LOBMUNG 29
29
1 #
Lob 96.7-9. O chukhani phankrakrok Subraiyungno baju di,
Subraiyungni chẃngsacha kwtharno tẃi baju di.
2Subraiyungni mungni chẃngsachano baju di;
bini kwthar naithokma bai khe Subraiyungno khulum di.
3Twi saka-o Subraiyungni khorang;
chẃngsacha Subraiyung phirangrok kogo,
twi kwbángma saka-o Subraiyung phirang kogo.
4Subraiyungni khorang le phan gwnang;
Subraiyung khorang suar bai kupulung.
5Subraiyungni khorang sidar buphangrok swbai-o;
Subraiyung Lebanonni sidarphangrok swbai-o.
6Bo bórokno dega bwsa hai khe bathrong bársa rw-o,
Sirionno mothwna bwsa hai khe bahar rw-o
7Subraiyungni khorang hórjlai bacha rw-o.
8Subraiyungni khorang hasinglwngno jangri-o;
Subraiyung Kadesni hasinglwngno jangri-o.
9Subraiyungni khorang bai mwswi bwrwirokno bwsa bá rw-o,
tei bolongrokni bwlái bai bedek kwrai thángo;
bini noktharrok bebakno bono “Chẃngsacha!” hwnwi sa-o.
10Subraiyung twi kotoro achugwi tongo;
Subraiyung mol brúmni bagwi bugra wngwi achukjak.
11Subraiyung bini bororokno phan rw thung!
Subraiyung bini bororokno bwkha kwchang rwui hamari rw thung!
Hambai rwui surimani
Noktharno yaphar phuru Daudni rwchapmung
Currently Selected:
LOBMUNG 29: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
