LOBMUNG 28
28
1O Subraiyung ang nono ringo; ani holongthai,
ani sanmano khna ya wngwi ta tong ja di,
nwng siring siring tong khe ang
hakhoro thángnairok hai wngo.
2Ani koiwi sanmani khorangno khna ja di,
ang kabwi nini thani chubamung sano,
ang ani yakrokno nini háyá kwthar bwkhak suhorwi tisa ja-o.
3Borok hamya bai samung hamya
tangnairok bai baksa ano ta sopre di,
bórok bórokni nok arirok bai kiching halokni kók
sa lai-o, aile bórokni bwkha-o khe hamya chapmarok máng se.
4 #
Phu 22.12. Bórokno bórokni samung tangma tẃi’-no tei tongmung
sitra tongma tẃi’-no bórokno manjak rw di;
bórokni yak bai samung tangma tẃi’-no bórokno manjak rw di,
bórokni hamya bórokni saka-ono klai rw di.
5Tamoni hwn ba bórok Subraiyungni samungno tei bini yakni samungrokno gwnda khlai ya,
bo bórokno swbai bainai tei tisa glak.
6Subraiyung hamchajak,
tamni hwn ba bo ani koimani khorang khna kha.
7Subraiyung se ani phan tei ani phui;
ang bini thani ani bwkha bera-o,
tei ani bwkha rwchapmung bai
khe bono hambai rwui rwchabo.
8Subraiyung se bini bororokni phan;
bo bini chongjakni mwthangnai phan.
9Nini bororokno mwthang ja di;
bórokni mwrwknai wng ja di,
tei bórokno mol brúm brúm tẃither di.
Nokbar kotoro Kaitorni khorang
Daudni rwchapmung
Currently Selected:
LOBMUNG 28: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
Free Reading Plans and Devotionals related to LOBMUNG 28
Worship Through the Psalms
Daily Bible Reading—March 2024, God’s Guiding Word: Prayer
Daily Reading Plan With Christian Mael (February)
