LOBMUNG 30
30
1O Subraiyung nwng ani pholano
thwiwi hakhoro ma klainairok hai khe ma klainani yakni phiyók kha.
2O Subraiyung ani Kaitor,
nini thani ang kabwi san khe
nwng ano ham rw kha.
3O Subraiyung nwng ani pholano kwthwini mwthangwi tisa kha, mwthangwi tisa kha,
thwiwi hakhoro#30.3: hakhoro: Kwthwirokni ha (6.5. no nai di). ma klainairokni bisingni nwng ano mwthang kha.
4O Subraiyungni kók khnaui tongnairok bono lobwi rwchap di,
bini mung kwtharno hambai rw di.
5Tamoni hwn ba bini jolima srapsa se;
bini hamjakma le langma tongsakni bagwi.
Hopung ma kap phano, phung ai khe tongthokma phai-o.
6Gwnang wngwi tong phuru ang hai hwnwi sa ka,
“Ang uáisabo ninang glak.”
7Subraiyung nini khairokma bai’-no nwng ano hathái hai kwrak khe bacha rw kha;
nwng mwkhang hui khe ang
bwkha báijak kha.
8O Subraiyung nini thani’-no ang kap kha,
tei o Subraiyung ang nini thani’-no koija kha:
9“Ang thwiwi hakhoro tháng khe ang tamo manma tongnai?
Hadlwirok da nono lobnai?
Abo da nini kubuino sanai?
10O Subraiyung khna di, ano khairok di!
Subraiyung ani chubanai wng di!”
11Ang swlwgwi ma tongmani se nwng ano tongthogwi mwsa rw kha;
ani rí kichik khengwi
tongthokmungno chum rw kha,
12siring siring tong yaui tamo khe ang nono bwkha bai lobwi tongwi manna tẃi khe nwng abo hai khlai kha.
O Subraiyung ani Kaitor,
ang nono hambai rwui tong phlainai.
Kaitorno bwkha beraui surimani
Rwchapmung twithernaini bagwi: Daudni rwchapmung
Currently Selected:
LOBMUNG 30: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
