LOBMUNG 33
33
Kaitorno baju-ui rwchapmani
1O tongmung kaham tongnai
bororok Subraiyungo tongthok di.
Tongmung kaham tongnairok lobwi mwchango.
2Subraiyungno chongpreng bai lob di;
buduk twngchi gwnang tamjaknai bai tamwi rwchap di.
3Bini thani rwchapmung kwtal rwchap di;
khorang kotor khe khnathok rwui tam di.
4Tamoni hwn ba Subraiyungni kók le kubui,
tei bini bebak samungrok bwkha beraui manna tẃi khlaijago.
5Bo tongmung kaham tongnairokno tei buj gwnangrokno hamjago;
ha gwnangwi Subraiyungni hamjakmung bai kupulung.
6Nokharok Subraiyungni kók bai snamjago,
bini hama bai khe bebak bini sengkrakrok wngo.
7Bo twijlangrokni twirokno kwrẃngsa khe twi tilogo
da tẃi khe thumwi da-o;
bo twi kuthukrokno tonjaknai-o rúngwi tono.
8Ha gwnangwi Subraiyungno kiri thung; ha gwnangwi
tongnairok bebakno bono kiriui bacha thung.
9Bo khúk bai sa kha tei ahai’-no wng kha;
tei bo sa kheno wngwi bacha kha.
10Subraiyung dopharok chap laimano sukrugwi rw-o;
lukurok chong laimano samung chúk ya khlai rw-o.
11Subraiyungni chapma mol brúmno tong phlai-o,
bini uansukma kusung kusungo tongo.
12Subraiyungno Kaitor hwnnai a dopharok’-no hamchajak,
bini bosong wngna hwnwi chongnairok’-no hamchajak.
13Subraiyung chuknoha-o tongwi naikhlai-o;
bo bebak borokno naiwi tongo.
14Bini tongthaini simi bo ha saka tongnairok
bebakno’-no naikhlaiwi tongo,
15bo se bórokni bwkharokno tago,
tei bórokni samungrokno naichomwi tongo.
16Habugra khoroksa phano bini kwbángma sengkrakrok
bai khe kati rwjagwi tongwi man ya,
khoroksa phan gwnangbo bini phan bai bono phiyógwi man ya.
17Chobani korai bai kwplai wngna khatungwi tongma bo chúk ya,
tei bini phankrak bai khe mwthangjagwi man ya.
18Au, Subraiyung bono kirinairokno naiwi tongo,
bini pái phlai ya hamjakmungo khatungnairokno
19bórokno thwimani yakni phiyókna bagwi bok nang phuru
mwthangna bagwi bo naikhlaiwi tongo.
20Chini langma Subraiyungno naisingwi tongo;
bo se chini chubachu tei phui.
21Chini bwkha bini aro tongthogo,
tamni hwn ba chwng bini mung kwtharo bwkha bera kha.
22O Subraiyung nini pái phlai ya hamjakma chini thani tong thung,
nini thani se chini khatungma le.
Kaitorni kahamno lobwi rwchapmani
Daud Abimelekni aroni rwkhlai rohorjakna bagwi kobor hai khe tong khe bo rwkhlai rohorjak kha
Currently Selected:
LOBMUNG 33: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
