uai-uai sa-o.
7Ano naislernairok ani bagwi phupui-phaphai sa lai-o;
bórok ani bagwi katswi hamya khlaina uansuk lai-o.
8“Bo bemuk hamya manjak kha;
#
Mat 26.23; Mar 14.18; Luk 22.21; Joh 13.18. bo tei hamwi bachaui man glak kha” hwnwi sa lai-o.
9Ani kháni kiching, ang bwkha beramani borok,
ani mai chánairok se ano yakorai har kha.
10Tamo khe o Subraiyung, nwng ano khairok ja di,
tei tisa ja di, hakhe ang bórokno yagul su-ui man anw.
11Tamo khe ang kók khnaui tongmani bagwi nwng ano mwthangwi ton kha,
tei nwng ano nini bwskango mol brúm brúmni bagwi ton kha.
12Ani hama bai nwng ano romwi ton kha tei mol
brúmni bagwi nini bwskango ton phai kha.
13 #
Lob 106.48. Kusung kusung Israilni Kaitor,
Subraiyung hamchajak khe tong thung.
Amen tei Amen.
BIJAP KAINWI
(Lob 42—72)
Kubun ha-o khaui tlangjaknaini surimung
Rwchapmung tẃithernaini bagwi Kurani bwslasongni Moskil
Currently Selected:
LOBMUNG 41: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
