LOBMUNG 36
36
1 #
Rum 3.18. Borok hamyani bwkha bisingo hamya kók sa-o;
bini mokolrogobo Kaitorno kirima kwrwi.
2Bo bini sakni mokolno nuk ya khe tongwi
bini cha yarokno nugwi seleng ya wngo.
3Bini khukni kókrok hamya tei bandina máng;
bo kaham bai samung kaham khlainani lon ya.
4Bo bini thuyamo tongwi buini hamya khlaina uansugo;
bo lama hamya-o bacha-o;
bo samung hamyano seleng ya.
Kaitorni hammung
5O Subraiyung, nini pái phlai ya hamjakma nokha kupulung,
tei nini kók narwkmung chumuirogo khu-ui-o.
6Nini hamma le hathái kotor hai,
nini bujsói belai kuthuk; nwng se bororokno tei
mal-matarokno mwthangwi tono, o Subraiyung.
7O Kaitor, nini hamjagwi khairokma bwswk se kaham!
Aboni bagwino bebak bororok nini kangkhungni
saklomo tongthai mano.
8Bo nini nokni chámung kupulung bai bo chámung ter khlai-o,
nini bwkha kochom rwnai twisani twino nwng bono khano.
9Nini thani se mwthangmani twimuk tongo;
nini pohor bai se chwng nugo.
10Nono hamjaknairokno nwng cho yaui pái phlai ya
hamjakma bai hamjagwi tong di
tei borok bwkha sutrangrokno mwthangwi ton di!
11Kung chuknairokni yakung ani thani ta kw lái thung,
eba borok hamyarokni yakbo ano ta nor thung.
12Samung hamya tangnairok botok khe klai kha;
bo búpháiwi khiklai rwjak kha,
tei bacha phirwi man li ya.
Borok kaham tei borok hamyarokni manthai
Daudni rwchapmung
Currently Selected:
LOBMUNG 36: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
