LOBMUNG 32
32
1 #
Rum 4.7-8. Sumsok nakarjaknai borokrok hamchajak;
bórokni bebak sumsokrok kholopjagwi pái kha.
2Subraiyung bai samung hamyarokni majrarok
kwrwi kha hwnwi sa khlaijaknairok khakchangjak,
bórokni bwkha-o bandimung kwrwi.
3Ang siring siring tong phuru ani mang sapung kengaiwi máng belwi tháng kha.
4Tamoni hwn ba hor-sal nini yak ani saka-o hiligwi tongmani;
ani phan sachlang jorani tungphlama bai ransa tẃi khe ransa kha. Sela
5Hakhe ang nini thani ani sumsokno gosi kha,
tei ani samung hamyanobo huiwi ton li ya;
Ang hai hwnwi sa kha, “Ang Subraiyungni thani ani cha yano gosinai,”
hakhe nwng ani cha ya sumsokno nakar kha. Sela
6Aboni bagwi joto kók narwknairok
nini thani suri thung;
birman nangwi phai phuru
twi kotor lomsaui phaimani abo
bini thani sók phai glak.
7Nwng se ani huijak thai;
nwng ano birman nang phuru kati rwui tono;
nwng phiyókmungni rwchapmung bai ano
kitingwi tono. Sela
8Ang nono phrwngnai tei
nini himna lamano phunuknai; ang mokol kaiwi nono tẃinai.
9Korai eba korai chirka hai buj kwrwi ta wng di,
bórokni thamchino jing eba sorduk bai se
buj ma khlai-o, ahai ya khe bo nini samo tong glak.
10Borok hamyarok kwbángma hamya manjago phiya ba
Subraiyungni thani bwkha beranairokno khe
pái phlai ya hamjakmung kitingwi tono.
11O borok kahamrok Subraiyungno tẃiwi
bwkha srang di tei tongthok di,
o bwkha sutrangrok norok tongthogwi chirik lai di.
Currently Selected:
LOBMUNG 32: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
